Levitɛnɔ 2:2 - WE NU GALE 1995

² nɛ a tɛ do ma hã onganganɔ, kɛ wa a obe zã Aroni ni. Nɛ mbe nganga kpo, a so zu fũi kɛ wa zanga do nɔɛ ni, nɛ a so fũ yɔmbɛ vɛ̃, nɛ a dɔ ma dɛ ngɔ gbagala, nɛ ma sɛ a dɔnggamɔ kɛ ma gba ta zu NWA ngɔ wi hã ma ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 2:2 Iomraidhean Croise

NEHEMIE 13:14

Nɛ mi sambala na: “Aa Gale 'daa, da dɛ kɔ ta zu mɔ élé ngɔ mɛnɔ vɛ̃ kɛ mi dɛa zi ni gɔ! Nɛ da dɛ kɔ ta zu mɔ élé 'bɔ ngɔ kɛ mi dɛa olo nu mɔ, nɛ mi 'dafa tɔa Tɛmpɛloe, do mɔ dɛ do sambala ni gɔ.”

NEHEMIE 13:22

Nɛ mi ba nu mi hã olevitɛnɔ na, wa fɔlɔ tɛ wa we hɔ sa wi li Gale, nɛ wa nɛ we zɔ mɔ nu ongbo le, sɛ a winɔ wa dɛa kili, nɛ wa zɔ kɔ̃ tũ ɔmɔ tɛ wi na, mɛ a kɔ̃ tũi 'da Gale de. Ma kɛ mi sambala na: “Aa Gale 'daa, mɔ zɔ́ mɛ mi dɛa ni, nɛ ta zu mɔ gbá ngɔ mi. Nɛ mɔ dɛ́ 'bako hã mi, we kɛ mɔ de wena, kɔ̃a zã 'da mɔ ma gã wena.”

Kulu Tɔa 30:16

Mɔ ngɛmɛ li mbili ni kɔ obe Israɛlɛ vɛ̃ do'do, nɛ mɔ ba ma we 'dafa do tɔa Tande kpa ngba wi do mi Gale. Na mɛ ni, ta zu mi élé sɛ ngɔ nɛ obe Israɛlɛ gɔ, nɛ mi ka sɛ mɔ tɛ nɛ fai.”

Ezai 66:3

“Nɛ kɛ 'da owinɔ wa dɛ mɛnɔ do kɔ sila wa wele nɛ iko ni, mi dɛ yangga wa gɔ. Wa gbɛ wili ngɔmbɔ, nɛ wa gbɛ 'bɔ wele, nɛ wa hã a do dɔnggamɔ. Wa 'bili gɛlɛ bata, nɛ wa gbini 'bɔ gɛlɛ tolo we hã do dɔnggamɔ. Wa hã dɔnggamɔ fũ, nɛ wa hã 'bɔ tɔkɔ tɛ ngulu do dɔnggamɔ. Wa dɔ yɔmbɔ hã mi, nɛ wa dɔnggɔ 'bɔ ogale bɛlɛnɔ. Nɛ dɔnggamɛnɔ kɛ ma dè gɔ ni, ma ɛ̃fɛ̃ tɛ wa wena.

Levitɛnɔ 1:13

'Do nɛ, nɛ wi ni a fɔlɔ sɛ kala zã sa'de, do ogbɔgɔlɔ nyanga nɛ. Nɛ mbe nganga kpo, a be sɛ ma hã NWA, nɛ a dɔ ma vɛ̃ dɛ ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 1:17

'Do nɛ, nɛ a ɛ̃ sɛ sanga nɔɛ bɔa, nɛ a tata a, nɛ o'baka nɛ ma 'bana dɛ tɛ nɛ. Nɛ a dɔ sɛ ma vɛ̃ li we ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 1:9

Nɛ wi ni a fɔlɔ sɛ kala zã sa'de ni mba do ogbɔgɔlɔ nyanga nɛ, nɛ mbe nganga kpo dɔ ma vɛ̃ dɛ ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 2:16

Nɛ nganga, a so sɛ mbe zu fũi do nɔɛ, nɛ a mba do fũ yɔmbɛ vɛ̃, nɛ a dɔ ma hã NWA. Nɛ dɔnggamɛ ni, ma gba sɛ ta zu NWA ngɔ wi hã ma ni.

Levitɛnɔ 2:9

Nɛ a fo sɛ zu dɔnggamɛ ni, nɛ a dɔ ma ngɔ gbagala, nɛ ma sɛ a dɔnggamɔ kɛ ma gba ta zu NWA ngɔ wi hã ma ni. Nɛ zɛ̃ dɔnggamɛ ni, ma unu sɛ NWA, nɛ ma de tɛ̃ a.

Levitɛnɔ 24:7

Mɔ a sɛ dia fũ yɔmbɔ ngboo ngɔ gili mapa kpo kpo. 'Do nɛ, nɛ mɔ dɔ sɛ fũ yɔmbɛ ni olo li mapa, we gba ta zu owinɔ na, wele mapanɔ ni a mɔ mi.

Levitɛnɔ 4:31

'Do nɛ, nɛ a fo sɛ okɛndɔnɔ tɛ sa'de ni, ɔ nɛ kɛ wa fo do okɛndɔnɔ tɛ sa'de dɔnggamɔ kɛ ma be dɛa na ni. Nɛ nganga a dɔ sɛ ma ngɔ gbagala, takɔ zɛ̃ nɛ ma unu NWA, nɛ ma de tɛ̃ a. Dɔnggamɛ ni, ma dɛ sɛ na, Gale fo ku'da 'dã mɛ zu wi ni.

Levitɛnɔ 5:11

“Fala kɛ wele do wala we kpa ogbakulĩ bɔa, tabi opizɔ̃ bɔa bina, nɛ ma wia na, a tɛ do kilo fũ nalɛ we hã do dɔnggamɔ we fo ku'da 'dã mɛ zu a. Nɛ nde a tɛ à nɔ, tabi fũ yɔmbɔ ngɔ nɛ gɔ, we kɛ mɛ a dɔnggamɔ we fo ku'da 'dã mɔ.

Levitɛnɔ 5:12

A tɛ sɛ do fũi ni hã nganga, nɛ nganga a so sɛ zu nɛ, we gba ta zu nwa ngɔ wi hã dɔnggamɛ ni, nɛ a dɔ ma mba do gele dɔnggamɛnɔ ngɔ gbagala ni hã NWA. Ki ni a dɔnggamɔ we fo ku'da 'dã mɔ.

Levitɛnɔ 6:15

“Nɛ 'da falanɔ vɛ̃ 'do gɛ, be zã Aroni kɛ wa a sɛ nɔ zu a, takɔ a dɛ to gã nwa nganga ni, a hã sɛ dɔnggamɔ kpasaa na mɛ ni. Nɛ wa dɔ sɛ ma vɛ̃ we dɔnggɔ do NWA. Wa dɛ sɛ mbula ni 'da fala fai.

Tɔlɔ Mɔ 5:18

Nɛ a fo sɛ kitambala zu wuke, nɛ a a fũi dɛ kɔ̃ wuke na, a dɔnggɔ do mi Gale. Dɔnggamɛ ni, ma we duzu bɔnɛ 'da wili a. Nganga do tɛ̃ a, a 'be sɛ kpana kɛ lì fɔmbɔ do wi kɔ nɛ ni dɛ kɔ a.

Tɔlɔ Mɔ 5:26

A so sɛ zu fũ dɔnggamɛ ni, ɔ nɛ dɔnggamɔ kɛ ma gba ta zu mi NWA ngɔ wuke ni, nɛ a dɔ ma ngɔ gbagala dɔ do sa'de hã mi. 'Do nɛ, nɛ a ba sɛ nu a hã wuke na, a nɔ lì ni.

Owi Nɛ Tonɔ 10:4

Nɛ Kɔmɛyɛ soko a, nɛ kili ba a, nɛ a aka a na: “Nwa, dɛa nɛ nde?” Nɛ anzɛ gese hã a na: “Gale kɔ̃a gɛnɛ sambala 'da mɔ, do mɛnɔ kɛ mɔ gala do Owi sãnɔ ni, nɛ a lingga do mɔ.