Levitɛnɔ 13:2 - WE NU GALE 1995

² “Fala kɛ wele do hɛ̃a mɔ, tabi dani tɛ̃ a, tabi mɔ kombo tɛ̃ a, hã ma hɔ ɔ nɛ zɛlɛ ngbɛlɛ, nɛ wa nɛ sɛ do wi ni hã nganga Aroni, tabi mbe kɔ obenɔ 'da a kpo,

Levitɛnɔ 13:2 Iomraidhean Croise

2 SAMUƐLƐ 3:29

E kɔ tati a Yoabɛ do nu fɛlɛ a vɛ̃, hã wa kpa si olo nɛ. E kɔ kɔ nu fɛlɛ kula 'da wa, wa kpa Owi sɔpisi do Owi zɛlɛ ngbɛlɛ fai, nɛ wa kpa 'bɔ Owi kunda, do Owi wɔ, do wanɔ kɛ wa fe sɛ li bolo ni.”

2 Onwanɔ 5:1

Namanɛ zi a gã wi ngɔ osoda Siri vɛ̃. Nwa ngɔ a kɔ̃ zi a wena, nɛ a be zi 'bɔ dia zã hã a wena. Mba gɔ, NWA Gale dɛa zi na, osoda Siri wa nɛ ngɔ ngba wa we duzu a. A zi a nwa bolo, nɛ nde a zi a wi zɛlɛ ngbɛlɛ.

2 Onwanɔ 5:27

Hã mɔ ĩ na, zɛlɛ ngbɛlɛ tɛ Namanɛ, ma te sɛ tɛ mɔ, do obe zã mɔ, nɛ ndɔti nɛ sɛ bina.” Kɔ 'da fala Gehazi nɛa we la Elize, nɛ zɛlɛ ngbɛlɛ kutu tɛ̃ a vɛ̃.

Ezai 1:6

Dani kpa do tɛ nɛ vɛ̃, fo wila tɛ nɛ bina. Yolo tɛ nyanga nɛ we hɔ zu nɛ, wa zɔ tati a odani do olo zufa. Odaninɔ ni, wele kpo fɔ̃lɔ̃ ma, hã a a nɔ li nɛ, hã a ɛnzɛ ma gɔ.

Ezai 3:17

We duzu ma, NWA a hã sɛ sape hã wa, a kɛlɛ sɛ mili zu wa vɛ̃ do'do.

Levitɛnɔ 13:1

NWA tɔ́a hã Mɔizɛ do Aroni na:

Levitɛnɔ 13:3

nɛ a hã a zɔ sɛ fala dani ni. Kɔ fala kɛ be salanɔ tɛ fala dani ni, ma ɔ fɛ̃a, kɔ dani nyɔngɔ mulu tɛ̃ a dɛ kɔ nɛ, nɛ nde ki ni mɛ a zɛlɛ ngbɛlɛ. Nɛ nganga a tɔ̃ sɛ hã wi ni na, a hɔa wi ndi li Gale.

Levitɛnɔ 13:8

Nɛ nganga a zɔ sɛ 'bɔ dani ni mbé nɛ. Kɔ fala kɛ a zɔ na, dani ma yɛ'bɛ tɛ ndala tɛ wi ni, nɛ a tɔ̃ sɛ hã a na, a hɔa wi ndi li Gale, we kɛ mɛ a zɛlɛ ngbɛlɛ.

Levitɛnɔ 14:3

Nɛ nganga a hɔ sɛ dɛ 'do ngbo ɔi i we kpa wi zɛlɛ ni, takɔ a zɔ a. Ko fala kɛ wi ni kpasa tɛ zɛlɛ ngbɛlɛ kpaa nde,

Levitɛnɔ 14:35

nɛ wele tɔa ni, a nɛ sɛ we tɔ̃ we nɛ hã nganga na, ɛ zɔa mɔ ma hɔa kɔ tɔa 'da ɛ, nɛ ma 'danga tɛ nɛ.

MALAKI 2:7

Mba gɔ, dɛa toe 'da nganga, mɛ a be mɔ hã owinɔ na, wa ĩ ti Gale. Nɛ ma wia na, owinɔ wa tɛ 'da a, nɛ wa aka a ngɔ mbulanɔ kɛ wa wia we dɛ ma ni, we kɛ a a wi gba olo nu mi, NWA ngɔ mɔ nyanga nza vɛ̃.

Tɔlɔ Mɔ 12:10

'Da fala zɛ̃ we kũ dɛ zu tɔa Tande i ni, nɛ tɛ Miriamɛ kutu do ngbɛlɛ. Aroni nɛa we zɔ na, Miriamɛ do ngbɛlɛ ni,

Tɔlɔ Mɔ 12:12

Da dɛ kɔ mɔ dɛ́ na, Miriamɛ ɔ nɛ fio nzɔ be kɛ wa nɛ ko a, nɛ nde mbee tɛ̃ a 'danga ia ni gɔ.”

MATIE 8:4

Nɛ Yezu tɔ̃ hã a na: “Da dɛ kɔ mɔ tɔ̃́ we kɛ mi kpasa do mɔ gɛ hã wele kpo gɔ. Nɛ nde mɔ nɛ́ 'da nganga i, nɛ mɔ ha dɔnggamɔ hã Gale nɛ́ kɛ Mɔizɛ tɔ̃a zɛ́ ni, we be hã winɔ vɛ̃ na, mɔ kpasa tɛ zɛlɛ 'da mɔ ia.”

LUKA 17:14

Nɛ Yezu zɔa wa, nɛ a tɔ̃ hã wa na: “Nɛ nɛ́, hã onganganɔ wa zɔ nɛ.” Kɔ wa ma ngɔ la nɛ, nɛ zɛlɛ ngbɛlɛ tɛ wa ni e do ti.

LUKA 5:14

Nɛ Yezu ba nu ɛ hã a na: “Da dɛ kɔ mɔ tɔ̃́ we kɛ mi kpasa do mɔ gɛ hã wele kpo gɔ. Nɛ nde mɔ nɛ́ 'da nganga i, kɔ mɔ be kɛ mɔ kpasa ni hã a. Nɛ mɔ ha dɔnggamɔ hã Gale nɛ́ kɛ Mɔizɛ tɔ̃a zɛ́ ni, we be hã winɔ vɛ̃ na, mɔ kpasa tɛ zɛlɛ 'da mɔ ia.”

Mbulanɔ 24:8

“Fala kɛ nɛ ɔ do zɛlɛ ngbɛlɛ, nɛ nɛ dɛ zĩ we dɛ mbulanɔ onganga levitɛnɔ wa e sɛ hã nɛ ni. Mɛ a mbulanɔ kɛ mi hã ma hã wa ni.

Mbulanɔ 28:27

NWA a dɛ sɛ na, kili hɛ̃ nɛ, ɔ nɛ kɛ a dɛa zi na ma hɛ̃ Oezipeto ni. A dɛ sɛ na zɛlɛ yole, do katolo, do gba talɛ ma te tɛ nɛ, nɛ nɛ tɛ kpàsà tɛ nɛ gɔ.