Levitɛnɔ 17:4 - WE NU GALE 1995

⁴ nɛ ma wia na, a nɛ do sa'de ni dɛ nu tɔa Tande i, nɛ a hã do dɔnggamɔ hã NWA, dɛ dati tɔa santoe 'da a ni. Kɔ fala kɛ a dɛ̃ na mɛ ni gɔ, nɛ a te sɛ do ngbangga, we kɛ a gbɛ sa'de, nɛ tɔkɔ tɛ̃ a a nù do wala olo mbula gɔ. Nɛ wa fo sɛ a sanga nɛ obe Israɛlɛ do'do.

Levitɛnɔ 17:4 Iomraidhean Croise

Ndo Nyanga Dɛ Mɔ 17:14

Nɛ wi kɛ a nɛ̀ gaza gɔ ni, wa fo sɛ a sanga owinɔ 'da mi, we kɛ a dɛ̀ mbula gba tɔkɛ 'da mi gɔ.”

Zumanɔ 32:2

Yangga do wi kɛ a do 'dã hã bina, nɛ NWA zɔ́ a ɔ nɛ wi dɛ 'dã mɔ gɔ ni.

Kulu Tɔa 12:15

NWA tɔ̃a 'bɔ na: “'Do tũ sambo, nɛ nyɔngɔ sɛ tati a mapa kɛ wa à ina hana mapa tɛ nɛ gɔ ni. Ndo do kuti tũ ɛngga ni gbaa we hɔ ndɔti nɛ, ma wè na, nɛ e ina kɛ ma hana mapa ni kɔ tɔanɔ 'da nɛ gɔ. Fala kɛ kɔ̃ tũnɔ ni, hã wele kpo sanga nɛ nyɔngɔ mapa kɛ wa a ina hana mapa tɛ nɛ ni, nɛ wa ndaka sɛ a kɔ obe Israɛlɛ do'do.

Kulu Tɔa 12:19

Nɛ kɔ tũnɔ sambo ni, nɛ é sɛ ina kɛ ma hana mapa kɔ tɔanɔ 'da nɛ gɔ. Fala kɛ be Israɛlɛ tabi gele wi kpo a nyɔngɔ mɔ kɛ wa a ina hana mapa tɛ nɛ ni, nɛ wa ndaka sɛ a kɔ obe Israɛlɛ do'do.

Kulu Tɔa 30:33

Fala kɛ wele dɛ tɛlɛ tɛ nɛ, kɔ a fɛlɛ do tɛ gele wele iko, nɛ wa ndaka wi dɛ nɔɛ ni kɔ owinɔ 'da mi do'do.”

Kulu Tɔa 30:38

Fala kɛ wele dɛ tɛlɛ tɛ fũ yɔmbɛ ni we unu dia nɛ, nɛ wa ndaka a kɔ owinɔ 'da mi Gale do'do.”

Ezai 66:3

“Nɛ kɛ 'da owinɔ wa dɛ mɛnɔ do kɔ sila wa wele nɛ iko ni, mi dɛ yangga wa gɔ. Wa gbɛ wili ngɔmbɔ, nɛ wa gbɛ 'bɔ wele, nɛ wa hã a do dɔnggamɔ. Wa 'bili gɛlɛ bata, nɛ wa gbini 'bɔ gɛlɛ tolo we hã do dɔnggamɔ. Wa hã dɔnggamɔ fũ, nɛ wa hã 'bɔ tɔkɔ tɛ ngulu do dɔnggamɔ. Wa dɔ yɔmbɔ hã mi, nɛ wa dɔnggɔ 'bɔ ogale bɛlɛnɔ. Nɛ dɔnggamɛnɔ kɛ ma dè gɔ ni, ma ɛ̃fɛ̃ tɛ wa wena.

EZEKIƐLƐ 20:40

Mba gɔ, owinɔ vɛ̃ ngɔ nù Israɛlɛ gɛ, wa dɔnggɔ sɛ mi tɛ ngɔ kala kɛ wa ia ma hã mi ni. Mɛ a gã kala tɛ ngɔ nù Israɛlɛ. Mi kɔ̃ sɛ gɛnɛ nɛ dɛ di ni, nɛ mi 'bɔ sɛ 'da nɛ na, nɛ tɛ do dɔnggamɛnɔ 'da nɛ, do odia mɛnɔ kɛ nɛ kɔ̃a we hã ma hã mi ni dɛ di ni.

Levitɛnɔ 1:3

Fala kɛ wi ni kɔ̃ we gbɛ ngɔmbɔ takɔ a dɔ we dɔnggɔ do NWA, nɛ ma wia na, a nɛ do wili ngɔmbɔ kɛ fo kunda tɛ̃ a bina ni, dɛ nu tɔa Tande i, takɔ NWA kɔ̃ gɛnɛ a.

Levitɛnɔ 17:10

“Fala kɛ be Israɛlɛ, tabi gɛnɛ kɛ a ɔ sanga obe Israɛlɛ, a nyɔngɔ sa'de kɛ tɔkɔ 'bana kɔ nɛ ni, nɛ nwa a kifi sɛ 'do a lo do wi ni, nɛ a fo sí a sanga obe Israɛlɛ do'do.

Levitɛnɔ 17:14

Mba gɔ, kpasi 'da mɛ kɛ ma do tunu li ɛ ni, ma a kɔ tɔkɔ. Ma kɛ NWA tɔ̃ hã nɛ obe Israɛlɛ na, nɛ tɛ nyɔngɔ mulu sa'de kɛ tɔkɔ 'bana kɔ nɛ ni gɔ. We kɛ kpasi 'da mɛ kɛ ma do tunu li ɛ ni, ma a kɔ tɔkɔ. Kɔ fala kɛ wele nyɔngɔ ma, nɛ wa fo sɛ a sanga nɛ obe Israɛlɛ do'do.

Levitɛnɔ 17:3

“Fala kɛ be Israɛlɛ kpo kɔ̃ we gbɛ ngɔmbɔ, bata, tabi dua dɛ kɔ ngbo ɔi, tabi do 'do ngbo i we dɔnggɔ do NWA,

Levitɛnɔ 17:5

Mbula gɛ, ma tombo sɛ obe Israɛlɛ na, wa tɛ gbɛ osa'de do zamɔ iko gɔ. Nɛ nde wa tɛ do wa hã nganga, dɛ nu tɔa Tande ni, nɛ a hã do dɔnggamɔ hã NWA, we be dɛa na.

Levitɛnɔ 17:9

nɛ a nɛ sɛ do ma dɛ nu tɔa Tande, nɛ a dɔnggɔ do NWA. Fala kɛ a dɛ̀ ni gɔ, nɛ wa fo sɛ a sanga wa obe Israɛlɛ do'do.

Levitɛnɔ 18:29

Owinɔ vɛ̃ kɛ wa hã tɛ wa we dɛ tɛlɛ tɛ 'dã mɛnɔ ni, nɛ wa fo sɛ wa sanga nɛ obe Israɛlɛ do'do.

Levitɛnɔ 20:16

Fala kɛ wuko ɔ do sa'de, nɛ wa gbɛ sɛ wuke, nɛ wa gbɛ 'bɔ sa'de ni. Nɛ tɔkɔ fie 'da wa sɛ dɛ zu wa wele nɛ.

Levitɛnɔ 20:18

Fala kɛ wi wili ɔ do wuko kɛ a tɛ zɔ zɛkɛ, nɛ wa fo sɛ wa bɔa nɛ sanga wa obe Israɛlɛ do'do. We kɛ wi ni zɔa tɔkɔ zɛkɛ 'da wuke ni.

Levitɛnɔ 20:3

Mi NWA ngboo ni, mi ba sɛ li mi ngɔ a, nɛ mi fo a sanga owinɔ 'da mi, tua kɛ a gbɛa mbe kpo sanga obenɔ 'da a we dɔnggɔ do Mɔlɛkɛ, nɛ a faka fala dɔnggɔ do mi, nɛ a hã sape hã zu li mi, kɛ ma santo ni.

Levitɛnɔ 3:2

Nɛ wi ni a e sɛ kɔ̃ a dɛ zu sa'de ni, nɛ a 'bili gɛlɛ a dɛ nu tɔa Tande kpa ngba wi do NWA. Nɛ onganganɔ, kɛ wa a obe zã Aroni ni, wa kpɔ sɛ tɔkɔ nɛ, nɛ wa kpã ma tɛ 'bolo zã gbagala.

Levitɛnɔ 7:18

Fala kɛ ma hɔ tɛ tũ kɛ talɛ, kɔ wele nyɔngɔ mulu sa'de dɔnggamɛ kɛ a hã ma ni, nɛ nde NWA kɔ̃́ sɛ gɛnɛ nɛ gɔ, nɛ dɔnggamɛ 'da a ni, ma sɛ yala iko. We kɛ mulu sa'de ni, ma hɔa mɔ ndi li NWA ia. Wele kɛ a nyɔngɔ ma, nɛ nde a dɛa 'dã mɔ.

YOANƐ 10:7

Nɛ Yezu tɔ̃ 'bɔ na: “Mi tɔ̃ hã nɛ do gbãlã we na, mi a nu ngboe 'da batanɔ.

YOANƐ 10:9

Mi a nu ngboe. Kɔ wele kɛ a le do nu ngboe ni, nɛ a kpasa sɛ. A wia sɛ we le nɛ, nɛ a hɔ nza, nɛ a kpa nyɔngɔmɔ.

YOANƐ 14:6

Nɛ Yezu gese hã a na: “Mi a li wala kɛ ma la dɛ 'da Baa mi, nɛ mi a wele gbãlã we do wele kpasi. Wele wè tɛ hɔ 'da Baa mi iko gɔ, tati a do wala 'da mi sɛ nɛ de.

ROMA 4:6

'Da fala Davidi ɔngbɔ zi dia 'dɔkɔlɔ 'da wi kɛ Gale zɔa a do wi bɔlɔ zu, we kɔ̃a we 'da a, gɛnɛ kɔ a dɛ̀ to we nɛ dɛa gɔ ni, nɛ a tɔ̃a 'bɔ kpo we ni na:

ROMA 5:13

Nɛ dati kɛ na, Gale tɛ hã̀ zi mbula hã Mɔizɛ gɔ ni, nɛ nde 'dã mɔ zɛ́ ngɔ nù gɛ boe. Nɛ Gale lénggé zɛ́ do 'dã mɛ ni gɔ, we kɛ mbula zɛ́ bina.

ROMA 5:20

Mbula 'da Mɔizɛ ma hɔa, takɔ o'dã mɛnɔ 'da winɔ ma dɛlɛ dɛ dati. Nɛ 'dã mɛnɔ nɛa we dɛlɛ nɛ, nɛ dia zã 'da Gale gã tɛ mɛ 'bɔ nɛa ngɔ ma wena.

Mbulanɔ 21:8

Aa nwa, mɔ fò ku'da 'dã mɛ gɛ zu lɛ owinɔ 'da mɔ, obe Israɛlɛ, kɛ mɔ fua zi lɛ kɔ ngbá ngɔ nù Ezipeto ni. Mɔ fó ku'da 'dã mɛ zu lɛ, nɛ gulu fie 'da a ma tɛ zɔ́ lɛ gɔ.’