Levitɛnɔ 2:12 - WE NU GALE 1995

¹² Wa wia we tɛ do dɔnggamɔ fũ 'da fala hã kuti kpalɛ li fɔnɔ hã NWA. Nɛ nde wa tɛ mbà ma kpo do dɔnggamɛnɔ ngɔ gbagala we dɔ ma hã NWA gɔ.

Levitɛnɔ 2:12 Iomraidhean Croise

Ndo Nyanga Dɛ Mɔ 23:17

Do ngba soe ni, nùi 'da Efroni kɛ tɛ Makpela, kɛ mɔ yolo Mamre, nɛ nde ma si 'biti gba wese, do kɔ ta di ni ni, mba do otenɔ vɛ̃ kɛ li ngbala 'bili ma dɛ kɔ nɛ ni,

2 Sakonɔ 31:5

Obe Israɛlɛ wa nɛa we zele we kɛ nwa Ezekiasi tɔ̃a ni, nɛ wa kala kuti okpalɛ li fɔnɔ 'da wa ɔ nɛ ble, mbé dɔ̃, nɔ, nɔ gɔlɔ do gele dɔnggamɔ, nɛ wa kala 'bɔ kpo mbe 'bu kɔ kpalɛnɔ 'da wa, nɛ wa tɛ do ma.

Kulu Tɔa 22:29

Nɛ kutu be wili ngɔmbɔ, tabi be wili bata tabi dua, nɛ e sɛ a dɛ 'do naa a 'do tũ sambo, kɔ ma hɔ tɛ tũi kɛ ngbɛ'dɛ'dɛ, nɛ nɛ gbɛ sɛ a we dɔnggɔ do mi.

Kulu Tɔa 23:19

“Nɛ tɛ sɛ do Okuti kpalɛ li fɔnɔ 'da nɛ tɛ fala nɛ dɔnggɔ do mi ni, nɛ nɛ dɔnggɔ sɛ ma do mi, tua kɛ mi a NWA Gale 'da nɛ. Nɛ mi kɔ̃̀ na, nɛ gi be dua do li bele naa a gɔ.”

Kulu Tɔa 34:22

Nɛ dungu sɛ ɛngga Kala Kpala do 'da fala kɛ nɛ kala kuti kpalɛ, blenɔ li fɔnɔ 'da nɛ ni. Nɛ do ndɔti sabɛlɛ, do 'da fala kɛ nɛ kala kpalɛnɔ li fɔnɔ 'da nɛ dɛ nza do'do, nɛ nɛ dungu sɛ 'bɔ ɛngga.

Levitɛnɔ 23:10

a e mbulanɔ gɛ hã obe Israɛlɛ na: “'Da fala kɛ nɛ hɔ sɛ tɛ ngɔ nùi kɛ mi nɛ hã ma hã nɛ ni, kɔ nɛ sɛlɛ kuti kpalɛ li fɔnɔ 'da nɛ, nɛ nɛ ba sɛ kuti lã kɛ nɛ sɛlɛ ni, nɛ nɛ tɛ do ma hã nganga.

Levitɛnɔ 23:17

Nɛ nu fɛlɛ kula kpo kpo, wa tɛ sɛ do mapa bɔa we hã do dɔnggamɔ hã mi. Wa dɛ sɛ mapa kpo kpo do kilo fũ talɛ, nɛ wa a ina hana mapa se'de. Mapanɔ kɛ nɛ nɛ hã sɛ do dɔnggamɛ hã mi ni, mɛ sɛ a kɛnɔ nɛ dɛa ma do fũ mbé kpalɛ li fɔnɔ 'da nɛ ni.

Levitɛnɔ 7:13

A tɛ sɛ 'bɔ do mapa kɛ a a ina hana mapa se'de ni, nɛ a mba ma do dɔnggamɔ kɛ ma be dɛa na, we tɔ̃ dia li NWA ni.

Tɔlɔ Mɔ 15:20

Nɛ zanga sɛ kuti farini, nɛ nɛ dɔ do mukate we dɔnggɔ do mi. Nɛ hã sɛ ma hã mi ɔ nɛ kɛ wa hã do dɔnggamɔ fũ 'do kɛ wa kala kuti kpalɛ li fɔnɔ ni.

Tɔlɔ Mɔ 18:12

Mi 'dɔlɔ 'bɔ kuti nyɔngɔmɛnɔ, kɛ obe Israɛlɛ wa tɛ nɛ hã mi sabɛlɛ kpo kpo ni hã nɛ. Mɛ a: nɔ, do dɔ, do Okpalɛnɔ.

1 KORINTƐ 15:20

Nɛ nde ĩ na, Gale tunu zi Kristo kɔ fio gbãlã we. Kristo a kuti wi kɛ a tunu kɔ fio, nɛ ma be na, owinɔ vɛ wa fia ni, Gale a tunu sɛ wa kɔ fio.

Mbulanɔ 26:10

Ma kɛ mi kala mbe tɛ kuti kpalɛ mi kpa ma ngɔ nùi kɛ mɔ NWA, mɔ hã ma hã mi ni, nɛ mi tɛa do nɛ hã mɔ.’ “Wi ni tɔ̃ ni do'do, nɛ a e sɛ mɛ kɛ a tɛa nɛ ni dɛ dati NWA Gale 'da nɛ.

USU MƐNƆ 14:4

Owinɔ ni wa a wi kɛ wa fɔmɔ kili tɛ wa de wena, nɛ wa ɔ̀ zɛ́ do owuko go, nɛ wa yɛnggɛ 'dɔkɔlɔ Be Bata falanɔ vɛ̃ a la nɛ ni. A gɔnɔ zi zu wa sanga winɔ nù gɛ, nɛ wa a kuti dɔnggamɛ kɛ a hã hã Gale, nɛ a hã 'bɔ hã kili tɛ a wele nɛ.