Levitɛnɔ 10:9 - WE NU GALE 1995

⁹ “Mɔ, do obenɔ 'da mɔ, nɛ nɔ́ sɛ dɔ̃ dati kɛ na, nɛ le kɔ tɔa Tande i ni gɔ. Nɛ dɛ na mɛ ni, nɛ nɛ fe sɛ. Mɛ a mbula kɛ he do obe zã nɛ, nɛ dɛ sɛ ma fai,

Levitɛnɔ 10:9 Iomraidhean Croise

Kulu Tɔa 27:21

Nɛ Aroni do obenɔ 'da a, wa e sɛ mɔ a do mwindanɔ dɛ kɔ tɔa Tande kpa ngba wi do mi Gale ni. Wa e sɛ ma dɛ dati ku'bi kɛ ma kele Sanduku Gba Tɔkɛ ni. Nɛ wa tũ sɛ mwindanɔ ni do gɛ̃a wese, nɛ ma nyɛ dɛ dati mi gbaa we hɔ titole. Ma wia na, obe Israɛlɛ wa dɛ mbula gɛ fai kɔ sabɛlɛ do sabɛlɛ.

GBA WENƆ 20:1

Mɔ nɔ dɔ̃ ia, nɛ mɔ wele sɛ we wena, nɛ mɔ ma ngɔ dɛ ngatɛ. Nɛ wi kɛ dɔ̃ ba a, nɛ a hɔ sɛ yɔndɔ wi.

Ezai 28:7

Nɛ zɔ̃ onganganɔ do Owi gba olo nu Gale, wa yɔndɔ tɛ nɔ nga dɔ̃nɔ do'do. Wa nɔ nga dɔ̃ɛ hã ma ba wa, nɛ wa dɛ gbee gbee ni. Nɛ owi gba olo nu Gale wa ka mɔ tafu, nɛ nde wa zɔ́ mɛnɔ kɛ Gale be ma hã wa ni do dia nɛ gɔ. Nɛ onganganɔ wa tɔ̃́ 'bɔ mbula hã owinɔ do dia nɛ gɔ.

EZEKIƐLƐ 44:21

Wele kpo kɔ wa tɛ nɔ̀ dɔ̃ dati kɛ na, a le tɛ li fanda kɛ nu tɔa Tɛmpɛloe ni gɔ.

OZE 4:11

NWA tɔ̃a na: “Vĩ zu yɛli do ba dɔ̃ ma 'danga zu winɔ 'da mi do'do.

Levitɛnɔ 10:8

NWA tɔ̃a hã Aroni na:

Levitɛnɔ 3:17

Ma kɛ ma wè na, be Israɛlɛ kpo nyɔngɔ kɛndɔ, tabi tɔkɔ gɔ. Obe Israɛlɛ wa dɛ sɛ mbula gɛ fai tɛ falanɔ vɛ̃ kɛ wa nɛ dungu te'de ni.”

Tɔlɔ Mɔ 6:20

'Do nɛ, nɛ nganga a hã sɛ ma do dɔnggamɔ hã mi NWA. A yaka sɛ ma dati mi. Nɛ wele dɔnggamɛnɔ ni sɛ a mɔ́ nganga, mba do ngu'du sa'de do ku a, kɛ wele nɛ 'bɔ a mɔ́ a ni. Nɛ yolo do kɔ̃ tũi ni, wi ni wia tɛ nɔ 'bɔ dɔ̃.

Tɔlɔ Mɔ 6:3

Nɛ ma wia na, a bɛ̃ nga dɔ̃nɔ vɛ̃. Gɛnɛ kɔ dɔ̃ kɛ wa dɛ do fila wala te vinɔ ni, a tɛ nɔ̀ gɔ. A tɛ nyɔ̀ngɔ̀ 'bɔ fila wala te vinɔ, tabi kula nɛ gɔ

LUKA 1:15

We duzu kɛ a sɛ a gã wi li Nwa Gale. A nɔ́ sɛ dɔ̃ vinɔ, tabi gele dɔ̃ kpo gɔ. Naa a a ko sɛ a, nɛ nde ngawi 'da Hi Wi Santo dunu kɔ a.

EFƐZƐ 5:18

Nɛ tɛ nɔ̀ dɔ̃, nɛ ma ba nɛ gɔ, we kɛ bá dɔ̃ 'danga wele 'danga. Nɛ nde ma wia na, ngawi 'da Hi Wi Santo dunu kɔ sila nɛ.

1 TIMOTE 3:3

A tɛ ha tɛ a we dɔ̃ gɔ, nɛ zã a tɛ nɔ̃̀lɔ̃̀ dɔ̃ dɔ̃ gɔ. Nɛ nde a ɔ́ wi gɛ̃a sila, do wi dɛ na, nɛ wɔ mbili tɛ gà li sila a gɔ.

1 TIMOTE 3:8

Ma wia na, owi 'dafa to kɔ eklezia, wa dĩlĩ tɛ mɛ 'bɔ fala tɛ wa, nɛ lɛfɛ wa tɛ sàsàlà bɔa gɔ. Wa tɛ ha tɛ wa we dɔ̃ gɔ, nɛ wa tɛ fà mbili do 'dã wala gɔ.

1 TIMOTE 5:23

Mɔ tɛ nɔ̀ tati a lì iko fai gɔ, nɛ nde mɔ nɔ́ mbe dɔ̃ sĩ, takɔ ma 'dafa gba tɔa zã mɔ, we kɛ mɔ ba zɛlɛ wena.

TITO 1:7

Mba gɔ, wi zɔ mɔ tɛ eklezia a wi dɛa toe 'da Gale, nɛ ma wè na, a dɛ mɔ kɛ wa sa kɔ'da tɛ̃ a we nɛ ni gɔ. A tɛ ɔ̀ wi dɛ gã zu tabi wi nɔ̃lɔ̃ zã gɔ. Nɛ a tɛ ò wi bá dɔ̃ tabi wi kpa we gɔ. A tɛ fà we kpa mbili do 'dã hã gɔ.