Levitɛnɔ 18:3 - WE NU GALE 1995

³ Nɛ tɛ nɛ̀ 'do dɛa mɔ tɛ Oezipeto, kɛ nɛ ɔa zi sanga wa ni gɔ. Nɛ nɛ tɛ nɛ̀ 'bɔ 'do dɛa mɔ tɛ Okanana, kɛ mi nɛ ba nùi 'da wa hã nɛ ni gɔ. Nɛ tɛ dɛ̀ mbulanɔ 'da owinɔ ni gɔ.

Levitɛnɔ 18:3 Iomraidhean Croise

2 Onwanɔ 17:8

nɛ wa dɛ zi 'dã mɛnɔ olo Okanana, kɛ NWA ndaka zi wa, takɔ a hã nùi olo wa ni hã obe Israɛlɛ ni. Nɛ wa dɛa zi 'bɔ mbulanɔ kɛ onwa ngɔ nù Israɛlɛ wa ia ngɔ wa ni.

Zumanɔ 106:35

Nɛ nde wa ba ngba wa do opaganɔnɔ ni, nɛ wa yambala dɛa to tɛ wa.

Kulu Tɔa 23:24

Ma wè na, nɛ bili zu nɛ nù dati ogalenɔ 'da wa we dɔnggɔ wa gɔ. Nɛ nɛ tɛ yàmbàlà tɛlɛ tɛ sambala 'da wa gɔ. Nɛ nde mi kɔ̃a na, nɛ 'danga osɛa tenɔ 'da wa, do otanɔ kɛ wa ndɛngɛlɛ dɛ ngɔ ngbɛ ɛ, nɛ wa dɔnggɔ ma ni.

EZEKIƐLƐ 23:8

Nɛ a yɛnggɛ makango dɛ dati, ɔ nɛ kɛ a ndua zi dɛ ma tɛ ngɔ nu Ezipeto i ni. Yolo ngɔ be zɔnga tɛ̃ a, a dɛa zi ndumba tɛ ngɔ nù Ezipeto. Nɛ owi wili wa ndua fa a, nɛ wa 'be bele a, nɛ wa ɔ do a dɛ di ni.

Levitɛnɔ 20:23

Da dɛ kɔ nɛ bá dɛa mɔ tɛ ogele nu kɔnggɔnɔ kɛ mi nɛ ndaka wa dati nɛ ni gɔ. Wa dɛa 'dã mɛnɔ gbaa nɛ ma ngba mi do'do.

ROMA 12:2

Nɛ tɛ bà dɛa mɔ tɛ winɔ ngɔ nùi gɛ gɔ, nɛ nde nɛ há wala hã Gale na, a kifi linggamɛnɔ 'da nɛ, kɔ nɛ hɔ ombé wele. Na mɛ ni, nɛ nɛ ĩ sɛ ti mɛnɔ kɛ zã Gale kɔ̃a ni. Mɛ a mɛnɔ kɛ ma a dia, nɛ ma dɛ yangga tɛ̃a, nɛ ma wia ngboo ni.

Mbulanɔ 12:4

“Nɛ tɛ dɔ̀nggɔ̀ NWA Gale 'da nɛ, ɔ nɛ tɛlɛ tɛ kɛ owinɔ ni wa dɔnggɔ do galenɔ 'da wa ni gɔ.

Mbulanɔ 29:17

Kɔ nɛ dɛ zĩ na, da dɛ kɔ wele kpo sanga nɛ gɛ, wi wili, tabi wuko, tabi nu kpala nɛ, tabi nu kɔnggɔ nɛ síkí 'do ɛ lo do NWA Gale 'da lɛ, we dɔnggɔ galenɔ 'da ogele nu kɔnggɔnɔ gɔ. Wele sanga nɛ gɛ dɛ na mɛ ni, nɛ a ɔ sɛ nɛ gbolo, kɛ wele nyɔngɔ, nɛ a fe ni.

Mbulanɔ 9:4

“Nɛ nde 'da fala kɛ NWA a ndaka sɛ wa dati nɛ ni, nɛ nɛ tɛ to ngu'du nɛ gɔ. Nɛ tɛ tɔ̃́ na: ‘NWA ndaka wa, we kɛ lɛ dɛa de mɔ wena’ ni gɔ. Mba gɔ, NWA a ndaka sɛ winɔ ni dati nɛ, we kɛ wa a o'dã wele, dɛa to tɛ wa dè gɔ.