Levitɛnɔ 10:6 - WE NU GALE 1995

⁶ 'Do nɛ, nɛ Mɔizɛ tɔ̃ hã Aroni, do tala obenɔ 'da a bɔa, Elazarɛ do Itamarɛ na: “Nɛ tɛ là mili zu nɛ na mɛ ni iko gɔ, nɛ nɛ tɛ ɛ̃̀ 'bɔ tulu tɛ nɛ we dɛ 'bako gɔ. Nɛ dɛ na mɛ ni, nɛ nɛ fe sɛ, nɛ zã NWA ma nɔ̃lɔ̃ sɛ dɛ tɛ obe Israɛlɛ vɛ̃. Nɛ nde tala onya nɛ, obe Israɛlɛ, wa wia we he kɔ̃a winɔ kɛ NWA tumba nyɛa we, kɔ ma gbɛa wa ni.

Levitɛnɔ 10:6 Iomraidhean Croise

Yozue 22:18

Kɔ nɛ nɛ la 'bɔ fala dɔnggɔ NWA Gale sɔɛ gɛ nde? Fala kɛ nɛ bɛ̃ we nu nwa sɔɛ gɛ, nɛ bindɛ, nɛ nɔ̃lɔ̃ zã 'da a ma te sɛ ngɔ obe Israɛlɛ vɛ̃.

Yozue 7:1

NWA ba zi nu a hã obe Israɛlɛ na, wa 'danga le Yeriko, do mɛnɔ kɔ nɛ ni vɛ̃. Nɛ nde ombe sanga wa wa dɛ̃ mbula olo nu NWA gɔ. Mbe wele kpo, li a a Akanɛ, a kala ombe mɛnɔ do mɔ́ a. We duzu ma, nɛ dã ba NWA dɛ tɛ obe Israɛlɛ wena. Akanɛ zi a nu fɛlɛ Zera, kɔ nu kpala Yuda. A a be 'da Karmi, nɛ a 'bɔ a be yaa a Zabdi.

Tɔlɔ Mɔ 16:22

Mɔizɛ do Aroni wa nɛa we zele ni, nɛ wa gu li wa nù, nɛ wa he mɔ na: “Aa Gale! Mɔ a mɔ dɛa mɛnɔ nyanga nza gɛ vɛ̃. Kɔ gulu kɛ wele kpo iko dɛ 'dã mɔ, nɛ zã mɔ nɔ̃lɔ̃ dɛ tɛ winɔ vɛ̃ ni we ge nde?”

Tɔlɔ Mɔ 1:53

Nɛ nde tati a obe zã Levi hã wa ɔ sɛ zĩ do tɔa Tande takpa, nɛ wa dɛ sɛ toe 'da wa dɛ di ni. Na mɛ ni, nɛ wa amba sɛ zu obe Israɛlɛ na, wa tɛ kɔ́lɔ́ do tɔa ni, kɔ dã ba mi dɛ tɛ wa gɔ.”

2 SAMUƐLƐ 24:1

Mbe ngba soe kpo, nɛ zã NWA nɔ̃lɔ̃ 'bɔ mbé nɛ dɛ tɛ obe Israɛlɛ. Nɛ a dɛa na, nwa Davidi dɛ mɔ kɛ ma fa ngamɔ dɛ tɛ wa ni. Nɛ a e dɛ kɔ sila a na, a nɛ, kɔ a tɔlɔ Oisraɛlɛ do Oyuda vɛ̃.

Yozue 22:20

Tɛ zu nɛ ila ngɔ 'dã mɛ 'da Akanɛ, wi nu fɛlɛ Zera nde? A kala zi dia mɛnɔ kɛ Gale tɔ̃a na, wa 'danga ma vɛ̃ ni, nɛ nɔ̃lɔ̃ zã 'da NWA tia ngɔ obe Israɛlɛ vɛ̃. Nɛ Akanɛ fè zi we 'dã mɛ 'da a zu a kpo iko gɔ.”

Levitɛnɔ 13:45

“Ma wia na, wi kɛ a do zɛlɛ ngbɛlɛ ni, a he'de ɛ̃a tulu, nɛ a tɛ kɛlɛ zu a gɔ, nɛ a kpo tulu, nɛ ma kele sala ngɔ nu a do nzɛlɛ a do'do. Nɛ a he mɔ na: ‘Mi a wi ndi! Mi a wi ndi!’

Tɔlɔ Mɔ 18:5

Mɔ, do obe zã mɔ hã nɛ dɛ sɛ toe tɛ Fala kɛ ma santo do kɛ zã gbagala. Nɛ dɛ na mɛ ni, nɛ zã mi ma nɔ̃́lɔ̃́ sɛ 'bɔ mbé nɛ dɛ tɛ obe Israɛlɛ gɔ.

Mike 1:16

Nɛ, owi Yeruzalɛmɛ, nɛ kpóló mili zu nɛ vɛ̃, nɛ nɛ dungu gɛla. Nɛ hé kɔ̃a obenɔ 'da nɛ ngɔ sila nɛ ni, we kɛ Owi sɛnɛ nɛ wa kala sɛ wa, nɛ wa 'dɔlɔ wa dɛ kɔ gele le nyɛlɛ do nɛ.

Yeremi 7:29

NWA tɔ̃a na: “Nɛ Oyuda, nɛ kɛ́lɛ́ du mili zu nɛ, kɛ ma be na nɛ a owinɔ 'da mi ni, nɛ nɛ a ma zamɔ. Nɛ gá zuma kɔ̃a fio tɛ ngɔ kalanɔ, we kɛ zã mi nwa ma nɔ̃lã, nɛ mi bɛ̃a gɛnɛ nɛ owinɔ 'da mi do'do.”

Yozue 7:11

Obe Israɛlɛ wa dɛa 'dã mɔ. Mi ba zi nu mi hã wa na, wa 'danga mɛnɔ kɔ le Yeriko vɛ̃. Nɛ nde wa dɛ̃ mbula ni gɔ. Wa zũ mbe mɛnɔ kɔ le, nɛ wa usu ma do mɔ wa.

Mbulanɔ 33:9

Wa bia zi kɔ̃a we dɛ 'da mɔ, nɛ ma nɛa ngɔ kɛ wa kɔ̃a do owele wa, do onya wa do obenɔ 'da wa ni. Wa dɛa zi ombulanɔ 'da mɔ, do wala olo nɛ ngboo.

Tɔlɔ Mɔ 14:6

Nɛ Yozue, be 'da Nunɛ, do Kalɛbɛ, be 'da Yɛfune, owinɔ bɔa kɔ wanɔ wa yɛnggɛ zi we zɔ nùi ni, wa ɛ̃a tulu tɛ wa do 'bako,

Tɔlɔ Mɔ 5:18

Nɛ a fo sɛ kitambala zu wuke, nɛ a a fũi dɛ kɔ̃ wuke na, a dɔnggɔ do mi Gale. Dɔnggamɛ ni, ma we duzu bɔnɛ 'da wili a. Nganga do tɛ̃ a, a 'be sɛ kpana kɛ lì fɔmbɔ do wi kɔ nɛ ni dɛ kɔ a.

Kulu Tɔa 33:5

We kɛ NWA Gale ba zi nu a hã Mɔizɛ na: “Mɔ nɛ́, kɔ mɔ tɔ̃ hã obe Israɛlɛ na, wa vɛ̃ wa a owi nga zu. Kɔ fala kɛ mi yamba we kã nɛ be sĩ, nɛ ma fa sɛ na, mi kumu nɛ do'do. Nɛ tɛ hè'dè omɔ 'dafa tɛ winɔ 'da nɛ gɔ. Nɛ dɛ ni, nɛ mi fa sɛ zu mi ngɔ mɛ kɛ mi wia we dɛ do nɛ ni.”

Kulu Tɔa 6:23

Aroni ba Eliseba, boko nya Nasoni, be 'da Aminadabɛ, nɛ wa ko do a obulu be nalɛ: Nadabɛ, Abihu, Elazarɛ do Itamarɛ.

Tɔlɔ Mɔ 20:25

Mɔ Mɔizɛ, mɔ kṹ do Aroni do be 'da a Elazarɛ dɛ zu kala Hɔrɛ nga.