Levitɛnɔ 19:3 - WE NU GALE 1995

³ Ma wia na, wele do wele dɔ́nggɔ́ baa a do naa a, nɛ a lengge do kɔ tũ ɔmɔ tɛ wi, ɔ nɛ kɛ mi tɔ́a ni.

Levitɛnɔ 19:3 Iomraidhean Croise

Ndo Nyanga Dɛ Mɔ 48:12

Nɛ Yozɛfu kala obenɔ 'da a, kɛ wa zi ngɔ ku baa a ni, nɛ a gu nù ti baa a.

NEHEMIE 9:14

Do wala 'da Mɔizɛ, wi toe 'da mɔ, wa ĩ zi ti kɔ̃ tũ ɔmɔ tɛ wa, kɛ mɛ a tũ dɔnggɔ do mɔ, nɛ mɔ bia 'bɔ ogele mbulanɔ kɔ 'buku mbula 'da mɔ hã wa.

Kulu Tɔa 16:29

Nɛ ĩ na, mi ia tũi kɛ sambo na, nɛ ɔmɔ do tɛ nɛ. We duzu ki ni, hã ma hɔ tɛ tũi kɛ gazɛlɛ, nɛ mi hã nyɔngɔmɔ hã nɛ na, nɛ nyɔngɔ 'do tũ bɔa. Nɛ tũi kɛ sambo, wele kpo kpo 'báná dɛ fala ɔi 'da a, nɛ a tɛ hɔ nza gɔ.”

Kulu Tɔa 20:12

“Mɔ dɔnggɔ baa mɔ do naa mɔ, nɛ zu mɔ ma kutu sɛ mbu ngɔ nùi kɛ mi NWA Gale 'da mɔ, mi hã ma hã mɔ ni.

Kulu Tɔa 20:8

“Mɔ lénggé do kɔ̃ tũ ɔmɔ tɛ wi, nɛ mɔ e ma hã mi.

Kulu Tɔa 21:15

Wi kɛ a zɛ baa a tabi naa a, nɛ wa gbɛ́ a.

Kulu Tɔa 21:17

Be dã baa a tabi naa a, nɛ wa gbɛ́ a.

GBA WENƆ 1:8

Aa bulu be 'daa, mɔ zélé baa mɔ do naa mɔ, nɛ mɔ tɛ bɛ mbula wa tɔ̃ hã mɔ ni gɔ.

GBA WENƆ 23:22

Mɔ zélé baa mɔ, we kɛ kpasi 'da mɔ dɛ kɔ̃ a. Mɔ tɛ zɔ̃ naa mɔ li mɔ yala, we kɛ a dɛa gbɛlɛ ia ni gɔ.

GBA WENƆ 30:11

Ombe winɔ wa fɔmbɔ baa wa, nɛ wa tɔ̃̀ dia we kpo hã naa wa gɔ.

GBA WENƆ 30:17

Fala kɛ wele mɔmɔ baa a, kɔ a bɛ̃ we dɔnggɔ naa a, nɛ oziki wa 'dɔ sɛ gbali a, nɛ oganakele wa nyɔngɔ sɛ wɔlɔ a.

Ezai 58:13

NWA Gale tɔ̃a na: “Nɛ kpé tɛ nɛ do kɔ̃ tũ ɔmɔ tɛ wi, nɛ nɛ zɔ ma na, mɛ a tũ yangga, nɛ mɛ a tũ kɛ ma santo. Nɛ nɛ lá fala fa de mɛnɔ 'da nɛ wele nɛ do kɔ̃ tũi 'da mi. Nɛ do ngba soe ni, nɛ nɛ tɛ dɛ̀ to gɔ, nɛ nɛ tɛ nɛ̀ gɛnɛ gɔ, nɛ nɛ tɛ wèlè we yala yala iko gɔ.

EZEKIƐLƐ 20:12

Mi ia zi kɔ̃ tũ ɔmɔ tɛ wi hã wa, takɔ ma be dɛa na kɛ mi dɛa do wa ni. Nɛ kɔ̃ tũi ni, ma gba sɛ ta zu wa na, mi nwa, mi ia wa do wi tonɔ 'da mi.

Levitɛnɔ 11:44

Mi a NWA Gale 'da nɛ, nɛ mi a santo. Ma kɛ ma wia na, nɛ dɛ mɔ tɛ nɛ ɔ nɛ Owele kɛ wa santo ni. Nɛ te nyɔngɔ obe sa'denɔ kɛ wa yɛnggɛ do nù gɛ, kɔ nɛ hɔ wi ndi li mi gɔ.

Levitɛnɔ 19:25

Kɔ ma hɔ tɛ mɔlɔ sabɛlɛ, nɛ nɛ wia sɛ we nyɔngɔ owala tenɔ ni. Nɛ dɛ sɛ na mɛ ni, sɛ a wala tenɔ 'da nɛ ma kua dɛ dati kua fai de.

Levitɛnɔ 19:30

Nɛ lengge do kɔ̃ tũ ɔmɔ tɛ wi, nɛ nɛ dɛ kili tɔa dɔnggɔ do mi. Mi a NWA.

Levitɛnɔ 19:31

“Nɛ tɛ àkà winɔ kɛ wa wele we do obɔzɔnɔ ni gɔ. We kɛ ma dɛ sɛ na, nɛ hɔ owi ndi li mi Gale. Mi a NWA!

Levitɛnɔ 19:34

Nɛ nde nɛ dɛ́ do a ɔ nɛ nya nɛ ni. Nɛ kɔ̃́ gɛnɛ a ɔ nɛ kɛ nɛ kɔ̃a gɛnɛ kili tɛ nɛ wele nɛ ni. Nɛ lénggé do kɛ na, nɛ zi tɛ mɛ 'bɔ ogɛnɛ tɛ ngɔ nù Ezipeto ni. Mi a NWA Gale 'da nɛ.

Levitɛnɔ 23:3

Kɔ pɔsɔ kpo, nɛ nɛ wia we dɛ to 'do tũ gazɛlɛ. Nɛ nde kɔ̃ tũi kɛ sambo, mɛ a kɔ̃ tũ ɔmɔ tɛ wi. Nɛ tɛ dɛ̀ to do ngba soe ni gɔ, nɛ nde nɛ mbá ngba nɛ we dɔnggɔ mi. Gɛnɛ kɔ nɛ a do nde, nɛ nɛ ba sɛ kɔ̃ tũi ni na, mɛ a kɛ 'da mi.

Levitɛnɔ 26:2

Nɛ lénggé do kɔ̃ tũ ɔmɔ tɛ wi, nɛ nɛ dɛ kili tɔa dɔnggɔ do mi. Mi a NWA!

MALAKI 1:6

NWA tɔ̃a na: “Mi NWA ngɔ mɔ nyanga nza vɛ̃, mi tɔ̃ hã nɛ onganganɔ na: Bulu be dɔnggɔ baa a dɔngga, nɛ wi dɛa to dɛ mbula nu nwa ngɔ a dɛa. Nɛ ĩ na, mi a baa nɛ, kɔ gulu kɛ nɛ dɔ́nggɔ́ mi gɔ we ge nde? Mi a nwa ngɔ nɛ, kɔ gulu kɛ nɛ dɛ́ mbula nu mi gɔ we ge nde? Nɛ zɔ mi li nɛ yala, nɛ nɛ aka na: ‘Lɛ zɔ mɔ li lɛ yala nɛ nde?’

Mbulanɔ 27:16

“ ‘Wele kɛ a hã sape hã baa a do naa a, nɛ Gale fɔmbɔ a.’ Nɛ owinɔ vɛ̃ wa gese sɛ na: ‘Ma na mɛ ni!’

Mbulanɔ 5:16

“ ‘Mɔ dɔ́nggɔ́ baa mɔ do naa mɔ, ɔ nɛ kɛ mi ba zi do nu mi hã mɔ ni. Mɔ dɛ na mɛ ni, nɛ zu mɔ ma kutu sɛ mbu ngɔ nùi kɛ mi NWA Gale 'da mɔ, mi ba hã mɔ ni.

OHEBRE 12:9

Nɛ lénggé do obaa lɛ ngɔ nù gɛ. Wa hã zi etumbu hã lɛ, nɛ lɛ dɔnggɔ zi wa. Kɔ ma wia tɛ mɛ 'bɔ na, lɛ dɔnggɔ Baa lɛ kɛ li nza i ni nɛ ngɔ ki ni, sɛ nɛ lɛ ɔ sɛ do kpasi de.