Levitɛnɔ 10:7 - WE NU GALE 1995

⁷ Fala kɛ nɛ kɔ̃̀ fio gɔ, nɛ nɛ tɛ bà nyanga nɛ nu tɔa Tande kpa ngba wi do NWA dɛ gele fala gɔ. Mba gɔ, nɔɛ wa a zu nɛ ni, ma ia nɛ na, nɛ dɛ to nganga hã NWA.” Nɛ Aroni do obenɔ 'da a, wa dɛa olo nu Mɔizɛ.

Levitɛnɔ 10:7 Iomraidhean Croise

Kulu Tɔa 28:41

“Mɔ Mɔizɛ, mɔ he'de sɛ tulunɔ ni hã nya mɔ Aroni do obulu benɔ 'da a, nɛ mɔ á nɔ zu wa, nɛ mɔ kɛ̃ tonɔ 'da wa hã wa. Tɛlɛ tɛ kɛ mɔ e sɛ wa na, wa dɛ́ to nganga hã mi Gale gɛ a ni.

Kulu Tɔa 29:7

Nɛ mɔ a sɛ nɔ kɛ ma santo zu a, nɛ mɔ e a na, a dɛ to nganga hã mi.

Kulu Tɔa 30:30

Mɔ a sɛ 'bɔ kpo nɔ santoe ni zu Aroni do obulu benɔ 'da a, nɛ mɔ e wa na, wa dɛ to nganga hã mi.

Levitɛnɔ 10:8

NWA tɔ̃a hã Aroni na:

Levitɛnɔ 21:12

Gã nwa nganga wè tɛ hɔ nza tɛ fala dɔnggɔ do mi, nɛ a le tɔa fio gɔ, da dɛ kɔ a fáká fala dɔnggɔ do mi gɔ. Mba gɔ, wa a zi nɔ santo zu a, takɔ a hã tɛ̃ a we dɛ to hã mi.

Levitɛnɔ 8:12

nɛ a a nɔɛ zu Aroni we e a hã Gale.

Levitɛnɔ 8:30

Nɛ Mɔizɛ sua mbe tɔkɛ kɛ ngo gbagala, do nɔɛ kɛ ma santoe ni, nɛ a kpã tɛ Aroni, do obenɔ 'da a, do te tulunɔ 'da wa. Na mɛ ni, Aroni do obulu benɔ 'da a, wa hɔa winɔ 'da NWA, nɛ tulunɔ 'da wa hɔa santo.

LUKA 9:60

Nɛ Yezu gese hã a na: “Mɔ lá fionɔ, kɔ wa mi fionɔ 'da wa! Kɛ 'da mɔ, mɔ nɛ́ we be we dɛa to nwa 'da Gale.”

Owi Nɛ Tonɔ 10:38

Nɛ nɛ ĩ tɛlɛ tɛ kɛ Gale hã zi ngawi, do Hi Wi Santo hã Yezu Kristo, wi Nazarɛtɛ ni. Nɛ a yɛnggɛ kɔ le do le tɛ dɛ odia mɔ. A kpasa owinɔ kɛ wa zi kɔ ngbá 'da Satana ni, we kɛ Gale fala nɛ kpo do a.

2 KORINTƐ 1:21

Nɛ wi a Gale hã a 'be lɛ do nɛ nganda wena dɛ kɔ Kristo, nɛ a ia lɛ do Owi dɛa tonɔ 'da a.