Levitɛnɔ 2:11 - WE NU GALE 1995

¹¹ “Tũnɔ vɛ̃ kɛ wa dɔnggɔ do NWA ni, ma tɛ ɔ̃ do ina hana mapa kɔ nɛ gɔ. Wa tɛ à ina hana mapa, tabi nɔ gɔlɔ kɔ dɔnggamɛnɔ kɛ wa nɛ dɔ we dɔnggɔ do NWA ni gɔ.

Levitɛnɔ 2:11 Iomraidhean Croise

Kulu Tɔa 23:18

“Fala kɛ nɛ tɛ do osa'denɔ we dɔnggɔ do mi, nɛ nɛ tɛ mbà ma do nyɔngɔmɔ kɛ wa a ina hana mapa tɛ nɛ ni gɔ. Okɛndɔ sa'denɔ kɛ nɛ dɔnggɔ do mi do gɛ̃a wese ni, nɛ tɛ è ngɔ gbaa na fala sa ma gɔ.

Kulu Tɔa 29:25

'Do nɛ, nɛ mɔ kala odɔnggamɛnɔ ni kɔ̃ wa, nɛ mɔ dɔ ma dɛ ngɔ gbagala hã mi, nɛ zɛ̃ we nɛ ma unu sɛ mi, nɛ ma de tɛ mi.

Kulu Tɔa 34:25

“Fala kɛ nɛ gbɛ sa'de we dɔnggɔ do mi, nɛ nɛ tɛ mbà ma do gele nyɔngɔmɔ kɛ wa a ina hana mapa tɛ nɛ ni gɔ. Osa'denɔ kɛ nɛ gbɛ sɛ wa we dɔnggɔ do mi do 'da fala ɛngga Hɔ Nza kɔ Ngbá ni, nɛ tɛ è mulu nɛ ngɔ, gbaa na fala sa ma gɔ,

GBA WENƆ 24:13

Be 'daa, mɔ nyɔ́ngɔ́ nɔ gɔlɔ, we kɛ mɛ a dia nyɔngɔmɔ. Nɛ nde ɔ nɛ kɛ nɔ gɔlɔ ɛ̃fɛ̃ nu mɔ ni,

GBA WENƆ 25:16

Mɔ kpa nɔ gɔlɔ, nɛ mɔ nɔ do li zuma nɛ. Mɔ nɔ wena, kɔ ma nɛ ngɔ sila mɔ, nɛ mɔ ɔ̃lɔ̃ sɛ.

GBA WENƆ 25:27

Fa dɔ̃lɔ̃ li wena, ma 'danga ɔ nɛ kɛ mɔ nɔa nɔ gɔlɔ nɛa ngɔ sila mɔ ni.

Levitɛnɔ 1:13

'Do nɛ, nɛ wi ni a fɔlɔ sɛ kala zã sa'de, do ogbɔgɔlɔ nyanga nɛ. Nɛ mbe nganga kpo, a be sɛ ma hã NWA, nɛ a dɔ ma vɛ̃ dɛ ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 6:10

Wa dɔ sɛ ma do mapa, nɛ nde wa tɛ à ina hana mapa tɛ nɛ gɔ. Mba gɔ, mɛ a tala dɔnggamɛ kɛ ma yula kɔ dɔnggamɛnɔ wa tɛa do ma hã nwa, nɛ a hã ma hã onganganɔ ni. Ma a santo ɔ nɛ tala dɔnggamɛnɔ kɛ ma yula kɔ dɔnggamɛnɔ we fo ku'da 'dã mɔ, tabi we si olo ku'da 'dã mɔ ni.

MATIE 16:6

Nɛ Yezu tɔ̃a hã wa na: “Li nɛ sɔ̃́ tɛ ina hana mapa 'da Ofariziɛnɔ do Osadisiɛnɔ.”

MARKO 8:15

Nɛ Yezu tɔ̃a hã wa na: “Li nɛ sɔ̃́ tɛ ina hana mapa 'da Fariziɛnɔ, do kɛ 'da Herodɛ!”

LUKA 12:1

Do 'da fala ni, nɛ Owele wa mba ngba wa dɛlɛ wena, nɛ wa nɔa ngba wa nɛ ge nde ni. Nɛ Yezu siki li a dati dɛ 'da Owi yambala mɛnɔ 'da a, nɛ a tɔ̃ hã wa na: “Li nɛ sɔ̃́ tɛ ina hana mapa 'da Ofariziɛnɔ, gulu nɛ na, wa vĩ 'do tɛ wa we ɔkɔlɔ winɔ.

LUKA 21:34

“Li nɛ sɔ̃́! Nɛ nɛ tɛ sì tɛ nyɔngɔ mɔ dɔ, do te bá dɔ̃ iko gɔ. Nɛ tɛ sì tɛ lengge mɛnɔ ngɔ nùi gɛ iko gɔ, da dɛ kɔ ngba soe hɔa 'da mi ni ma gbángá nɛ hia iko gɔ.

Owi Nɛ Tonɔ 14:22

Nɛ wa nganda sila Owi Kristonɔ di ni ni na, wa 'bana tɛ kɔ̃ zu li Yezu do sila wa kpo. Nɛ wa tɔ̃ hã wa na: “Ma wia na, lɛ winɔ kɛ lɛ kɔ̃a zu li Yezu ni, lɛ kpa ngamɔ ngɔ nùi gɛ gbaa, ndɔti nɛ a kɛ lɛ le sɛ nɛ kɔ le 'da Gale i ni.”

GALATI 5:9

Wa tɔ̃ fai na: “Be ina hana mapa sĩ, nɛ ma yɛ'bɛ kɔ zanga mapa, nɛ ma hana ma vɛ.”

1 PETRO 4:2

Yolo do sɔɛ gɛ, do tala kɔ̃ tũnɔ kɛ nɛ 'bana ɔ ngɔ nù gɛ, ma wia na, nɛ dɛ mɔ tɛ nɛ nɛ́ kɛ Gale kɔ̃a ni, nɛ nɛ tɛ dɛ̀ 'dã mɔ nɛ́ kɛ wɔ kɔ kili tɛ nɛ tombo nɛ ni gɔ.