Levitɛnɔ 10:3 - WE NU GALE 1995

³ Nɛ Mɔizɛ tɔ̃ hã Aroni na: “Ma dɛa ngboo nɛ́ kɛ NWA mbisa zi mɔ ni. Mba gɔ a tɔ̃a zi na, ɛ kɔa na, winɔ wa kɔlɔ do ɛ ni, wa dɔnggɔ ɛ, kɛ ɛ santo ni, nɛ wa hã dɔ̃lɔ̃ li hã ɛ dɛ li owinɔ vɛ̃.” Aroni zila ní, nɛ ma kolo a, nɛ a wèlè we gɔ.

Levitɛnɔ 10:3 Iomraidhean Croise

Ndo Nyanga Dɛ Mɔ 18:25

Ɔ̃ ɔ̃, mɔ wè tɛ gbɛ owi bɔlɔ zu fala nɛ kpo do owi dɛ 'dã mɔ gɔ. We kɛ mɔ dɛ ni, nɛ ma ɔ sɛ nɛ kɛ de wi do 'dã wi wa wia kɔ̃ li mɔ iko ni. Mɔ, kɛ mɔ a wi gɔnɔ we 'da owinɔ nyanga nza gɛ vɛ̃ ni, ma wè na, mɔ gɔnɔ we do bɔlɔ nɛ gɔ nde?”

YƆBƆ 2:10

Nɛ Yɔbɔ gese hã a na: “Kɛ mɔ tɔ̃ gɛ, ma do gulu nɛ bina. 'Da fala kɛ Gale tombo dia mɔ hã lɛ, nɛ lɛ kɔ̃ gɛnɛ nɛ dɔ̃. Kɔ gulu kɛ lɛ wè mɛ 'bɔ we kɔ̃ gɛnɛ ngamɛ kɛ a tombo hã lɛ ni gɔ, we ge nde?” Nɛ tɛ kɔ mbé ngamɛ kɛ Yɔbɔ kpa ni, a tɔ̃̀ 'dã zu li Gale gɔ.

Zumanɔ 119:120

Mi tana kili dati mɔ, nɛ kili 'bili wenɔ 'da mɔ ba mi wena.

Zumanɔ 148:14

Obe Israɛlɛ wa ngɔ sila a, a gisa ngawi 'da wa dɛ olo nɛ, nɛ wa dɔnggɔ a we duzu ma. Aleluya, lɛ dɔnggɔ NWA!

Zumanɔ 39:10

Mi kpia nu mi, mi wélé 'bɔ we gɔ, we kɛ wi a mɔ a mɔ zɛlɛ tɛ mi.

Zumanɔ 39:9

Mɔ kpásá mi kɔ 'dã mɛnɔ mi dɛa ni vɛ̃, mɔ tɛ là yɔndɔ winɔ hã wa mɔmɔ mi gɔ.

Zumanɔ 46:10

A amba bolo ngɔ nù gɛ vɛ̃, nɛ ma Sɔkpɔ. A gbini sanga onzabelenɔ, do osɛlɛ bolonɔ, nɛ a da ongelenɔ li we.

Zumanɔ 89:7

Aa NWA, fo wi we kɔ̃ do mɔ tɛ li nza i bina. Sanga ogalenɔ nyanga nza gɛ vɛ̃, wele kpo wè kɔ̃ do mɔ gɔ.

Zumanɔ 93:5

Aa NWA, mɔ ia mbulanɔ 'da mɔ do wala olo nɛ ngboo, Tɛmpɛloe 'da mɔ a tɔa santo kɔ sabɛlɛ do sabɛlɛ.

Kulu Tɔa 14:17

Nɛ mi dɛ sɛ na, Oezipeto wa dɛ nga zu. Nɛ wa le sɛ 'do nɛ tɛ olo wakala lì. 'Da fala ni, nɛ mi bi sɛ do wa, nɛ mi nɛ sɛ ngɔ nwa ngɔ nù Ezipeto, do osodanɔ, do ongilingilinɔ, do owi kũ ngɔ mbalatanɔ 'da a. Na mɛ ni, nɛ li mi ma dɔ̃lɔ̃ sɛ dɛ dati,

Kulu Tɔa 14:4

Nɛ mi NWA Gale, mi dɛ sɛ na, a dɛ nga zu, hã a ndaka 'do nɛ. Nɛ mi bi sɛ do a do osodanɔ 'da a, nɛ mi nɛ sɛ ngɔ wa, takɔ ma hã dɔ̃lɔ̃ li hã mi, sɛ a Oezipeto wa ĩ na, mi a NWA de.” Nɛ obe Israɛlɛ wa dɛa nɛ́ kɛ NWA tɔ̃a hã wa ni.

Kulu Tɔa 19:22

Gɛnɛ ko onganganɔ, kɛ wa wia we tɛ we kɔlɔ do mi ni, ma wia na, wa fɔlɔ tɛ wa, hã wa hɔ sa wi li mi Gale, Kɔ wa dɛ̀ ni gɔ, nɛ mi hã sɛ etumbu hã wa.”

Kulu Tɔa 19:24

Nɛ NWA ba nu ɛ hã Mɔizɛ na: “Mɔ zĩ́lĩ́ fala ɔi 'di, hã mɔ kpa Aroni tɛ do a. Nɛ nde onganganɔ do owinɔ wa tɛ wɛ̀lɛ̀ tɛ wa we kũ dɛ 'da mi nga gɔ. Wa dɛ ni, nɛ mi hã sɛ etumbu hã wa.”

Kulu Tɔa 30:30

Mɔ a sɛ 'bɔ kpo nɔ santoe ni zu Aroni do obulu benɔ 'da a, nɛ mɔ e wa na, wa dɛ to nganga hã mi.

Ezai 39:8

Nwa Ezekiasi zila ni, nɛ nde a ĩ̀ ti gulu nɛ gɔ, nɛ a lengge na, kɔ dungu nza 'dɛ ɛ, lo sɛ do dia dungu, do dungu fio boe. Nɛ a gisa hã Ezai na: “Toe kɛ nwa tumba do mɔ hã mi gɛ, ma a dia.”

Ezai 49:3

A tɔ̃a hã mi na: ‘Aa mɔ, Israɛlɛ, mɔ a wi dɛa toe 'da mi, Mba gɔ, ogele winɔ wa zɔ sɛ mɛnɔ kɛ mɔ dɛ ma ni, nɛ wa dɔnggɔ dɔ̃lɔ̃ li 'da mi.’ ”

Ezai 52:11

Aa nɛ, owinɔ kɛ nɛ ba tole mɛnɔ kɛ wa dɛ do to hã NWA kɔ Tɛmpɛlo 'da a ni, nɛ kúlú ngɔ kɔ le Babilɔnɛ hã nɛ si. Hã fala kɛ nɛ kulu ngɔ we si ma nde, nɛ nɛ tɛ 'bè tɛ mɔ kpo, kɛ mɛ a mɔ ndi li NWA Gale ni gɔ. Nɛ fá na, nɛ 'báná sa li a.

EZEKIƐLƐ 20:41

'Do kɛ mi kala sɛ nɛ sanga owinɔ ngɔ nùnɔ kɛ nɛ pɛsɛ zi dɛ se'de ni, nɛ mi ngɛmɛ li nɛ ni, nɛ mi kɔ̃ sɛ gɛnɛ dɔnggamɛnɔ 'da nɛ, nɛ fala tɛ nɛ ma unu sɛ mi de wena. Nɛ ogele winɔ wa zɔ sɛ ní, nɛ wa ĩ na, mi a NWA Gale kɛ mi santo.

EZEKIƐLƐ 38:16

Mɔ tɛ sɛ we bi winɔ 'da mi, Oisraɛlɛ, nɛ nɛ kpe sɛ ngɔ nùi 'da mi ɔ nɛ gba kutu ni. Ma dɛ̃ sɛ tɛ̃ ɛ dɔ̃ gɛ gɔ, nɛ nde ngba soe ni ma we, nɛ mi tombo sɛ mɔ we bi winɔ 'da mi. Mi dɛ sɛ na mɛ ni, we be hã ogele winɔ na, mi a Gale santo. Nɛ mi be sɛ ma hã wa ní do wala 'da mɔ.

EZEKIƐLƐ 40:46

Nɛ gã 'bili tɔa kɛ ma siki li ɛ si gbãlã ngɔ ni, mɛ a kɛ wa ia ma hã onganganɔ wa dɛ toe tɛ fala gbagala dɔ do sa'denɔ ni. Onganganɔ ni vɛ̃ wa a obe zã Sadɔkɛ. Nɛ kɔ nu kpala Levi, tati a obe zã Sadɔkɛ hã wa wia we kɔlɔ do NWA we dɛ to hã a.

EZEKIƐLƐ 42:13

Nɛ wi ni tɔ̃a hã mi na: “Tɔanɔ si gbãlã ngɔ do kɛ si ba gɔtɔ, nɛ ma siki li ɛ dɛ li fanda Tɛmpɛloe ni, mɛ a otɔa kɛ ma santo. Onganganɔ kɛ wa wia we le tɛ fala dɔnggɔ do nwa ni, wa nyɔngɔ dɔnggamɛnɔ kɛ ma santo wena ni dɛ di ni. Mba gɔ, wa ia tɔanɔ ni hã NWA, nɛ wa a dɔnggamɛnɔ kɛ ma santo wena ni dɛ di ni. Mɛ a mɛnɔ kɛ wa 'dɔlɔ hã NWA, do sa'denɔ kpi do kpi kɛ wa gbɛ wa hã Gale, takɔ a fo ku'da 'dã mɔ zu owinɔ ni.

Levitɛnɔ 21:17

a é mbulanɔ gɛ hã Aroni na: “Fala kɛ mbe kpo kɔ obe zã mɔ a ɔ wi kunda, nɛ ma wè na, a kɔlɔ do gbagala we hã nyɔngɔmɔ hã mi gɔ. Nɛ mbula ni sɛ we obe zã mɔ vɛ̃ kɔ sabɛlɛnɔ vɛ̃.

Levitɛnɔ 21:21

Be zã mɔ kɛ a do kunda tɛ̃ a ni, a wè tɛ kɔlɔ do gbagala we hã nyɔngɔmɔ hã mi gɔ. Nɛ a wè tɛ dɛ to nganga gɔ, we kunda tɛ̃ a ni.

Levitɛnɔ 21:6

Ma wia na, onganganɔ wa hã tɛ wa we dɛ toe 'da mi, nɛ wa tɛ 'dàngà zu li mi gɔ. Mba gɔ, toe 'da wa mɛ a hã odɔnggamɛnɔ kɛ mɛ a nyɔngɔmɛ 'da mi ni hã mi, NWA Gale 'da wa. Ma kɛ ma wia na, wa ɔ santo ngboo.

Levitɛnɔ 21:8

Ma wia na, nɛ dĩlĩ fala tɛ nganga, nɛ nɛ zɔ a na, a santo. Mba gɔ, fala kɛ nɛ tɛ do nyɔngɔmɔ, nɛ wi hã ma hã mi Gale 'da nɛ, wi a a. Mi a Gale kɛ mi santo, nɛ mi saka nɛ obe Israɛlɛ na, nɛ ɔ owinɔ 'da mi kɛ nɛ santo.

Levitɛnɔ 22:9

“Onganganɔ vɛ̃ wa dɛ sɛ mbulanɔ vɛ̃ kɛ mi hã ma gɛ. Ní gɔ, nɛ wa te sɛ do ngbangga, nɛ mi gbɛ sɛ wa, we kɛ wa faka dɔnggamɛnɔ 'da mi. Mi a NWA, nɛ mi ia wa na, wa dɛ to hã mi.

Levitɛnɔ 8:35

Nɛ 'báná dɛ nu tɔa Tande gɛ gba wese do tũ, gbaa 'do tũ sambo. Nɛ nɛ dɛ́ ombulanɔ 'da NWA. Ní gɔ, nɛ nɛ fe sɛ. Ki ni a ombulanɔ kɛ mi kpa ma kɔ Gale gɛ a ni.”

Tɔlɔ Mɔ 16:5

'Do nɛ, nɛ a tɔ̃ hã Kore do owinɔ 'da a na: “Bindɛ do titole, nɛ NWA a dɛ sɛ na, lɛ ĩ ti wi kɛ a a mɔ́ a ni. A be sɛ wele kɛ a saka a na, a kɔlɔ do ɛ ni. Nɛ a hã sɛ wala hã wi ni na, a tɛ dati ɛ.

Tɔlɔ Mɔ 20:12

Nɛ NWA tɔ̃ hã Mɔizɛ do Aroni na: “Ɔ nɛ kɛ nɛ gbìnì zã nɛ do mi gɔ, nɛ nɛ bà wala hã mi na, mi be ngawi santo 'da mi hã obe Israɛlɛ gɔ ni, nɛ kã sɛ 'bɔ wa dɛ ngɔ nùi kɛ mi kpua mbulu hã ma hã wa ni gɔ.”

MATIE 10:37

“Wi kɛ a kɔ̃ gɛnɛ baa a, tabi naa a nɛ ngɔ mi, nɛ nde a wè wi 'da mi gɔ. Wi kɛ a kɔ̃ gɛnɛ bulu be 'da a, tabi boko be 'da a nɛ ngɔ mi, nɛ nde a wè wi 'da mi gɔ.

YOANƐ 12:28

Baa mi, mɔ bé dɔ̃lɔ̃ li 'da mɔ hã winɔ!” Kɔ a nɛa we tɔ̃ ní, nɛ wala gɛlɛ wele wila li nza i na: “Mi bia zi dɔ̃lɔ̃ li 'da mi hã winɔ ia, nɛ mi be sɛ 'bɔ ma mbé nɛ.”

YOANƐ 14:13

Mɛnɔ vɛ̃ nɛ aka Baa mi we nɛ do zu li mi ni, mi dɛ sɛ ma, takɔ Baa mi kpa dɔ̃lɔ̃ li do wala 'da mi.

Mbulanɔ 32:51

We kɛ nɛ bɔa nɛ, nɛ dɛa zi 'dã mɔ dɛ 'da mi dɛ li obe Israɛlɛ vɛ̃. Mba gɔ, 'da fala nɛ hɔa zi tɛ lì Mɛriba, dɔ̃ɔ do le Kadɛsɛ, tɛ li gba zɔ̃ Tisinɛ ni, nɛ nɛ gbìnì zi zã nɛ do mi gɔ. Nɛ nɛ bà wala hã mi na, mi be ngawi 'da mi kɛ ma santo ni hã obe Israɛlɛ gɔ.

2 TƐSALONIKƐ 1:10

Mɛnɔ ni ma dɛ sɛ tɛ ɛ do kpo soe kɛ Yezu a tɛ sɛ nɛ, takɔ winɔ 'da a wa dɔnggɔ a, nɛ wanɔ vɛ kɛ wa kɔ̃a zu li a ni, wa ɔngbɔ a ni. Nɛ nɛ sɛ fala nɛ kpo do owi kɔ̃a wenɔ ni, we kɛ nɛ kɔ̃a gɛnɛ Dia Sakoe lɛ bia zi hã nɛ ni.

1 PETRO 4:17

Ngba soe kɛ Gale nɛ 'bili do we 'da winɔ ni ma wia ia. Nɛ nde a ndo sɛ 'bili we do ngɔ owinɔ 'da a. Kɔ fala kɛ a ndo 'bili we 'da a do ngɔ lɛ winɔ 'da a, kɔ ma hɔ ngɔ winɔ kɛ wa bɛa gɛnɛ Dia Sakoe 'da a ni, nɛ ma sɔkpɔ sɛ do wa nɛ nde?

1 SAMUƐLƐ 2:30

Kɔ ɔ nɛ kɛ mɔ dɛa ni ni, mɔ zélé we mi NWA Gale 'da nɛ obe Israɛlɛ, mi tɔ̃ hã mɔ gɛ: Mi tɔ̃a zi hã nu fɛlɛ kula 'da mɔ na, wa sɛ fai a onganganɔ 'da mi. Kɔ da dɔ̃ ni, mi tɔ̃ na, ma sɛ 'bɔ ni gɔ. Tua kɛ mi dɔnggɔ owanɔ kɛ wa dɔnggɔ mi ni, nɛ owanɔ wa zɔ mi yala ni, mi zɔ tɛ mɛ 'bɔ wa yala.

1 SAMUƐLƐ 3:18

Samuɛlɛ nɛa we zele ni, nɛ a bia gulu wenɔ vɛ̃ kɛ Gale tɔ̃a ni hã Heli. A ùsù we kpo gɔ. Heli zila do'do, nɛ a tɔ̃ na: “A a NWA. E kɔ a dɛ ɔ nɛ kɛ ma dia tɛ̃ a ni.”

1 SAMUƐLƐ 6:20

Owi Bɛtɛ-Semɛsi wa nɛa we zɔ na, winɔ 'da wa wa fe wena ni, nɛ wa na: “Wele wè tɛ yolo dati nwa, nɛ a 'bana do tunu li a gɔ. A a Gale santo. Fala ngboo lɛ nɛ e do Sanduku Gba Tɔkɛ gɛ, takɔ ma nyɛlɛ do lɛ, ma ni do nde?”