Levitɛnɔ 23:3 - WE NU GALE 1995

³ Kɔ pɔsɔ kpo, nɛ nɛ wia we dɛ to 'do tũ gazɛlɛ. Nɛ nde kɔ̃ tũi kɛ sambo, mɛ a kɔ̃ tũ ɔmɔ tɛ wi. Nɛ tɛ dɛ̀ to do ngba soe ni gɔ, nɛ nde nɛ mbá ngba nɛ we dɔnggɔ mi. Gɛnɛ kɔ nɛ a do nde, nɛ nɛ ba sɛ kɔ̃ tũi ni na, mɛ a kɛ 'da mi.

Levitɛnɔ 23:3 Iomraidhean Croise

Kulu Tɔa 16:23

nɛ a tɔ̃ hã wa na: “NWA Gale ba nu a na mɛ ni. We kɛ bindɛ, mɛ a tũ ɔmɔ tɛ wi we dɔnggɔ do a. Sɔɛ gɛ, nɛ dɔ tabi nɛ gi nyɔngɔmɛnɔ ɔ nɛ kɛ zã nɛ kɔ̃a ni, nɛ nɛ nyɔngɔ, nɛ tala kɛ 'bana ni, nɛ nɛ e ngɔ we bindɛ.”

Kulu Tɔa 16:29

Nɛ ĩ na, mi ia tũi kɛ sambo na, nɛ ɔmɔ do tɛ nɛ. We duzu ki ni, hã ma hɔ tɛ tũi kɛ gazɛlɛ, nɛ mi hã nyɔngɔmɔ hã nɛ na, nɛ nyɔngɔ 'do tũ bɔa. Nɛ tũi kɛ sambo, wele kpo kpo 'báná dɛ fala ɔi 'da a, nɛ a tɛ hɔ nza gɔ.”

Kulu Tɔa 16:30

Na mɛ ni, do tũi kɛ sambo, nɛ obe Israɛlɛ wa ɔmɔ tɛ wa.

Kulu Tɔa 23:12

“Kɔ pɔsɔ kpo, nɛ dɛ sɛ to 'do tũ gazɛlɛ, nɛ tũi kɛ sambo, nɛ dɛ́ sɛ to kpo gɔ. Nɛ dɛ sɛ na mɛ ni, takɔ ogele winɔ, do ongbánɔ, do osa'denɔ wa dɛ toe hã nɛ ni, wa ɔmɔ tɛ wa.

Kulu Tɔa 34:21

Kɔ pɔsɔ kpo, nɛ ní dɛ sɛ to 'do tũ gazɛlɛ, nɛ tũi kɛ sambo, nɛ dɛ́ sɛ to gɔ. Gɛnɛ kɔ mɛ a 'da fala wa fɔ, tabi kala kpalɛ li fɔ, nɛ nde nɛ dɛ́ sɛ to do tũi ni gɔ.

Ezai 56:2

Mi wele sɛ nu mi tɛ owinɔ kɛ wa dɛ olo nu mi, nɛ wa kpe tɛ wa do kɔ̃ tũ ɔmɔ tɛ wi, nɛ wa dɔnggɔ ma, nɛ wa dɛ́ 'dã mɔ kpo gɔ ni.”

Ezai 56:6

Nɛ fala kɛ NWA zɔ ogele winɔ kɛ wa lia sanga owinɔ 'da a, nɛ wa kɔ̃a gɛnɛ a, nɛ wa dɛ to hã a, nɛ wa kpe tɛ wa kɔ̃ tũ ɔmɔ tɛ wi, nɛ wa dɔnggɔ gba tɔkɛ 'da a ni, nɛ a tɔ̃ sɛ hã wa na:

Ezai 58:13

NWA Gale tɔ̃a na: “Nɛ kpé tɛ nɛ do kɔ̃ tũ ɔmɔ tɛ wi, nɛ nɛ zɔ ma na, mɛ a tũ yangga, nɛ mɛ a tũ kɛ ma santo. Nɛ nɛ lá fala fa de mɛnɔ 'da nɛ wele nɛ do kɔ̃ tũi 'da mi. Nɛ do ngba soe ni, nɛ nɛ tɛ dɛ̀ to gɔ, nɛ nɛ tɛ nɛ̀ gɛnɛ gɔ, nɛ nɛ tɛ wèlè we yala yala iko gɔ.

Levitɛnɔ 19:3

Ma wia na, wele do wele dɔ́nggɔ́ baa a do naa a, nɛ a lengge do kɔ tũ ɔmɔ tɛ wi, ɔ nɛ kɛ mi tɔ́a ni.

LUKA 13:14

Kɔ nwa ngɔ tɔa mbula nɛa we zɔ na, Yezu kpasa wele do tũ ɔmɔ tɛ wi ni, nɛ zã a nɔ̃lɔ̃ wena. Nɛ a tɔ̃ hã gba gili winɔ na: “Kɔ pɔsɔ kpo, tũ dɛa to ma gazɛlɛ. Kɔ ma wia na, nɛ tɛ do kɔ̃ tũnɔ ni, hã wa kpasa nɛ, nɛ nɛ tɛ tɛ̀ do tũ ɔmɔ tɛ wi gɔ!”

LUKA 23:56

Nɛ 'do nɛ, nɛ wa kpula tɛ wa, nɛ wa fa nwá nyama, do nɔ yɔmbɔ, we fɛlɛ sɛ do tɛ Yezu. Nɛ do kɔ̃ tũ ɔmɔ tɛ wi, nɛ wa kpia tɛ wa ɔ nɛ kɛ mbula tɔ̃a ni.

Owi Nɛ Tonɔ 15:21

We kɛ zɛ́ belee fai, mbulanɔ 'da Mɔizɛ, kɛ wa tɔlɔ ma kɔ tɔa mbulanɔ do kɔ̃ tũ ɔmɔ tɛ wi ni, ma tɔ̃a ni.”

USU MƐNƆ 1:10

'Da fala mi zi i mɔ ni, nɛ mbe ngba soe ɛngga kpo, nɛ ngawi 'da Hi Wi Santo lia kɔ mi, nɛ mi zele wala gɛlɛ wele do 'do mi, ma wele nganda wena ɔ nɛ giti mɔtũlũ ni