Levitɛnɔ 16:2 - WE NU GALE 1995

² “Mɔ tɔ̃ hã nya mɔ Aroni na, a tɛ lè 'do ku'bi i, tɛ Fala kɛ ma santo wena ni yala yala iko gɔ. We kɛ mɛ a fala mi be do tɛ mi kɔ lɔnggɔ zɛ̃ we de ngɔ mɔ nu Sanduku Gba Tɔkɛ ni. Ko fala kɛ a le iko, nɛ a fe sɛ.

Levitɛnɔ 16:2 Iomraidhean Croise

1 Onwanɔ 6:16

Nɛ wa kele 'bɔ odɛlɛ tɔa kɛ kɔlɔ'du i ni, yolo ngɔ we to nù do oma'baya sɛdrɛ, kɛ 'da du nɛ a mɛtrɛ 'bu. Dɛ 'do nɛ, nɛ wa 'dafa 'bɔ 'bili kɔ tɔa ni we e do Sanduku Gba Tɔkɛ, nɛ wa sa li nɛ na, fala kɛ ma santo wena.

1 Onwanɔ 8:6

'Do nɛ, nɛ onganganɔ wa ba Sanduku Gba Tɔkɛ, nɛ wa nɛ do ma, nɛ wa e ma kɔ 'bili tɔa kɛ wa 'dafa we nɛ, nɛ wa sa li ma na “Fala kɛ ma santo wena” ni. Nɛ wa ia ma ngboo dɛ ti 'baka ohi mɛnɔ kɛ ma ɔ nɛ wele ni.

Kulu Tɔa 30:10

Fala kpo kɔ sabɛlɛ kpo, Aroni a kpɔ sɛ tɔkɔ sa'de, nɛ a kɔ zu te gbagala, takɔ ma hɔ santo. Mɛ sɛ a tɔkɔ sa'de kɛ a gbɛa a we dɔnggɔ do mi, takɔ mi fo ku'da 'dã mɛnɔ zu wa do'do ni. Wa dɛ sɛ na mɛ ni kɔ sabɛlɛ do sabɛlɛ. Wa e sɛ gbagala ni hã mi, nɛ wa ba sɛ ma na, ma santo wena.”

Levitɛnɔ 16:13

Nɛ a a fũ yɔmbɛ ni dɛ ngɔ kalĩ dɛ dati mi NWA ni. Nɛ zɛ̃ nɛ ma kpe kɛ zã Sanduku Gba Tɔkɛ, nɛ ma gu mɔ nu ma na, da dɛ kɔ li a á tɛ nɛ, kɔ a fe gɔ.

Levitɛnɔ 16:34

Nɛ dɛ sɛ mbula gɛ 'da fala fai kɔ sabɛlɛ do sabɛlɛ. Nɛ dɛ sɛ na mɛ ni, takɔ kɔ sabɛlɛ kpo, nɛ mi NWA, mi fo ku'da 'dã mɛnɔ zu obe Israɛlɛ vɛ̃ fala kpo.” Aroni dɛa mbulanɔ vɛ̃ kɛ NWA hã ma hã Mɔizɛ ni.

Levitɛnɔ 23:27

“Do kpo zɛkɛ 'da sambo, kɔ̃ nɛ 'bu, mɛ sɛ a gã ngba soe fo ku'da 'dã mɔ zu winɔ. Nɛ mba sɛ ngba nɛ do zu li mi, nɛ nɛ bɛ̃ nyɔngɔmɔ, nɛ nɛ dɔ sa'de we dɔnggɔ do mi.

Levitɛnɔ 8:35

Nɛ 'báná dɛ nu tɔa Tande gɛ gba wese do tũ, gbaa 'do tũ sambo. Nɛ nɛ dɛ́ ombulanɔ 'da NWA. Ní gɔ, nɛ nɛ fe sɛ. Ki ni a ombulanɔ kɛ mi kpa ma kɔ Gale gɛ a ni.”

Tɔlɔ Mɔ 17:10

“Nɛ fo tɛ nɛ kɛ zã gili winɔ gɛ do'do. Mi nɛ gbɛ wa fala kpo do ti.” Mɔizɛ do Aroni wa nɛa we zele ni, nɛ wa gu li wa nù.

Tɔlɔ Mɔ 18:7

Nɛ nde mɔ Aroni, do obe zã mɔ, nɛ dɛ sɛ to nganga 'da nɛ tɛ fala gbagala, do Fala kɛ ma santo wena, nɛ ma do 'do ku'bi kɛ ma gɔnɔ sanga tɔa ni. Wi a mi a mi hã toe gɛ hã nɛ. Nɛ nde fala kɛ gele wele kɔlɔ do mi, nɛ wa gbɛ sɛ a.”

Tɔlɔ Mɔ 4:19

kɔ wa fe gɔ. We duzu ma, ma wia na, nɛ dɛ na mɛ gɛ: Aroni do obenɔ 'da a, wa kã sɛ wele do wele dɛ fala 'da a, nɛ wa be mɛ ma wia na a dɛ, tabi mɔ kɛ a ba sɛ tole nɛ ni hã a.

Tɔlɔ Mɔ 4:5

'Da fala obe Israɛlɛ wa kulu sɛ ngɔ we la nɛ ni, nɛ Aroni do obenɔ 'da a wa fo sɛ ku'bi ma gɔnɔ sanga tɔa Tande ni, nɛ wa lɔmbɔ sɛ do 'do Sanduku Gba Tɔkɛ.

MATIE 27:51

Nɛ do 'da fala ni, nɛ gba tulu ku'bi kɔ Tɛmpɛloe i ɛ̃a dɛ gbogbo kparr, yolo ngɔ gbaa nù. Nɛ nùi tana nganda wena, nɛ otanɔ ma gba sanga tɛ ngbɛ ɛ.

OHEBRE 6:19

Nɛ mbuli kɛ lɛ gbini zã lɛ do ma ni, ma nganda sila lɛ na, da dɛ kɔ linggamɔ zu lɛ yɛ́kɛ́ gɔ. Nɛ ma ba wala hã lɛ na, lɛ le gbaa 'do gã tuli kɛ ma kɛa sanga kɔ tɔa Tɛmpɛloe li nza i ni, nɛ lɛ hɔ tɛ fala kɛ ma santo wena ni.

OHEBRE 9:25

Sabɛlɛ kpo kpo, nɛ nwa nganga 'da Oyuda ba tɔkɔ sa'de, nɛ a le nɛ tɛ fala ma santo wena ni. Nɛ nde Kristo lè zi 'do ngbɛ ɛ do 'do ngbɛ ɛ gɔ, nɛ a hã̀ tɛ a hã Gale fala dɛlɛ wena gɔ.

OHEBRE 9:3

Nɛ 'do bɔa gbau tuli wa 'bili do kɔ tɔa tande ni, nɛ mɔ hɔ tɛ fala wa sa li nɛ na, fala kɛ ma santo wena ni.

OHEBRE 9:5

Nɛ wa dula okerubinɛ bɔa, nɛ wa a ma dɛ ngɔ sanduki ni we be na, Gale di ni boe. Nɛ sala 'baka wa tata dɛ ngɔ fala onganganɔ wa hã do mɛnɔ hã Gale we aka a na, a fo ku'da 'dã mɛnɔ zu winɔ ni. Nɛ nde fala do kɛ na lɛ tɔ̃ vɛ̃ ni bina.

USU MƐNƆ 15:8

Nɛ kɔ tɔa Tɛmpɛloe dunu do zɛ we, kɛ ma yolo kɔ dɔ̃lɔ̃ li do ngawi 'da Gale. Nɛ wele kpo wè tɛ le kɔ tɔa Tɛmpɛloe ni gɔ, gbaa we 'bɔ do 'da kɛ na ongamɛnɔ sambo, kɛ oanzɛnɔ wa tɛa nɛ ni, ma dɛ tɛ̃ ɛ vɛ̃ do'do sɛ nɛ de.