Biblia Todo Logo
Bìoball air-loidhne

- Sanasan -




Levitɛnɔ 2:10 - WE NU GALE 1995

10 Nɛ tala dɔnggamɛ ni sɛ a mɔ́ Aroni do obenɔ 'da a. Mɛ a nyɔngɔmɔ kɛ ma santo wena, we kɛ ma yula kɔ dɔnggamɛ kɛ wa hã ma hã NWA ni.

Faic an caibideil Dèan lethbhreac




Levitɛnɔ 2:10
15 Iomraidhean Croise  

Nɛ levitɛ kɛ li a a Kore, be 'da Imna, kɛ a 'bɔ a wi zɔ mɔ tɛ nu ngboe si 'biti gba wese ni, a zi a wi fɔmɔ odɔnggamɛnɔ kɛ winɔ wa tɛ do ma hã Gale do kɔ sila wa iko ni. Nɛ Kore kala zi mɛnɔ ni, nɛ a kɛ̃ ma hã onganganɔ do olevitɛnɔ. Nɛ mɛnɔ kɛ ma santo ni, a hã ma hã onganganɔ.


Nɛ wi fɔmɔ le hã mbula na, wa tɛ nyɔngɔ mɛnɔ kɛ winɔ wa hã we dɔnggɔ do Gale ni gɔ, gbaa na nganga kpo be linggamɛ 'da Gale si ngɔ wa, do wala 'da Urimɛ do Tumimɛ, mɛnɔ kɛ wa aka do Gale ni sɛ nɛ de.


Wa nyɔngɔ sɛ dɔnggamɛnɔ, do sa'denɔ wa gbɛ do dɔnggamɔ hã mi we fo ku'da 'dã mɔ ni. Nɛ mɛnɔ vɛ̃ kɛ obe Israɛlɛ wa ia hã mi ni sɛ a mɔ́ wa.


Nɛ a tɔ̃ hã mi na: “Kɛ gɛ mɛ a fala onganganɔ wa nɛ gi do sa'denɔ, takɔ Gale fo ku'da 'dã mɛnɔ ni. Nɛ wa gi sɛ 'bɔ mbe dɔnggamɛnɔ dɛ di ni. Wa dɛ sɛ na mɛ ni na, da dɛ kɔ wa hɔ́ do dɔnggamɔ santonɔ ni dɛ li fanda kɛ winɔ wa nɛ ni, kɔ wa kpa 'dã mɔ gɔ.”


Mɔizɛ tɔ̃a hã Aroni do obenɔ 'da a bɔa, Elazarɛ do Itamarɛ, kɛ wa 'bana nza ni na: “Nɛ kálá tala dɔnggamɔ fũnɔ, kɛ ma 'bana olo kɛnɔ wa la ma hã NWA ni, nɛ nɛ d: ma do mapa, nɛ nde nɛ tɛ à ina hana mapa tɛ nɛ gɔ. Nɛ nɛ nyɔngɔ ma dɛ kɛ zã gbagala, we kɛ mɛ a nyɔngɔmɔ kɛ ma santo.


Nɛ nganga a 'bili sɛ gɛlɛ bata dɛ fala wa 'bili do gɛlɛ osa'de dɔnggamɔ we fo ku'da 'dã mɛnɔ, tabi dɔnggamɔ kɛ wa dɔ hã NWA ni. Fala ni ma santo, nɛ a 'bili sɛ gɛlɛ bata dɛ di ni, we kɛ sa'de kɛ wa gbɛ a we gbɛlɛ ti nyanga wi olo zɛlɛ ni, mɛ a dɔnggamɔ kɛ ma santo, ɔ nɛ dɔnggamɔ kɛ we fo ku'da 'dã mɛnɔ ni. Nɛ wele nɛ a mɔ́ nganga.


Nɛ tala dɔnggamɛ ni sɛ a mɔ Aroni do obenɔ 'da a. Mɛ a nyɔngɔmɔ kɛ ma santo wena, we kɛ ma yula kɔ dɔnggamɛ kɛ wa hã ma hã NWA ni.


Nɛ nde a wia tɛ nyɔngɔ tala dɔnggamɛnɔ wa hã ma hã mi, do nyɔngɔmɛnɔ vɛ̃ kɛ ma santo, do dɔnggamɛnɔ kɛ ma santo wena ni.


Nganga a dɛ sɛ na mɛ ni, nɛ dɔnggamɛ ni ma dɛ sɛ na, NWA fo ku'da 'dã mɛ zu wi ni. Nɛ tala fũi ni sɛ a mɔ́ nganga ɔ nɛ kɛ 'da dɔnggamɔ fũi ni.”


Mba gɔ, dɔnggamɔ fũi vɛ̃, kɛ nganga hã ma hã NWA ni, wa nyɔ́ngɔ́ ma gɔ. Ma wia na wa dɔ ma vɛ̃ hã NWA.”


Nɛ nde fala kɛ nganga tɛ do mbe tɔkɔ sa'de ni dɛ kɔ tɔa Tande na, a dɛ do mbala mɔ fo 'dã mɔ, nɛ wele nyɔngɔ sɛ mulu sa'de ni gɔ, wa dɔ sɛ ma vɛ̃.


Nɛ Aroni, do obenɔ 'da a, wa nyɔngɔ sɛ tala fũi ni. Wa nyɔngɔ sɛ ma, nɛ nde wa tɛ à ina hana mapa tɛ nɛ gɔ, nɛ wa nyɔngɔ sɛ ma dɛ li fanda tɔa Tande, kɛ mɛ a fala santo ni.


Mbulanɔ gɛ ma 'bɔ kpasaa we duzu dɔnggamɔ fo ku'da 'dã mɔ. Nɛ nganga kɛ a dɔ sa'de we si olo ku'da 'dã mɛ ni, a wia sɛ we nyɔngɔ tala sa'de ni.


Odɔnggamɛnɔ kɛ nɛ we sɛ tɛ kala do mɔ́ nɛ ni, ma kɛ: fũ farini, dɔnggamɛnɔ we si olo ku'da 'dã mɔ, do dɔnggamɛnɔ we futa olo 'dã mɔ. Dɔnggamɛnɔ ni ma santo, ma sɛ we duzu mɔ, do obe zã mɔ.


Wi kɛ mi saka zi a kɔ nu kpala obe Israɛlɛ vɛ̃, we dɛ to nganga, wi a yaa mɔ Aroni. A zi a wi dɔ sa'de we dɔnggɔ do mi, nɛ a zi 'bɔ a wi dɔ nɔ yɔmbɛ hã mi. A he'de zi 'bɔ tuli li nɛ a efɔdɛ ni, we aka mi do we. Nɛ dɔnggamɛnɔ kɛ obe Israɛlɛ wa hã ma hã mi ni, mi hã mbee nɛ hã a do onu fɛlɛ a.


Lean sinn:

Sanasan


Sanasan