Levitɛnɔ 11:8 - WE NU GALE 1995

⁸ Da dɛ kɔ nɛ nyɔ́ngɔ́ mulu sa'denɔ ni gɔ, nɛ nɛ tɛ 'bè 'bɔ tɛ fia wa gɔ. Nɛ zɔ sɛ wa li nɛ na, wa a osa'de ndi li Gale.

Levitɛnɔ 11:8 Iomraidhean Croise

Ezai 52:11

Aa nɛ, owinɔ kɛ nɛ ba tole mɛnɔ kɛ wa dɛ do to hã NWA kɔ Tɛmpɛlo 'da a ni, nɛ kúlú ngɔ kɔ le Babilɔnɛ hã nɛ si. Hã fala kɛ nɛ kulu ngɔ we si ma nde, nɛ nɛ tɛ 'bè tɛ mɔ kpo, kɛ mɛ a mɔ ndi li NWA Gale ni gɔ. Nɛ fá na, nɛ 'báná sa li a.

OZE 9:3

Nɛ, Oisraɛlɛ, nɛ 'báná sɛ dɛ ngɔ nùi 'da NWA Gale fai gɔ, nɛ kpolo sɛ tɛ nɛ dɛ ngɔ nù Ezipeto, tabi Asiri, nɛ nɛ nyɔngɔ sɛ mɛnɔ kɛ Gale bɛ̃a ma ni.

Levitɛnɔ 11:7

Nɛ nɛ tɛ nyɔ̀ngɔ̀ 'bɔ ngulu gɔ, we kɛ gɛnɛ kɔ a do sala nyanga a bɔa, nɛ nde a nyɔ́ngɔ́ 'da wɔkɔsɔ fala bɔa gɔ.

Levitɛnɔ 11:9

“Nɛ sanga osa'denɔ kɛ wa ɔ 'dɔ lì, tabi 'dɔ ndɔ, tabi 'dɔ gba li ni, nɛ nyɔngɔ sɛ a wanɔ kɛ kɔa tɛ wa boe, nɛ wa do mɔ kanda do lì tɛ wa boe ni.

Levitɛnɔ 5:2

“Tabi lɛ ba na, wele 'bia tɛ mɔ kɛ ma a mɔ ndi li Gale, ɔ nɛ fia sa'de zamɔ, tabi fia sa'de 'da le, tabi be sa'de kɛ a hala do ngu'du a, nɛ nde gɛnɛ kɔ a dɛ̃ do mbana gɔ, nɛ a te sɛ do ngbangga, nɛ a hɔ sɛ wi ndi li Gale.

MATIE 15:11

Nɛ ĩ́ na, mɔ kɛ wele nyɔngɔ, nɛ ma le dɛ kɔ zã a ni, ma wè tɛ 'danga kɔ sila a gɔ. Nɛ nde mɛ a linggamɔ kɔ zã wele, kɛ ma hɔ do nu a ni, sɛ nɛ ma 'danga sila a de.”

MATIE 15:20

Nɛ zɔ́, mɛnɔ ma 'danga wele gɛ a ni! Nɛ nde gɛnɛ kɔ wele fɔ̃lɔ̃ kɔ̃ a dati nyɔngɔ mɔ ɔ nɛ kɛ mbula tɔ̃a ni gɔ, nɛ ma wè tɛ 'danga a gɔ.”

MARKO 7:15

mɔ kɛ wele nyɔngɔ, nɛ ma le dɛ kɔ zã a ni, ma wè tɛ 'danga kɔ sila a gɔ. Nɛ nde mɛ a linggamɔ kɔ zã wele kɛ ma hɔ do nu a ni, sɛ nɛ ma 'danga sila a de. [

MARKO 7:18

Nɛ a tɔ̃ hã wa na: “Nɛ tɛ mɛ 'bɔ, nɛ ĩ̀ gulu wenɔ mi tɔ̃a ni gɔ nde? Nɛ ĩ̀ na, mɔ kɛ ma le kɔ nu wele, nɛ ma la dɛ kɔ zã a, ma wè tɛ 'danga sila a gɔ.

MARKO 7:2

Nɛ wa zɔ ombe wi yambala mɛnɔ 'da Yezu tɛ nyɔngɔ mɔ, nɛ nde wa fɔlɔ kɔ̃ wa ɔ nɛ kɛ mbula olo oyaa wa bia ma ni gɔ. (Mba gɔ, Ofariziɛnɔ do Oyudanɔ vɛ̃, wa dɔnggɔ mbula olo yaa wa wena. Wa nyɔ́ngɔ́ mɔ iko gɔ. Wa nɛ nyɔngɔ mɔ, nɛ wa fɔlɔ kɔ wa dati sɛ nɛ de.

Owi Nɛ Tonɔ 10:28

Nɛ Petro tɔ̃ hã wa na: “Nɛ ĩ vɛ na, mbula bɛa na, be Yuda wè tɛ yɛnggɛ do gele wele gɔ. Nɛ nde Gale bia hã mi na, da dɛ kɔ mi zɔ́ wele kpo li mi ɔ nɛ wi ndi ni gɔ.

Owi Nɛ Tonɔ 15:29

Nɛ tɛ nyɔ̀ngɔ̀ mulu sa'de kɛ wa dɔnggɔ do kpikimanɔ ni gɔ. Nɛ tɛ nyɔ̀ngɔ̀ tɔkɔ sa'de gɔ. Nɛ tɛ nyɔngɔ̀ sa'de kɛ wa sa'ba gɛlɛ a sa'ba iko ni gɔ. Nɛ nɛ tɛ yɛ̀nggɛ̀ vĩ zu yali gɔ. Kɔ fala kɛ nɛ bɛ gɛnɛ mɛnɔ ni vɛ, nɛ nde nɛ dɛa kɛ ma wia ni. Kɔ nɛ dúngú do dia nɛ!”

ROMA 14:21

Kɔ ma dia fɛ̃ na, mɔ tɛ nyɔ̀ngɔ̀ sa'de gɔ, nɛ mɔ tɛ nɔ̀ dɔ̃ gɔ, nɛ mɔ bɛ mɛnɔ vɛ kɛ ma wia we fi ngba mɔ kɔ 'dã mɔ ni.

1 KORINTƐ 8:8

Ĩ na, mɛ ma kã lɛ dɛ 'da Gale, mɛ a nyɔngɔmɔ gɔ. Gɛnɛ kɔ lɛ nyɔngɔ, tabi lɛ nyɔ̀ngɔ̀ gɔ, nɛ nde lɛ hɔ́ sɛ wi dati, tabi wi 'do li Gale we duzu ma gɔ.

2 KORINTƐ 6:17

We duzu ma, Nwa Gale tɔ̃a na: “Nɛ yú wa, nɛ nɛ fó tɛ nɛ sanga wa. Nɛ tɛ kɔ̀lɔ̀ do mɔ ndinɔ 'da wa gɔ. Nɛ dɛ́ na mɛ ni, nɛ mi kɔ̃ sɛ gɛnɛ nɛ.

EFƐZƐ 5:11

Nɛ tɛ mbà do owinɔ kɛ wa kɔ gba tũ, nɛ wa dɛ yia dɛa mɛnɔ ni gɔ. Nɛ nde nɛ bé 'dã mɛnɔ 'da wa dɛ wila fala.

EFƐZƐ 5:7

Kɔ nɛ tɛ mbà do owinɔ wa dɛ mɛnɔ ní ni gɔ.

KƆLƆSƐ 2:16

Kɔ we duzu ma, ma wè na wele kpo e mbula hã nɛ ngɔ nyɔngɔmɔ, do mɔ kɛ nɛ wia we nɔ nɛ ni gɔ. Nɛ wele tɛ è mbula hã nɛ ngɔ ɛngganɔ kɛ nɛ wia tɛ dungu nɛ, ɔ nɛ ɛngga mbé hɔa zɛkɛ, tabi otũ kpe tɛ winɔ gɔ.

OHEBRE 9:10

Mɛnɔ ni, mɛ a ombula ngɔ onyɔngɔmɛnɔ, do dɔ̃nɔ, do tɛlɛ tɛ fɔlɔ tɛ mɛnɔ 'da wa na, ma ɔ sa li Gale ni iko. Mɛ a ombula mɔ́ Owele, nɛ ma sɛ do ngawi gbaa we sɔkpɔ do 'da fala kɛ Gale a kpolo sɛ do mɛnɔ vɛ ni.