Levitɛnɔ 2:4 - WE NU GALE 1995

⁴ “Fala kɛ ma ɔ do dɔnggamɔ kɛ wa dɔa ma kɔ furu, nɛ ma wia na, ma ɔ do mapa kɛ nu ma ɔ dĩ, nɛ wa dɛ ma do fũ kɛ wa zanga ma do nɔ iko, nɛ wa tɛ à ina hana mapa tɛ nɛ gɔ. Tabi ma wia na, ma ɔ do mapa kɛ nu ma dĩ̀lĩ̀ gɔ, nɛ wa kpã nɔ ngɔ nɛ, nɛ wa tɛ à ina hana mapa tɛ nɛ gɔ.

Levitɛnɔ 2:4 Iomraidhean Croise

Zumanɔ 22:14

Wa 'bã nu wa dɛ tɛ mi, nɛ wa he mɔ we ɛ̃ sanga mi, ɔ nɛ kɛ wa a ogbɔgbɔ ni.

Kulu Tɔa 12:8

Nɛ wa dɔ sɛ mulu sa'de nyɔɔ, hã tũi tũ, nɛ wa nyɔngɔ ma do onwá Sanggo kɛ ma a fã, do mapa kɛ wa à ina hana mapa tɛ nɛ gɔ ni.

Kulu Tɔa 16:31

Obe Israɛlɛ wa ia li nyɔngɔmɛ wa kala ni na mana. Ma zi a fɛ̃a ɔ nɛ gbãlã mũlũ ni, nɛ ma ɛ̃fɛ̃ ɔ nɛ mukate kɛ wa mba do nɔ gɔlɔ ni.

Kulu Tɔa 29:2

Nɛ mɔ fa fũ ble, nɛ mɔ zanga ma, nɛ mɔ tɛ à ina hana mapa tɛ nɛ gɔ. Mɔ zanga ni do'do, nɛ mɔ dɔ ma do mapa, nɛ mɔ fa nɔ, nɛ mɔ dɔ mbe do mukate, nɛ mɔ dɛ 'bɔ mbe do bisikiti, nɛ mɔ kpã nɔ tɛ nɛ.

Ezai 42:1

NWA tɔ́a na: “Nɛ zɔ́ wi dɛa toe 'da mi, mi saka a, nɛ mi hã ngawi hã a. Mi dɛ yangga we duzu a. Hi Wi 'da mi lia kɔ a na, a e bɔlɔ zu dɛa mɔ ngɔ nù gɛ.

Ezai 61:1

Hi Wi 'da NWA Gale ngɔ mi boe. NWA saka mi, nɛ a tombo mi na, mi nɛ, hã mi be dia sakoe hã owi sãnɔ, nɛ mi nganda sila owinɔ kɛ wa mbɔka ni, nɛ mi tɔ̃ hã owi kɔlɔ 'dulinɔ na, wa hɔa nza kɔ ngbá ia, nɛ mi fo owi bɔlɔkɔnɔ dɛ nza.

EZEKIƐLƐ 46:20

Nɛ a tɔ̃ hã mi na: “Kɛ gɛ mɛ a fala onganganɔ wa nɛ gi do sa'denɔ, takɔ Gale fo ku'da 'dã mɛnɔ ni. Nɛ wa gi sɛ 'bɔ mbe dɔnggamɛnɔ dɛ di ni. Wa dɛ sɛ na mɛ ni na, da dɛ kɔ wa hɔ́ do dɔnggamɔ santonɔ ni dɛ li fanda kɛ winɔ wa nɛ ni, kɔ wa kpa 'dã mɔ gɔ.”

Levitɛnɔ 1:11

Nɛ a 'bili sɛ gɛlɛ a dɛ kɛ zã gbagala do si gbãlã ngɔ. Nɛ onganganɔ wa kpã sɛ tɔkɔ nɛ tɛ 'bolo zã gbagala.

Levitɛnɔ 10:12

Mɔizɛ tɔ̃a hã Aroni do obenɔ 'da a bɔa, Elazarɛ do Itamarɛ, kɛ wa 'bana nza ni na: “Nɛ kálá tala dɔnggamɔ fũnɔ, kɛ ma 'bana olo kɛnɔ wa la ma hã NWA ni, nɛ nɛ d: ma do mapa, nɛ nde nɛ tɛ à ina hana mapa tɛ nɛ gɔ. Nɛ nɛ nyɔngɔ ma dɛ kɛ zã gbagala, we kɛ mɛ a nyɔngɔmɔ kɛ ma santo.

Levitɛnɔ 6:17

NWA tɔ́a hã Mɔizɛ na,

Levitɛnɔ 7:12

“Fala kɛ wele hã dɔnggamɔ we tɔ̃ dia li NWA, nɛ ma wia na, dɛ ngɔ sa'de kɛ a nɛ gbɛ a ni, nɛ a tɛ sɛ do mukate kɛ a zanga ma do nɔ, nɛ a à ina hana mapa tɛ nɛ gɔ ni, do fũ kɛ a zanga ma do nɔ ni.

Tɔlɔ Mɔ 6:15

Nɛ a tɛ 'bɔ do yele mapa kɛ wa à ina hana mapa tɛ nɛ gɔ, nɛ wa dɔa ma do nɔ ni, do bisikiti kɛ wa à 'bɔ ina hana mapa tɛ nɛ gɔ, nɛ wa ndɔa nɔ ngɔ nɛ, mba do fũ farini, do dɔ́ kɛ ma wia do dɔnggamɛ ni.

MATIE 26:38

Nɛ a tɔ̃ hã wa na: “'Bako gulu zu mi ɔ nɛ kɛ ma nɛ gbɛ mi gbɛa ni. Kɔ nɛ 'báná dɛ dɛ, nɛ lɛ tɛ ɔ̀ yala gɔ.”

YOANƐ 12:27

“Ngangga ni, sila mi yɛkɛ wena. Kɔ mi nɛ tɔ̃ na ge nde? Mi tɔ̃ wá hã Baa mi na, a kpasa mi kɔ ngamɛ gɛ nde? Ɔ̃ ɔ̃! Mi tɛa ngɔ nù gɛ, we kpa ngamɛ gɛ.

YOANƐ 3:34

Wi kɛ Gale tumba a ni, a tɔ̃ wenɔ 'da Gale, we kɛ Hi Wi Santo 'da Gale dunu kɔ sila a.

OHEBRE 7:26

Na mɛ ni, Yezu a gã nwa nganga kɛ a wia do lɛ ngboo ni. A a santo, a dè 'dã mɔ gɔ, nɛ fo 'dã mɔ kɔ a bina. Gale fua zi a sanga o'dã winɔ, nɛ a ba a dɛ li nza ngɔ i.

1 PETRO 2:1

Kɔ we duzu ma, nɛ lá fala dɛ 'dã mɔ. Nɛ tɛ 'bìlì bɛlɛ gɔ, nɛ tɛ ɔ̀lɔ̀ wele gɔ, nɛ tɛ dè bɔnɛ gɔ, nɛ nɛ tɛ tɔ̃̀ tɛ ngba nɛ gɔ.

1 PETRO 2:22

Kristo dɛ̀ zi mbe 'dã mɔ kpo gɔ, nɛ a 'bìlì mbe bɛlɛ fala kpo gɔ.