Levitɛnɔ 20:3 - WE NU GALE 1995

³ Mi NWA ngboo ni, mi ba sɛ li mi ngɔ a, nɛ mi fo a sanga owinɔ 'da mi, tua kɛ a gbɛa mbe kpo sanga obenɔ 'da a we dɔnggɔ do Mɔlɛkɛ, nɛ a faka fala dɔnggɔ do mi, nɛ a hã sape hã zu li mi, kɛ ma santo ni.

Levitɛnɔ 20:3 Iomraidhean Croise

Kulu Tɔa 30:33

Fala kɛ wele dɛ tɛlɛ tɛ nɛ, kɔ a fɛlɛ do tɛ gele wele iko, nɛ wa ndaka wi dɛ nɔɛ ni kɔ owinɔ 'da mi do'do.”

EZEKIƐLƐ 20:39

Nɛ NWA Gale tɔ̃ 'bɔ na: “Nɛ obe Israɛlɛ, nɛ nɛ́, kɔ nɛ dɛ ɔ nɛ kɛ zã nɛ kɔ̃a ni. Nɛ nɛ́, nɛ wele do wele dɔnggɔ kpikimanɔ 'da a. Nɛ nde mi mbese nɛ na, 'do nɛ, nɛ nɛ dɛ sɛ mbula 'da mi. Nɛ hã́ sɛ 'bɔ dɔnggamɔ hã okpikimanɔ gɔ, nɛ nɛ ha sɛ 'bɔ sape hã zu li mi kɛ ma santo ni gɔ.

EZEKIƐLƐ 5:11

“Nɛ faka Tɛmpɛloe 'da mi do 'dã kpikimanɔ, do yia sambala sapenɔ 'da nɛ. Ma kɛ mi NWA, mi kana tɛ mi na, mi ĩ́ sɛ 'bako hã nɛ gɔ, nɛ mi dɛ́ sɛ mbɔkɔ li hã nɛ gɔ. Mi kumu sɛ nɛ vɛ̃.

Levitɛnɔ 15:31

“Nɛ mbese sɛ obe Israɛlɛ na, fala kɛ wa hɔ wi ndi ia, nɛ wa nyɛ́lɛ́ do tɔa Tande. Wa dɛ sɛ na mɛ ni na, da dɛ kɔ wa fáká tɔa Tande mi ɔ kɔ nɛ dɛ gbogbo wa ni, kɔ wa fe gɔ.”

Levitɛnɔ 17:10

“Fala kɛ be Israɛlɛ, tabi gɛnɛ kɛ a ɔ sanga obe Israɛlɛ, a nyɔngɔ sa'de kɛ tɔkɔ 'bana kɔ nɛ ni, nɛ nwa a kifi sɛ 'do a lo do wi ni, nɛ a fo sí a sanga obe Israɛlɛ do'do.

Levitɛnɔ 18:21

Mɔ tɛ gbɛ mbe kɔ obenɔ 'da mɔ, we hã do dɔnggamɔ hã gale Mɔlɛkɛ gɔ. Mɔ dɛ na mɛ ni, nɛ mɔ faka sɛ zu li mi Gale. Mi a NWA.

Levitɛnɔ 19:12

Nɛ tɛ kànà tɛ nɛ do zu li mi do bɛlɛ gɔ. Nɛ dɛ ma, nɛ nɛ faka sɛ zu li mi. Mi a NWA Gale 'da nɛ.

Levitɛnɔ 20:4

Nɛ nde fala kɛ owinɔ kɔ le ni wa zɔ mɛ a dɛa ni, hã wa usu we nɛ, kɔ wa gbɛ wi ni gɔ,

Levitɛnɔ 21:6

Ma wia na, onganganɔ wa hã tɛ wa we dɛ toe 'da mi, nɛ wa tɛ 'dàngà zu li mi gɔ. Mba gɔ, toe 'da wa mɛ a hã odɔnggamɛnɔ kɛ mɛ a nyɔngɔmɛ 'da mi ni hã mi, NWA Gale 'da wa. Ma kɛ ma wia na, wa ɔ santo ngboo.

Levitɛnɔ 7:20

Hã fala kɛ wele ɔ do wi ndi li NWA Gale, kɔ a nyɔngɔ mulu sa'de dɔnggamɔ kɛ wa hã ma hã a na, ma be dɛa na ni, nɛ wa fo a sanga wa obe Israɛlɛ do'do.

Levitɛnɔ 7:21

Ma ɔ sɛ 'bɔ kpasaa na mɛ ni, we duzu wi kɛ a 'be tɛ wi ndi, tabi sa'de ndi, tabi mɔ kɛ vɛ̃ ma a mɔ ndi li Gale, nɛ 'do nɛ, nɛ a nyɔngɔ mulu sa'de dɔnggamɛ ni.”

Tɔlɔ Mɔ 19:13

Wele kɛ a 'be tɛ wɔlɔ, kɔ wa kpa lì fɔlɔ wi tɛ̃ a gɔ, nɛ nde a faka tɔa Tande 'da mi Gale faka, nɛ wa fo sɛ a sanga obe Israɛlɛ do'do.

Tɔlɔ Mɔ 19:20

“Wele kɛ a 'be tɛ wɔlɔ ni, kɔ wa kpa li fɔlɔ wi tɛ̃ a gɔ, nɛ nde a faka tɔa Tande 'da mi NWA faka, nɛ wa fo sɛ a sanga obe Israɛlɛ do'do.

2 KORINTƐ 6:16

We mɔ́ kpikima tɛ tɔa 'da Gale boe nde? Tɔa 'da Gale wele kpasi, wi a lɛ, ɔ nɛ kɛ a ngboo a tɔ̃a na: “Mi ɔ sɛ dɛ sanga winɔ 'da mi, nɛ mi yɛnggɛ sɛ fala nɛ kpo do wa. Mi sɛ a Gale 'da wa, nɛ wa sɛ a winɔ 'da mi” ni.

1 PETRO 3:12

We kɛ Nwa Gale zɔ mɔ tɛ owi bɔlɔ zu, nɛ a gɛ zala a we zele sambala 'da wa. Nɛ nde a siki 'do a hã owi dɛ 'dã mɔ.”