Levitɛnɔ 20:2 - WE NU GALE 1995

² a e mbulanɔ gɛ hã obe Israɛlɛ na: “Fala kɛ be Israɛlɛ, tabi gɛnɛ kɛ a ɔ ngɔ nù Israɛlɛ ni, a gbɛ mbe kpo kɔ obenɔ 'da a we dɔnggɔ do gale Mɔlɛkɛ, nɛ wa gbɛ sɛ a. Owinɔ ngɔ nùi ni, wa lo sɛ a do ta, nɛ wa gbɛ a.

Levitɛnɔ 20:2 Iomraidhean Croise

1 Onwanɔ 11:7

Salɔmɔ 'dafa zi fala tɛ ngɔ kala dati Yeruzalɛmɛ na, wa dɔnggɔ do Kɛmɔsi, gba sɔ̃ gale 'da Omoabɛ. Nɛ a 'dafa 'bɔ mbee nɛ we dɔnggɔ do Milkɔmɛ, gba sɔ̃ gale 'da Oamoni.

2 Onwanɔ 17:17

Nɛ wa gbɛ bulu benɔ do boko benɔ 'da wa, nɛ wa dɔ wa we dɔnggɔ do gale bɛlɛnɔ. Nɛ wa nɛ 'da Owi dɛ sɔ̃ kpi do kpi, nɛ wa dɛa 'bɔ ogele 'dã mɔ kɛ ma 'danga tɛ NWA, nɛ wa nɔ̃lɔ̃ zã a wena.

2 Onwanɔ 23:10

Nɛ Yoziasi 'danga 'bɔ fala wa sa li nɛ na Tɔfɛtɛ, tɛ kɔ gbangɔlɔ̃ Hinɔmɛ. A dɛa ni na, dɔ owinɔ wa gbɛ́ 'bɔ obenɔ 'da wa dɛ di ni, nɛ wa dɔ wa hã gale Mɔlɛkɛ gɔ.

2 Sakonɔ 28:3

Nɛ a hã dɔnggamɔ fũ yɔmbɔ tɛ kɔ gbangɔlɔ̃ Hinɔmɛ. Nɛ gã 'dã mɛ kɛ a dɛa ma ni, mɛ a kɛ a gbɛa obulu benɔ 'da a ngboo, nɛ a wa do dɔnggamɔ hã ogalenɔ 'da a. A dɛa ni, mba gɔ, we kɛ a zɔa zi ma kɔ̃ Okanana, kɛ NWA Gale ndaka zi wa ngɔ nù 'da wa, nɛ a hã ma hã obe Israɛlɛ ni.

2 Sakonɔ 33:6

Nɛ dɛ ngɔ ki ni, nɛ a gbɛ 'bɔ bulu benɔ 'da a, nɛ a hã wa do dɔnggamɔ hã ogale bɛlɛnɔ tɛ kɔ gbangɔlɔ̃ Hinɔmɛ. Nɛ a dɛ 'bɔ osɔ̃ kpi do kpi, nɛ a aka owinɔ kɛ wa wele we do bɔzɔnɔ ni. A dɛa zi 'dã mɔ dɛ dati dɛa fai, nɛ ma 'danga tɛ NWA, nɛ ma nɔ̃lɔ̃ zã a.

Zumanɔ 106:38

Wa kala obenɔ 'da wa kɛ wa do 'dã mɔ bina ni, nɛ wa gbɛ wa we dɔnggɔ do galenɔ 'da Okanana. Nɛ 'dã mɛnɔ wa dɛa ni ma faka le 'da wa.

Yeremi 32:35

Wa dɛa 'bɔ ofala we dɔnggɔ do gale Bala tɛ kɔ gbangɔlɔ̃ Hinɔmɛ, takɔ wa gbɛ obenɔ 'da wa dɛ di ni, we dɔnggɔ do gale Mɔlɛkɛ. Ĩ na, mi bà zi nu mi hã wa ni fala kpo gɔ, nɛ mi lènggè zi mbe fala kpo na, wa dɛ̃ sɛ gã 'dã mɔ na mɛ gɛ, nɛ wa le kɔla ni gɔ.”

Yeremi 7:31

Wa 'dafa fala tɛ kɔ gbangɔlɔ̃ Hinɔmɛ, nɛ wa sa li nɛ na ‘Tɔfɛtɛ’. Wa 'dafa fala ni we dɔ do obulu benɔ, do oboko benɔ 'da wa do dɔnggamɔ. Ĩ na, mi bà zi mbe nu mi hã wa ni fala kpo gɔ, nɛ mi lènggè zi 'bɔ mbe do mɔ ɔ ni fala kpo gɔ.

EZEKIƐLƐ 20:26

Mi ia wa na, wa hã odɔnggamɔ kɛ ma dɛ na, wa hɔ wi ndi li mi ni. Mi la wa na, wa dɔ kuti bulu benɔ 'da wa. Mi dɛa zi na mɛ ni, takɔ kili ba wa, nɛ wa ĩ na, mi a NWA.”

EZEKIƐLƐ 20:31

Yolo gbaa we hɔ sɔɛ gɛ, nɛ 'bana tɛ hã dɔnggamɛnɔ hã okpikimanɔ ni. Nɛ nɛ 'bana 'bɔ tɛ gbɛ benɔ 'da nɛ hã wa. Kɔ nɛ dɛ ni, nɛ nɛ lengge na, nɛ wia we tɛ dati mi, we aka mi do we nde? Nɛ nde nɛ zélé mi NWA Gale, mi kana tɛ mi na, mi kɔ̃̀ 'bɔ na, wa aka mi gɔ.

EZEKIƐLƐ 23:37

Wa ɔa do wilinɔ 'da ngba wa, nɛ wa gbɛa Owele. Wa hã tɛ wa hã okpikimanɔ, nɛ wa gbɛa obulu benɔ wa kua wa hã mi ni, we dɔnggɔ do okpikimanɔ ni.

EZEKIƐLƐ 23:39

Nɛ do kpo soe wa gbɛa do obulu benɔ 'da wa we dɔnggɔ do kpikimanɔ 'da wa ni, nɛ wa lia kɔ Tɛmpɛloe 'da mi, kɛ mɛ a tɔa 'da mi ngboo ni, nɛ wa faka ma.

Levitɛnɔ 17:13

“Fala kɛ be Israɛlɛ kpo, tabi gɛnɛ kɛ a ɔ sanga obe Israɛlɛ, a gbɛ sa'de, tabi nɔɛ kɛ wa wia we nyɔngɔ mulu nɛ ni, nɛ a fo sɛ tɔkɔ tɛ̃ a dɛ nù, nɛ a a nù ngɔ nɛ.

Levitɛnɔ 17:15

“Fala kɛ be Israɛlɛ, tabi gɛnɛ, a nyɔngɔ mulu sa'de kɛ a fia iko, tabi sa'de kɛ 'dã sa'de zamɔ gbɛa a ni, nɛ wi ni a fɔ́lɔ́ tɛ̃ a, do tulu tɛ̃ a. Nɛ nde a 'bana sɛ wi ndi gbaa we hɔ gɛ̃a wese, sɛ nɛ a hɔ 'bɔ sa wi li Gale mbé nɛ de.

Levitɛnɔ 17:8

“Fala kɛ be Israɛlɛ kpo, tabi gɛnɛ kɛ a ɔ sanga obe Israɛlɛ ni, a kɔ̃ we dɔ sa'de, tabi hã gele dɔnggamɔ hã NWA,

Levitɛnɔ 18:21

Mɔ tɛ gbɛ mbe kɔ obenɔ 'da mɔ, we hã do dɔnggamɔ hã gale Mɔlɛkɛ gɔ. Mɔ dɛ na mɛ ni, nɛ mɔ faka sɛ zu li mi Gale. Mi a NWA.

Levitɛnɔ 20:1

NWA tɔ̃a hã Mɔizɛ na,

Levitɛnɔ 20:27

“Fala kɛ wi wili, tabi wuko ili do aka obɔzɔ fionɔ we ogele wele, nɛ ma wia na, wa gbɛ a. Wa lo sɛ a do ta, nɛ wa gbɛ a. Nɛ 'dã mɛ 'da a sɛ dɛ zu a wele nɛ.”

Levitɛnɔ 24:14

“Mɔ bá wi dã zu li mi gɛ hɔ do a dɛ 'do ngbo ɔi i. Mɔ hɔ do a do'do, nɛ owinɔ vɛ̃ kɛ wa zila a tɛ dã zu li mi ni, wa a sɛ kɔ̃ wa dɛ zu a. 'Do nɛ, nɛ obe Israɛlɛ vɛ̃ wa lo sɛ a do ta, nɛ wa gbɛ a.

Levitɛnɔ 24:16

Wele kɛ dã zu li mi NWA, nɛ ma wia na, wa gbɛ a. Obe Israɛlɛ vɛ̃ wa lo sɛ a do ta, nɛ wa gbɛ a. Gɛnɛ kɔ ma ɔ do gɛnɛ, tabi be Israɛlɛ ngboo, nɛ wa gbɛ sɛ a, we kɛ a dã zu li mi NWA Gale ni.

Levitɛnɔ 24:23

Mɔizɛ nɛa we tɔ̃ mbulanɔ ni hã obe Israɛlɛ, nɛ wa ba wi dã zu li Gale ni, nɛ wa hɔ do a dɛ 'do ngbo ɔi i, nɛ wa lua a do ta, nɛ wa gbɛ a. Na mɛ ni, obe Israɛlɛ wa dɛa mbula kɛ NWA ia ma hã Mɔizɛ ni.

Owi Nɛ Tonɔ 7:43

Gɔ! Nɛ yɛnggɛ zi do tole tɔa Tande 'da gale Mɔlɔkɛ, do kɛ 'da gale sɔla 'da nɛ Refanɛ. Nɛ nde nɛ a nɛ dɛa zi ohi mɛnɔ ni do kɔ̃ nɛ, takɔ nɛ dɔnggɔ ma. We duzu ma, mi 'dɔlɔ sɛ nɛ gbaa dɛ ngɔ nù Babilonia i.’ ”

Mbulanɔ 12:31

Nɛ nɛ tɛ dɔ̀nggɔ̀ NWA Gale 'da nɛ, ɔ nɛ kɛ wa dɔnggɔ do galenɔ 'da wa ni gɔ. Mba gɔ, 'da fala owinɔ ni wa ma ngɔ dɔnggɔ galenɔ 'da wa, nɛ wa dɛ mɛnɔ vɛ̃ kɛ Gale 'da nɛ sɛnɛ ma wena ni. Nɛ mɛ ma 'danga nɛa ngɔ ngbɛ ɛ vɛ̃, mɛ a kɛ wa gbɛ obulu benɔ do oboko benɔ 'da wa, nɛ wa dɔ wa we dɔnggɔ do galenɔ 'da wa ni.

Mbulanɔ 17:2

“Mbe gɔ, nɛ ngba soe kpo, nɛ nɛ zele na, kɔ mbe le kpo sanga olenɔ kɛ NWA Gale 'da nɛ, a hã ma hã nɛ ni, wi wili tabi wuko a dɛa 'dã mɔ dɛ 'da NWA, nɛ a 'danga gba tɔkɛ 'da a. Mba gɔ, a dɔnggɔ ogele galenɔ, nɛ a dɛ to hã wa. Tabi a dɔnggɔ 'bɔ wese, tabi zɛkɛ, tabi osɔlanɔ, kɛ mbula 'da NWA bɛ̃a ni.

Mbulanɔ 18:10

Da dɛ kɔ wele kpo gbɛ́ be 'da a we dɔnggɔ do ogale gɔ. Nɛ wele kpo tɛ hɔ wi dɛ sɔ̃, tabi wi 'bɛnɛ mɔ, tabi wi fa gulu mɔ, tabi wi kɛ a tɔ̃ wenɔ ma hɔ sɛ 'do nza ni gɔ. Nɛ dɔ wele bá 'bɔ tunumɔ gɔ.

Mbulanɔ 21:21

'Do nɛ, nɛ owinɔ kɔ le ni, wa lo sɛ a do ta, nɛ wa gbɛ a. Nɛ dɛ na mɛ ni, nɛ nɛ fo sɛ 'dã mɔ sanga nɛ do'do. Nɛ obe Israɛlɛ vɛ̃, wa zele sɛ we nɛ, nɛ kili ba wa.

Mbulanɔ 22:21

Ma ɔ ni, nɛ wa ba sɛ wuke ni, nɛ wa nɛ do a dɛ kpongbo nu tɔa 'da baa a. Nɛ owi wilinɔ kɔ le ni, wa lo sɛ a do ta, nɛ wa gbɛ a. Mba gɔ, a dɛa mɔ sape sanga owinɔ 'da lɛ. A ĩ ti wili dati a kɛ na, a ba wili ni. Nɛ dɛ na mɛ ni, nɛ nɛ fo sɛ 'dã mɔ sanga nɛ, obe Israɛlɛ do'do.