Levitɛnɔ 2:1 - WE NU GALE 1995

¹ “Fala kɛ wele kɔ we tɛ do fũ we dɔnggɔ do NWA, nɛ ma wia na, a saka dia kɛ, nɛ a zanga ma do nɔ, nɛ a a fũ yɔmbɔ ngɔ nɛ,

Levitɛnɔ 2:1 Iomraidhean Croise

Kulu Tɔa 29:2

Nɛ mɔ fa fũ ble, nɛ mɔ zanga ma, nɛ mɔ tɛ à ina hana mapa tɛ nɛ gɔ. Mɔ zanga ni do'do, nɛ mɔ dɔ ma do mapa, nɛ mɔ fa nɔ, nɛ mɔ dɔ mbe do mukate, nɛ mɔ dɛ 'bɔ mbe do bisikiti, nɛ mɔ kpã nɔ tɛ nɛ.

Ezai 43:23

Obe batanɔ kɛ nɛ dɔa zi wa ni, nɛ dɔnggɔ zi wa do mi gɔ. Nɛ nɛ ha zi dɔnggamɛnɔ 'da nɛ hã mi gɔ. Mi kàlà nɛ do nga nɛ na, nɛ hã odɔnggamɔ hã mi gɔ. Mi ngbɔ̀kɔ̀ nɛ na, nɛ dɔ fũ yɔmbɔ hã mi gɔ.

Ezai 66:20

'Do nɛ, nɛ owinɔ ni wa kala sɛ onya nɛ kɛ wa kɔ lenɔ 'da wa ni dɛ ngɔ ombalata, opunda, osamo, tabi dɛ kɔ ongilingili, nɛ wa tɛ sɛ do wa gbaa tɛ ngɔ kala santo tɛ Yeruzalɛmɛ. Wa 'dɔlɔ sɛ wa hã mi ɔ nɛ dɔnggamɛ kɛ nɛ, obe Israɛlɛ, nɛ a dɛ kɔ osaninɔ kɛ ma ɔ sa dati mi, nɛ nɛ hã ma hã mi tɛ kɔ Tɛmpɛloe 'da mi ni.

EZEKIƐLƐ 46:20

Nɛ a tɔ̃ hã mi na: “Kɛ gɛ mɛ a fala onganganɔ wa nɛ gi do sa'denɔ, takɔ Gale fo ku'da 'dã mɛnɔ ni. Nɛ wa gi sɛ 'bɔ mbe dɔnggamɛnɔ dɛ di ni. Wa dɛ sɛ na mɛ ni na, da dɛ kɔ wa hɔ́ do dɔnggamɔ santonɔ ni dɛ li fanda kɛ winɔ wa nɛ ni, kɔ wa kpa 'dã mɔ gɔ.”

YƆƐLƐ 1:9

Owinɔ wa tɛ́ 'bɔ kɔ tɔa Tɛmpɛlo nga do okpalɛ, do dɔ̃ we dɔnggɔ do Gale gɔ. We duzu ma, onganganɔ kɛ wa dɛ toe hã Gale ni, wa do 'bako.

YƆƐLƐ 2:14

Lɛ ĩ̀ gɔ, mbe gɔ nɛ a kpolo linggamɛ 'da a, nɛ a dɛ na, fɔnɔ 'da nɛ ko ogili kpalɛ. Na mɛ ni, nɛ nɛ wia sɛ we tɛ do okpalɛ do dɔ̃, we dɔnggɔ do a.

Levitɛnɔ 14:10

“Ma hɔ kɔ̃ tũi kɛ ngbɛ'dɛ'dɛ, nɛ wi ni a tɛ sɛ do obe wili bata bɔa, do be naa bata kpo, kɛ wa do sabɛlɛ kpo kpo, nɛ fo kunda tɛ wa bina ni. Nɛ a tɛ 'bɔ do dɔnggamɔ fũ, kɛ wa zanga ma do nɔ ni we kilo kusi, do nɔ sãtilitrɛ 'bu nɛ mɔlɔ, nɛ a hã ma vɛ̃ hã nganga.

Levitɛnɔ 24:7

Mɔ a sɛ dia fũ yɔmbɔ ngboo ngɔ gili mapa kpo kpo. 'Do nɛ, nɛ mɔ dɔ sɛ fũ yɔmbɛ ni olo li mapa, we gba ta zu owinɔ na, wele mapanɔ ni a mɔ mi.

Levitɛnɔ 5:11

“Fala kɛ wele do wala we kpa ogbakulĩ bɔa, tabi opizɔ̃ bɔa bina, nɛ ma wia na, a tɛ do kilo fũ nalɛ we hã do dɔnggamɔ we fo ku'da 'dã mɛ zu a. Nɛ nde a tɛ à nɔ, tabi fũ yɔmbɔ ngɔ nɛ gɔ, we kɛ mɛ a dɔnggamɔ we fo ku'da 'dã mɔ.

Levitɛnɔ 6:7

“Winɔ kɛ wa be sɛ dɔnggamɔ fũ hã NWA tɛ dati gbagala, wi a obenɔ 'da Aroni.

Levitɛnɔ 9:17

Nɛ a be 'bɔ dɔnggamɔ fũi, nɛ a so zu nɛ, nɛ a dɔ ma ngɔ gbagala, mba do dɔnggamɔ kɛ wa dɔ ma tũ kpo kpo ni.

Levitɛnɔ 9:4

Wa tɛ sɛ 'bɔ do wili ngɔmbɔ, do wili bata, mba do dɔnggamɔ fũ kɛ wa zanga ma do nɔ ni hã NWA. Nɛ ma sɛ a dɔnggamɔ kɛ ma be dɛa na. Mba gɔ, sɔɛ gɛ, NWA a be sɛ tɛ̃ a hã nɛ.”

MALAKI 1:11

“Ogele winɔ nyanga nza gɛ vɛ̃, wa dɔnggɔ mi. Falanɔ vɛ̃, yolo 'biti gba wese we hɔ 'biti gɛ̃a wese, wa dɔ fũ yɔmbɔ we dɔnggɔ do mi, nɛ wa tɛ do dɔnggamɛnɔ kɛ ma wia do mi ni hã mi. Gbãlã we, ogele winɔ wa ĩ ti gã wi 'da mi.

Tɔlɔ Mɔ 18:9

Odɔnggamɛnɔ kɛ nɛ we sɛ tɛ kala do mɔ́ nɛ ni, ma kɛ: fũ farini, dɔnggamɛnɔ we si olo ku'da 'dã mɔ, do dɔnggamɛnɔ we futa olo 'dã mɔ. Dɔnggamɛnɔ ni ma santo, ma sɛ we duzu mɔ, do obe zã mɔ.

Tɔlɔ Mɔ 28:5

Nɛ fa sɛ fũ kilo talɛ, nɛ nɛ so dia nɔ litrɛ kpo do dɔ nɛ, nɛ nɛ zanga do fũi ni, nɛ nɛ mba ma do sa'de bata we dɔnggɔ do mi.

Tɔlɔ Mɔ 8:8

Wa tɛ sɛ do wili ngɔmbɔ kpo, mba do fũ dɔnggamɔ kɛ wa zanga do nɔ ni. Nɛ mɔ ba sɛ 'bɔ mbe gele wili ngɔmbɔ we hã do dɔnggamɔ we si olo ku'da 'dã mɛ 'da wa.

YOANƐ 6:35

Nɛ Yezu tɔ̃ hã wa na: “Mi a nyɔngɔmɔ kɛ ma hã kpasi hã wele ni. Wi kɛ a tɛ 'da mi, nɛ a ɔ́ sɛ wɔ gɔ, nɛ wele kɛ a kɔ̃ zu li mi ni, wɔ lì bá sɛ 'bɔ a gɔ.

1 YOANƐ 2:20

Kɔ we duzu nɛ, Yezu hã Hi Wi Santo hã nɛ, nɛ nɛ vɛ̃, nɛ ĩ ti gbãlã we 'da Gale.

1 YOANƐ 2:27

Nɛ nde kɛ 'da nɛ, Yezu hã zi Hi Wi Santo 'da a hã nɛ. Kɔ nɛ́ kɛ Hi Wi Santo 'bana dɛ kɔ sila nɛ ni, ma wè na, nɛ fa 'bɔ gele wele we be we hã nɛ gɔ. Mba gɔ, wi be mɛnɔ vɛ hã nɛ, wi a Hi Wi Santo. Nɛ mɛnɔ kɛ a be hã nɛ ni, mɛ a gbãlã we ngboo, bɛlɛ kɔ nɛ bina. Nɛ 'báná dɛ kɔ Yezu fai, nɛ́ kɛ Hi Wi Santo bia hã nɛ ni.

YUDA 1:20

Nɛ nde nɛ, oyali ngba mi, nɛ dɛ́ nganda na, kɔ̃a we 'da nɛ kɛ ma santo ni ma gã dɛ dati. Nɛ nɛ sámbálá Gale do ngawi 'da Hi Wi Santo.

USU MƐNƆ 8:3

Nɛ mbe gele anzɛ kpo tɛa, nɛ a yolo dɛ kɛ zã gbagala kɛ wa hã do dɔnggamɛnɔ hã Gale ni. A 'bia mɔ dɔ do fũ yɔmbɔ, kɛ wa dɛa ma do mɔ mbali ni dɛ kɔ̃ a. Nɛ wa hã ofũ yɔmbɔ dɛlɛ wena hã a, takɔ a dɔ ma hã Gale dɛ ngɔ gbagala mɔ mbali dati kpongbo nwa ni, nɛ zɛ̃ we nɛ kutu dɛ ngɔ i, fala nɛ kpo do sambala 'da owinɔ 'da Gale.