Levitɛnɔ 26:1 - WE NU GALE 1995

¹ NWA tɔ̃a na: “Nɛ tɛ dɛ̃ okpikimanɔ gɔ, nɛ nɛ tɛ sɛ̀ ta, tabi zĩ ta dɛ ngɔ, hã nɛ dɔnggɔ ma olo li mi gɔ. Mba gɔ, mi a NWA Gale 'da nɛ.

Levitɛnɔ 26:1 Iomraidhean Croise

2 Onwanɔ 17:10

Nɛ wa ndɛngɛlɛ zi ota dɛ ngɔ ngbɛ ɛ, nɛ wa zĩ okpikima gale Asera kpa do ngɔ kalanɔ, kɛ ote hã gɔlɔ ngɔ nɛ boe ni vɛ̃.

2 Onwanɔ 17:16

Nɛ wa gbini mbulanɔ 'da NWA Gale 'da wa vɛ̃. Wa kala mɔ bolo, nɛ wa dolo obe ngɔmbɔ bɔa, nɛ wa sɛ kpikima gale Asera, nɛ wa gu nù ti osɔla, nɛ wa dɔnggɔ gale Bala.

2 Onwanɔ 17:8

nɛ wa dɛ zi 'dã mɛnɔ olo Okanana, kɛ NWA ndaka zi wa, takɔ a hã nùi olo wa ni hã obe Israɛlɛ ni. Nɛ wa dɛa zi 'bɔ mbulanɔ kɛ onwa ngɔ nù Israɛlɛ wa ia ngɔ wa ni.

Zumanɔ 78:58

Wa nɛa tɛ fala sambala ogale bɛlɛnɔ, nɛ wa dɔnggɔ osɛa te dɛ di ni. Na mɛ ni, wa tulu nwa, nɛ zã a nɔ̃lɔ̃ dɛ tɛ wa.

Zumanɔ 97:7

Owinɔ vɛ̃ kɛ wa dɔnggɔ okpikimanɔ, nɛ wa gbini zã wa do mɔ kɛ ma yala iko ni, wa kpa sɛ sape. Aa nɛ, galenɔ vɛ̃, nɛ gú nù ti NWA.

Kulu Tɔa 20:2

“Mi a NWA Gale 'da mɔ, mi a mi fua mɔ kɔ ngbá ngɔ nù Ezipeto.

Kulu Tɔa 20:23

Nɛ tɛ dòlò okpikima do fɛ̃a mɔ bolo, tabi do mɔ mbali we dɔnggɔ ma kɛ zã mi gɔ.

Kulu Tɔa 23:24

Ma wè na, nɛ bili zu nɛ nù dati ogalenɔ 'da wa we dɔnggɔ wa gɔ. Nɛ nɛ tɛ yàmbàlà tɛlɛ tɛ sambala 'da wa gɔ. Nɛ nde mi kɔ̃a na, nɛ 'danga osɛa tenɔ 'da wa, do otanɔ kɛ wa ndɛngɛlɛ dɛ ngɔ ngbɛ ɛ, nɛ wa dɔnggɔ ma ni.

Kulu Tɔa 34:17

“Nɛ tɛ gì mɔ bolo, nɛ nɛ dolo do gale we dɔnggɔ a gɔ.

Ezai 2:20

Do tũi ni, owinɔ wa kala sɛ okpikimanɔ, kɛ wa dula wa do mɔ mbali, do fɛ̃a mɔ bolo we dɔnggɔ wa ni, nɛ wa da sɛ wa hã ozula ti nù do opipili.

Levitɛnɔ 19:4

Nɛ tɛ sìkì li nɛ dɛ 'da ogale bɛlɛnɔ gɔ, nɛ nɛ tɛ dòlò okpikima gale bɛlɛ do mɔ bolo gɔ. Mi a NWA Gale 'da nɛ.

Levitɛnɔ 25:55

Mba gɔ, obe Israɛlɛ wa a owi tonɔ 'da mi. Mi a mi fua wa ngɔ nù Ezipeto dɛ nza. Mi a NWA Gale 'da nɛ.”

Levitɛnɔ 7:33

Ki ni, mɛ a 'bili tɛ sa'de kɛ wa hã ma hã nganga kɛ a nɛ do tɔkɛ, nɛ a dɔ Okɛndɔ sa'de ngɔ gbagala ni.

Tɔlɔ Mɔ 33:52

nɛ nɛ ndáká owinɔ ngɔ nùi ni vɛ̃ do'do. Nɛ 'danga sɛ okpikima galenɔ 'da wa kɛ wa dɛa ma do ta, tabi do mɔ bolo ni vɛ̃. Nɛ nɛ 'danga sɛ 'bɔ fala wa 'dafa we dɔnggɔ ogalenɔ 'da wa ni.

Owi Nɛ Tonɔ 17:29

Kɔ ɔ nɛ kɛ lɛ a benɔ 'da Gale ni, lɛ wè tɛ lengge na, a wia kɔ̃ do kpikima kɛ wele dɛa ma do mɔ mbali, tabi do mɔ bolo, tabi do ta ni gɔ. A wè kɔ̃ do mɔ kɛ wele dɛa ma do kɔ̃ ɛ, do hã zã mɔ́ ɛ ni gɔ.

Mbulanɔ 27:15

“ ‘Wi kɛ a sɛ ta, tabi te, tabi a dolo kpikima mɔ bolo, hã a usu we dɔnggɔ ma, nɛ Gale a fɔmbɔ sɛ a. We kɛ NWA Gale sɛnɛ tɛlɛ tɛ kpikimanɔ ɔ na mɛ ni wena.’ Nɛ owinɔ vɛ̃ wa gese sɛ na: ‘Ma na mɛ ni!’

Mbulanɔ 5:6

‘Mi a NWA Gale 'da mɔ, mi a mi fua mɔ kɔ ngbá ngɔ nù Ezipeto.

USU MƐNƆ 22:15

Nɛ nde owi ndinɔ, kɛ wa a owi dɛ sɔ̃, owi yɛnggɛ vĩ zu yɛli, owi gbɛ wi, owi dɔnggɔ kpikima, owi 'bili bɛlɛ, do owi dɛ mɔ do bɛlɛ ni, wa vɛ wa 'bana sɛ dɛ 'do le.

Owi kpe dati 18:30

Wa ia zi 'bɔ kpikima 'da Mika dɛ kɔ le ni, takɔ wa dɔnggɔ ma. Nɛ wa e Yonatanɛ do nganga kɔ nu kpala wa. Yonatanɛ zi a be yaa Mɔizɛ, nɛ a a be 'da Gɛrsɔmɛ. Obe yaa Yonatanɛ wa dɛa zi to nganga gbaa we hɔ do ngba soe kɛ owinɔ wa la zi kɔlɔ 'duli ni.