Levitɛnɔ 24:3 - WE NU GALE 1995

³ Nɛ Aroni a e sɛ mɔ a do mwindanɔ ni dɛ kɔ tɔa Tande kpa ngba wi do mi Gale. Wa e sɛ ma dɛ dati ku'bu kɛ ma kele Sanduku Gba Tɔkɛ ni. Wa tũ sɛ mwindanɔ ni do gɛ̃a wese, nɛ ma nyɛ sɛ dɛ dati mi ni gbaa we hɔ titole. Nɛ dɛ sɛ mbula gɛ 'da fala fai kɔ sabɛlɛ do sabɛlɛ.

Levitɛnɔ 24:3 Iomraidhean Croise

Kulu Tɔa 27:21

Nɛ Aroni do obenɔ 'da a, wa e sɛ mɔ a do mwindanɔ dɛ kɔ tɔa Tande kpa ngba wi do mi Gale ni. Wa e sɛ ma dɛ dati ku'bi kɛ ma kele Sanduku Gba Tɔkɛ ni. Nɛ wa tũ sɛ mwindanɔ ni do gɛ̃a wese, nɛ ma nyɛ dɛ dati mi gbaa we hɔ titole. Ma wia na, obe Israɛlɛ wa dɛ mbula gɛ fai kɔ sabɛlɛ do sabɛlɛ.

Levitɛnɔ 24:2

“Mɔ bá nu mɔ hã obe Israɛlɛ na, wa tɛ do nɔ olivɛ, kɛ ma gbala do dia nɛ ngboo ni hã mɔ, takɔ gɛ̃a wese kpo kpo, nɛ wa a sɛ kɔ mwindanɔ, nɛ wa tũ ma.

Levitɛnɔ 24:4

Do gɛ̃a wese kpo kpo, nɛ Aroni a 'dafa sɛ mwindanɔ dɛ ngɔ mɔ a do mwindanɔ kɛ wa dɛa ma do dia mɔ mbali ngboo ni. A dɛ sɛ na mɛ ni, takɔ mwindanɔ ma nyɛ dɛ dati mi do tũnɔ vɛ̃.

Levitɛnɔ 3:17

Ma kɛ ma wè na, be Israɛlɛ kpo nyɔngɔ kɛndɔ, tabi tɔkɔ gɔ. Obe Israɛlɛ wa dɛ sɛ mbula gɛ fai tɛ falanɔ vɛ̃ kɛ wa nɛ dungu te'de ni.”

Tɔlɔ Mɔ 18:5

Mɔ, do obe zã mɔ hã nɛ dɛ sɛ toe tɛ Fala kɛ ma santo do kɛ zã gbagala. Nɛ dɛ na mɛ ni, nɛ zã mi ma nɔ̃́lɔ̃́ sɛ 'bɔ mbé nɛ dɛ tɛ obe Israɛlɛ gɔ.

1 SAMUƐLƐ 3:3

Nɛ Samuɛlɛ ɔa tɛ mɛ 'bɔ yala kɔ tɔa Gale, kɛ Sanduku Gba Tɔkɛ kɔ nɛ ni. Do dati kɛ na fala ma ngɔ sa nɛ ni, nɛ nde nyɛa we kɔ tɔa Gale 'bana nyɛ nɛ,