Levitɛnɔ 11:2 - WE NU GALE 1995

² wa e mbulanɔ gɛ hã obe Israɛlɛ na: “Sanga osa'denɔ nù gɛ, nɛ nyɔngɔ sɛ a

Levitɛnɔ 11:2 Iomraidhean Croise

EZEKIƐLƐ 4:14

Nɛ nde mi gisa na: “Aa NWA Gale, ma wé sɛ gɔ. Mi dɛ̃ mbe mɔ ndi fala kpo gɔ. Nɛ yolo do be tɛ mi, mi nyɔngɔ mbe sa'de kɛ a fia iko, tabi kɛ sa'de zamɔ a gbɛa a ni gɔ.”

DANIƐLƐ 1:8

Kɛ 'da Daniɛlɛ, a 'bili na, ɛ nyɔ́ngɔ́ sɛ mɛ, nɛ ɛ nɔ́ dɔ̃ɛ kɛ wa nɛ nɛ hã nwa ni fala kpo gɔ, da dɛ kɔ ɛ hɔ́ wi ndi li Gale gɔ. Ma kɛ a aka Asɛpenazɛ, wi ngɔ wi dɛa tonɔ 'da nwa na, a tɛ ngbɔ̀kɔ̀ ɛ na, ɛ nyɔngɔ mɛ tabi ɛ nɔ dɔ̃ɛ, kɔ ɛ hɔ wi ndi li Gale gɔ.

Levitɛnɔ 11:1

NWA tɔ́a hã Mɔizɛ do Aroni na,

Levitɛnɔ 11:11

Nɛ zɔ sɛ tɛlɛ tɛ osa'denɔ ni li nɛ na, wa a osa'de ndi li Gale. Nɛ tɛ nyɔ̀ngɔ̀ mulu wa gɔ, nɛ nɛ tɛ 'bè 'bɔ tɛ fia wa gɔ.

Levitɛnɔ 11:13

“Nɛ sanga onɔɛnɔ kɛ nɛ zɔ sɛ wa li nɛ na, wa a osa'de ndi li Gale, nɛ nɛ nyɔ́ngɔ́ sɛ wa gɔ ni, wa kɛ: ziki, zakanga, nɔɛ lì, gbagbaladangga, gãlãnutɔa ngolo, do ngɔ gili ozakanga kpi do kpi, do ganakele, gba nɔɛ li gba zɔ́, dili gba tũ, be kɔa lì, do ngɔ gili okonggonɔ kpi do kpi, dili gba sɔ, obe dili, nyɔlã, kɔa lì, nɔɛ ngele, do ngɔ gili ogbombe kpi do kpi, kuludu do pipili.

Levitɛnɔ 11:21

Nɛ nde nɛ nyɔngɔ sɛ wanɔ kɛ nyanga wa boe, nɛ wa bũlũ do ngɔ nù gɛ ni.

Levitɛnɔ 11:29

“Nɛ sanga obe sa'denɔ kɛ wa hala do nù gɛ, wanɔ nɛ zɔ sɛ wa li nɛ na, wa a osa'de ndi li Gale ni, wa kɛ: zula ti nù, ngambele, ngɔ gili okada kpi do kpi, ka'bɛlɛ, kadanɔ kɛ tɛ wa gɛ gɛza, kada tɛ tɔlɔ nwá, kada yɛnggɛ zã kɛnzɛnɔ, do zo.

Levitɛnɔ 11:3

owanɔ kɛ sala nyanga wa bɔa, nɛ wa nyɔngɔ 'da wɔkɔsɔ fala bɔa ni.

Levitɛnɔ 11:34

Fala kɛ wa so lì kɔ kpana ni, hã wa gi do nyɔngɔmo, nɛ nyɔngɔmɛ ni ma hɔ sɛ mɔ ndi li Gale. Fala kɛ ma ɔ do lì nɔ nɔa, ko ma yolo kɔ kpana ni, nɛ ma hɔ sɛ mɔ ndi li Gale.

Levitɛnɔ 11:39

“Fala kɛ sa'de kɛ wa wia we nyɔngɔ a ni, a fe iko, kɔ wele 'be te fia a, nɛ a hɔ sɛ wi ndi gbaa we hɔ gɛ̃a wese.

Levitɛnɔ 11:4

Nɛ nde ma wè na, nɛ nyɔngɔ sa'de zamɔ, do bia, do kpã gɔ. We kɛ gɛnɛ kɔ wa nyɔngɔ 'da wɔkɔsɔ fala bɔa, nɛ nde sala nyanga wa bɔa gɔ.

Levitɛnɔ 11:9

“Nɛ sanga osa'denɔ kɛ wa ɔ 'dɔ lì, tabi 'dɔ ndɔ, tabi 'dɔ gba li ni, nɛ nyɔngɔ sɛ a wanɔ kɛ kɔa tɛ wa boe, nɛ wa do mɔ kanda do lì tɛ wa boe ni.

MATIE 15:11

Nɛ ĩ́ na, mɔ kɛ wele nyɔngɔ, nɛ ma le dɛ kɔ zã a ni, ma wè tɛ 'danga kɔ sila a gɔ. Nɛ nde mɛ a linggamɔ kɔ zã wele, kɛ ma hɔ do nu a ni, sɛ nɛ ma 'danga sila a de.”

OHEBRE 13:9

Nɛ tɛ kɔ̃̀ na, owi be ogele bia wenɔ kpi do kpi, wa vĩ zu nɛ gɔ. Mɛ kɛ ma kpãlã sila lɛ, mɛ a dia zã 'da Gale dɛ 'da lɛ, nɛ nde mɛ a dɛ mbula ngɔ nyɔngɔmɔ gɔ. Owinɔ kɛ wa dɛ mbulanɔ ni, wa kpá si mɔ olo nɛ gɔ.

OHEBRE 9:10

Mɛnɔ ni, mɛ a ombula ngɔ onyɔngɔmɛnɔ, do dɔ̃nɔ, do tɛlɛ tɛ fɔlɔ tɛ mɛnɔ 'da wa na, ma ɔ sa li Gale ni iko. Mɛ a ombula mɔ́ Owele, nɛ ma sɛ do ngawi gbaa we sɔkpɔ do 'da fala kɛ Gale a kpolo sɛ do mɛnɔ vɛ ni.