Levitɛnɔ 22:4 - WE NU GALE 1995

⁴ Nganga wele kɛ a ba zɛlɛ ngbɛlɛ, tabi a ba zɛlɛ tɛ wuko, nɛ ma wè na, a nyɔngɔ dɔnggamɔ santo dati kɛ na, a hɔ sa wi ni gɔ. Ma 'bɔ na mɛ ni, we duzu nganga wele kɛ a 'be tɛ wi kɛ a 'bia tɛ wɔlɔ, nɛ a hɔa wi ndi, tabi a 'bia tɛ mɔ kɛ ma ndɔa tɛ wɔlɔ, nɛ ma hɔa mɔ ndi ni. Ma 'bɔ na mɛ ni, we duzu nganga wele kɛ lì tɛ̃ a ma hɔa iko,

Levitɛnɔ 22:4 Iomraidhean Croise

Levitɛnɔ 11:39

“Fala kɛ sa'de kɛ wa wia we nyɔngɔ a ni, a fe iko, kɔ wele 'be te fia a, nɛ a hɔ sɛ wi ndi gbaa we hɔ gɛ̃a wese.

Levitɛnɔ 15:17

Nɛ ma wia na, tulu, tabi ndala kɛ lì tɛ wi 'danga tɛ nɛ ni, wa fɔlɔ ma. Nɛ nde ma 'bana sɛ mɔ ndi li Gale gbaa we hɔ gɛ̃a wese.

Levitɛnɔ 2:10

Nɛ tala dɔnggamɛ ni sɛ a mɔ́ Aroni do obenɔ 'da a. Mɛ a nyɔngɔmɔ kɛ ma santo wena, we kɛ ma yula kɔ dɔnggamɛ kɛ wa hã ma hã NWA ni.

Levitɛnɔ 2:3

Nɛ tala dɔnggamɛ ni sɛ a mɔ Aroni do obenɔ 'da a. Mɛ a nyɔngɔmɔ kɛ ma santo wena, we kɛ ma yula kɔ dɔnggamɛ kɛ wa hã ma hã NWA ni.

Levitɛnɔ 21:1

NWA tɔ́a hã Mɔizɛ na, a e mbulanɔ gɛ hã onganganɔ kɛ wa a obe zã Aroni ni na: “Ma wè na, nganga 'be tɛ wɔlɔ wi na mɔ́ a, kɔ a hɔ wi ndi li mi NWA gɔ.

Levitɛnɔ 21:22

Nɛ nde a wia tɛ nyɔngɔ tala dɔnggamɛnɔ wa hã ma hã mi, do nyɔngɔmɛnɔ vɛ̃ kɛ ma santo, do dɔnggamɛnɔ kɛ ma santo wena ni.

AZE 2:13

Nɛ Aze aka 'bɔ wa na: “Kɔ fala kɛ wele hɔ wi ndi li Gale we kɛ a 'bia tɛ wɔlɔ, kɔ a 'be 'bɔ tɛ nyɔngɔmɔ, nɛ nyɔngɔmɛ ni wia we hɔ nyɔngɔmɔ ndi li Gale nde?”

Tɔlɔ Mɔ 18:19

Nɛ mi hã mɛnɔ vɛ̃ kɛ obe Israɛlɛ wa tɛ do ma hã mi ɔ nɛ dɔnggamɔ kɛ ma santo ni hã nɛ. Ma sɛ fai a mɔ́ mɔ, do obulu benɔ 'da mɔ do oboko benɔ 'da mɔ. Kɛ gɛ mɛ a gba tɔkɔ kɛ mi gba do mɔ do obe zã mɔ, nɛ mi kpóló sɛ ma gɔ fai.”

Tɔlɔ Mɔ 18:9

Odɔnggamɛnɔ kɛ nɛ we sɛ tɛ kala do mɔ́ nɛ ni, ma kɛ: fũ farini, dɔnggamɛnɔ we si olo ku'da 'dã mɔ, do dɔnggamɛnɔ we futa olo 'dã mɔ. Dɔnggamɛnɔ ni ma santo, ma sɛ we duzu mɔ, do obe zã mɔ.

Tɔlɔ Mɔ 19:20

“Wele kɛ a 'be tɛ wɔlɔ ni, kɔ wa kpa li fɔlɔ wi tɛ̃ a gɔ, nɛ nde a faka tɔa Tande 'da mi NWA faka, nɛ wa fo sɛ a sanga obe Israɛlɛ do'do.