Levitɛnɔ 10:2 - WE NU GALE 1995

² Nɛ we ma yolo kɔ tɔa Tande 'da NWA i, nɛ ma hɔ, nɛ ma bɛlɛ wa bɔa nɛ, nɛ wa fe dɛ dati NWA ni.

Levitɛnɔ 10:2 Iomraidhean Croise

2 SAMUƐLƐ 6:7

Nɛ zã nwa nɔ̃lɔ̃ dɛ tɛ̃ a, nɛ a gbɛ a dɛ di ni do ti, we kɛ a 'bia tɛ Sanduku Gba Tɔkɛ, kɛ tati nɛ a olevitɛnɔ hã wa wia zi we 'be tɛ nɛ ni. Nɛ Uza fia dɛ kɛ zã Sanduki ni.

1 Onwanɔ 13:28

nɛ a kpa wɔlɔ ngba a dɛ li wala ni, fala nɛ kpo do punda, do gbɔgbɛ dɛ kɛ zã nɛ ni. Nɛ nde gbɔgbɛ nyɔ̀ngɔ̀ wɔlɛ gɔ, nɛ a bà 'bɔ punda gɔ.

1 Onwanɔ 18:38

Nɛ NWA dɛa na we yolo li nza i, nɛ ma zĩlĩ, nɛ ma bɛlɛ dɔnggamɛ, do guanɔ, do tanɔ, do nùi ti nɛ ni, nɛ ma ɔ̃sɔ̃ lì kɔ kɔ̃ɛ vɛ̃.

2 Onwanɔ 1:10

Nɛ Elia gese hã a na: “Nɛ́ kɛ mi a wi gba olo nu Gale ni, ma wia na, nyɛa we yolo li nza i, hã ma zĩlĩ, hã ma bɛlɛ mɔ do osodanɔ 'da mɔ 'bu wa mɔlɔ gɛ, hã nɛ kumu!” Nɛ nyɛa we yolo li nza i do ti, nɛ ma zĩlĩ, nɛ ma bɛlɛ wi ngɔ sodanɔ, do osodanɔ 'da a 'bu wa mɔlɛ ni.

2 Onwanɔ 1:12

Nɛ Elia gese na: “Nɛ́ kɛ mi a wi gba olo nu Gale ni, ma wia na, nyɛa we yolo li nza i, hã ma zĩlĩ, hã ma bɛlɛ mɔ do osodanɔ 'da mɔ 'bu wa mɔlɔ gɛ, hã nɛ kumu!” Nɛ yolo tɛ li nza i, nɛ Gale tumba nyɛa we do ti, nɛ ma zĩlĩ, nɛ ma bɛlɛ wi ngɔ sodanɔ, do sodanɔ 'da a 'bu wa mɔlɛ ni.

1 Sakonɔ 13:10

Nɛ zã NWA nɔ̃lɔ̃ dɛ tɛ̃ a, nɛ a gbɛ a dɛ di ni do ti, we kɛ a lingga we 'be tɛ Sanduku Gba Tɔkɛ ni. Nɛ Uza fia dɛ gbali NWA ni.

1 Sakonɔ 15:13

Kuti kɛ lɛ ba zi ma dati ni, fo zi nɛ bina, nɛ we duzu ki ni, NWA Gale 'da lɛ a hã etumbu hã lɛ, we kɛ lɛ dɛ̀ nɛ kɛ a kɔ̃a ni gɔ.”

1 Sakonɔ 24:2

Nadabɛ do Abihu wa fia zi dati hã baa wa. Wa fia, nɛ nde wa kò obe zã wa gɔ. Nɛ owinɔ wa dɛa to nganga tati a Elazarɛ do Itamarɛ.

YƆBƆ 1:16

Kɔ wi toe ni 'bana tɔ̃ tɔ̃a iko, nɛ mbé nɛ le 'bɔ, nɛ a na: “Kolo ua dã li nza i, nɛ ma kala obatanɔ 'da mɔ, do Owi zɔ mɔ tɛ wa, nɛ ma ngutu wa vɛ̃. Nɛ mi zu mi kpo a mi kpasa, hã mi tɛa we tɔ̃ 'da nɛ hã mɔ.”

Zumanɔ 50:3

Gale 'da lɛ tɛ tɛ nɛ, a tɛ́ do tũ nu a gɔ. Gba nyɛa we bɛlɛ mɔ dati a la la la, nɛ gba bũ kamba tɛ fi kɛ zã a vioo.

Kulu Tɔa 24:1

NWA tɔ́a hã Mɔizɛ na: “Mɔ sá mɔ hã Aroni, do Nadabɛ, do Abihu, do okumu 'bu wa sambo kɔ nu fɛlɛ obe Israɛlɛ, kɔ nɛ kũ do wa ngɔ kala nga. Fala kɛ nɛ hɔ nga, nɛ nɛ 'bana sɛ nyɛlɛ do mi bi sĩ, nɛ nɛ bili zu nɛ gbaa nɛ ma to nù.

Ezai 30:33

Wa 'dafa zi fala we dɔ do nwa ngɔ nù Asiri belee ia. Fala ni, wa zã ma korr gã wena, nɛ ma 'du wena. Wa a ogua kɔ nɛ dɛlɛ wena, nɛ wa fi sɛ we tɛ nɛ we dɔ do a. NWA a fi sɛ gba bũ, nɛ ma ufu we ni, nɛ ma nyɛ vɛ vɛ vɛ.

Levitɛnɔ 10:5

Wa zila nu Mɔizɛ, nɛ wa dɛ olo nu a. Nɛ wa 'be wa do vungbu tulunɔ tɛ wa ni, nɛ wa kala wa hɔa do wa dɛ 'do ngbo ɔi i.

Levitɛnɔ 16:1

'Do kɛ ozagbãlã benɔ 'da Aroni bɔa, wa dɔa zi fũ yɔmbɔ kɛ ma santo gɔ ni hã NWA, nɛ wa fia ni, nɛ NWA tɔ̃ hã Mɔizɛ na:

Levitɛnɔ 9:24

Nyɛa we ma hɔa, nɛ ma bɛlɛ odɔnggamɛnɔ ngɔ gbagala, do kɛndɔnɔ, do gele dɔnggamɛnɔ ngɔ nɛ ni. Nɛ obe Israɛlɛ vɛ̃ wa zɔa ma, nɛ wa zɛ kaliã, nɛ wa bili gbaa, nɛ zu wa to nù.

Tɔlɔ Mɔ 16:35

'Do nɛ, nɛ NWA tumba nyɛa we, nɛ ma bɛlɛ owinɔ 250 kɛ wa dɔa zi fũ yɔmbɛ ni.

Tɔlɔ Mɔ 26:61

Nɛ nde Nadabɛ do Abihu, wa fia zi, we kɛ wa hã zi yɔmbɔ kɛ ma santo gɔ ni do dɔnggɔmɔ hã NWA.

Owi Nɛ Tonɔ 5:10

We ni 'bana dɛ nu a ni iko, nɛ wuke te kpingbi, nɛ a fe dɛ dati a ni. Nɛ ozagbãlãnɔ ni wa le dɛ tɔa i, nɛ nde a fia ia. Nɛ wa ba a, nɛ wa la do a, nɛ wa mi a dɛ kɛ zã wili a ni.

Owi Nɛ Tonɔ 5:5

Kɔ Ananiasi nɛa we zele wenɔ ni, nɛ a te kpingbi, nɛ a fe. Nɛ winɔ vɛ̃ kɛ wa zila we nɛ ni, kili ba wa nɛ ge nde ni.

1 KORINTƐ 10:11

Mɛnɔ ni ma dɛa zi oyaa lɛ, takɔ ma sɔ̃ li lɛ. Nɛ wa kɔma ma kɔ 'buku we gba ta zu lɛ, kɛ lɛ kɔla hɔ ndɔti nùi ia ni.

1 SAMUƐLƐ 6:19

Nɛ nde do 'da fala ni, nɛ nwa hã etumbu hã owinɔ kɔ le Bɛtɛ-Semɛsi, we kɛ wa zɔa Sanduku Gba Tɔkɛ ni. A gbɛa Owi wili 'bu wa sambo kɔ owinɔ ni. Owanɔ kɛ wa fè gɔɛ ni, wa nɛa we zɔ ni, nɛ wa dungu gɛla, we kɛ nwa hã etumbu hã wa nganda wena.