Levitɛnɔ 26:3 - WE NU GALE 1995

³ “Fala kɛ nɛ zele mi, hã nɛ dɛ mbulanɔ 'da mi,

Levitɛnɔ 26:3 Iomraidhean Croise

NEHEMIE 1:9

Kɔ 'do ki ni, hã fala kɛ lɛ siki 'bɔ li lɛ dɛ 'da mɔ, kɔ lɛ dɛ olo ombulanɔ 'da mɔ, nɛ mɔ ngɛmɛ sɛ li lɛ, we gese lɛ dɛ fala kɛ mɔ saka na wa dɔnggɔ do mɔ ni. Gɛnɛ kɔ wa 'dɔlɔ lɛ gbaa tɛ ndɔti nùi, nɛ mɔ ngɛmɛ sɛ li lɛ we gese lɛ.

Kulu Tɔa 23:25

Nɛ nɛ dɔ́nggɔ́ mi NWA zu mi kpo, we kɛ mi a Gale 'da nɛ. Fala kɛ nɛ dɛ mbula gɛ, nɛ mi wele sɛ nu mi tɛ nɛ, nɛ mi hã sɛ nyɔngɔmɔ do lì nɔ nɔa hã nɛ, nɛ mi dɛ sɛ 'bɔ na, zɛlɛmɔ tɛ bà nɛ gɔ.

Ezai 1:19

Fala kɛ nɛ 'dafa sila nɛ, kɔ nɛ zele we nu mi, nɛ nɛ nyɔngɔ sɛ dia nyɔngɔmɛnɔ ngɔ nùi gɛ.

Ezai 30:23

Nɛ nɛ mi sɛ kpalɛnɔ 'da nɛ, nɛ nwa a dɛ sɛ na, kolo tɛ dɛ ngɔ nɛ, hã ma gã. Nùi 'da nɛ ma ko sɛ odia kpalɛ hã nɛ, nɛ ma dɔ sɛ wena. Nɛ osa'denɔ 'da nɛ wa nyɔngɔ sɛ dia wɔkɔsɔ tɛ li zɔ̃nɔ.

Yeremi 11:4

Gba tɔkɛ ni, mi gba zi ma do oyaa nɛ, 'da fala kɛ mi fua zi wa kɔ gã ngamɛ tɛ ngɔ nù Ezipeto dɛ nza ni. Mi tɔ́a zi hã wa na, wa zélé mbula 'da mi, nɛ wa dɛ mɛnɔ vɛ̃ kɛ mi ba nu mi na, wa dɛ ni. Wa dɛ na mɛ ni, nɛ wa sɛ a owinɔ 'da mi, nɛ mi sɛ a Gale 'da wa.

Levitɛnɔ 19:25

Kɔ ma hɔ tɛ mɔlɔ sabɛlɛ, nɛ nɛ wia sɛ we nyɔngɔ owala tenɔ ni. Nɛ dɛ sɛ na mɛ ni, sɛ a wala tenɔ 'da nɛ ma kua dɛ dati kua fai de.

ZAKARIA 8:12

Mi e sɛ dungu fio ngɔ nùi, nɛ kolo ma tɛ sɛ wena, nɛ ote vinɔ ma ko sɛ wala nɛ, nɛ nùi ma ko sɛ okpalɛ. Mi hã sɛ dia mɛnɔ ni vɛ̃ hã tala owinɔ 'da mi kɛ wa 'bana nza ni.

MALAKI 3:10

Kɔ nɛ tɛ́ do kpo mbe 'bui kɔ mɛnɔ 'da nɛ vɛ̃, hã nɛ a ma kɔ Tɛmpɛloe 'da mi, dɔ nyɔngɔmɛ 'da onganganɔ zɔ́lɔ́ kɔ tɔa 'da mi gɔ. Nɛ yámbá sila mi, NWA ngɔ mɔ nyanga nza vɛ̃ ɔ nɛ kɛ mi tɔ̃a ni, hã nɛ zɔ, fala kɛ mi wèlè nu mi tɛ nɛ, nɛ mi hũi nu li nza, nɛ mi sulu ode mɔ hã nɛ gɔ sɛ.

Mbulanɔ 7:12

“Fala kɛ nɛ zele mbulanɔ gɛ, kɔ nɛ dɛ ma, nɛ NWA Gale 'da nɛ, a 'bana sɛ tɛ dɛ mbuli a kpua zɛ́ hã oyaa nɛ ni. Nɛ a be sɛ 'bɔ kɔ̃a zã 'da a hã nɛ.

USU MƐNƆ 22:14

Winɔ kɛ wa fɔlɔ tulu tɛ wa, nɛ ma sa ni, wa a wi yangga. Wa le sɛ do nu ngbo gã le, nɛ wa nyɔngɔ sɛ wala te kɛ ma hã kpasi ni.