Levitɛnɔ 10:1 - WE NU GALE 1995

¹ Mbe tũ kpo, nɛ mbe obenɔ 'da Aroni bɔa, Nadabɛ do Abihu, wa ba mɔ u do we 'da wa, nɛ wa a kalĩ we kɔ nɛ, nɛ wa a fũ yɔmbɔ ngɔ nɛ, nɛ ma unu, nɛ wa dɔnggɔ ma do NWA. Nɛ nde we ni ma zi santo gɔ, we kɛ NWA bà zi nu a hã wa na, wa dɔnggɔ do ɛ gɔ.

Levitɛnɔ 10:1 Iomraidhean Croise

1 Onwanɔ 18:38

Nɛ NWA dɛa na we yolo li nza i, nɛ ma zĩlĩ, nɛ ma bɛlɛ dɔnggamɛ, do guanɔ, do tanɔ, do nùi ti nɛ ni, nɛ ma ɔ̃sɔ̃ lì kɔ kɔ̃ɛ vɛ̃.

Zumanɔ 141:2

E kɔ sambala 'da mi nɛ ndirr dɛ 'da mɔ i, ɔ nɛ zɛ̃ we yɔmbɛ kɛ wa dɔ hã mɔ ni. E kɔ do gɛ̃a wese, fala mi kala kɔ̃ mi dɛ ngɔ we sambala mɔ ni, nɛ mɔ zɔ ma li mɔ nɛ́ dɔnggamɔ ni.

Kulu Tɔa 24:1

NWA tɔ́a hã Mɔizɛ na: “Mɔ sá mɔ hã Aroni, do Nadabɛ, do Abihu, do okumu 'bu wa sambo kɔ nu fɛlɛ obe Israɛlɛ, kɔ nɛ kũ do wa ngɔ kala nga. Fala kɛ nɛ hɔ nga, nɛ nɛ 'bana sɛ nyɛlɛ do mi bi sĩ, nɛ nɛ bili zu nɛ gbaa nɛ ma to nù.

Kulu Tɔa 24:9

'Do nɛ, nɛ Mɔizɛ kũ dɛ ngɔ kala 'di fala nɛ kpo do Aroni, Nadabɛ, Abihu do okumunɔ 'bu wa sambo kɔ nu fɛlɛ obe Israɛlɛ ni.

Kulu Tɔa 27:3

Wa dɛ sɛ omɔ kpi do kpi do tũ mɔ bolo: omɔ so do bũ, opau, obakulu kpɔ do tɔkɔ, okanya dumu do sa'de, do omɔ u do we.

Kulu Tɔa 28:1

“Mɔizɛ, mɔ sá mɔ hã nya mɔ Aroni do obulu benɔ 'da a: Nadabɛ, Abihu, Elazarɛ do Itamarɛ, nɛ mɔ fo wa kɔ tala obe Israɛlɛ do'do, nɛ mɔ e wa na, wa dɛ to nganga hã mi.

Kulu Tɔa 31:11

do nɔ yɔmbɔ santoe, kɛ wa a zu onganganɔ, nɛ wa kɔ tɛ omɛnɔ we e ma hã mi ni. Nɛ wa to 'bɔ fũ yɔmbɛ kɛ ma santoe ni na, wa dɔ ma do kɔ tɔa Tande 'di. Owi dɛ si'bili to kɔ winɔ, wa dɛ sɛ mɛnɔ ni vɛ̃ do tɛlɛ tɛ kɛ mi tɔ̃a hã mɔ ni.”

Kulu Tɔa 37:29

Wi dɛ yɔmbɔ dɛa nɔ santoe, kɛ wa kɔ tɛ onganganɔ na wa dɛ to hã Gale ni, nɛ a dɛ 'bɔ fũ yɔmbɛ we dɔ ma ngɔ gbagala hã Gale ni.

Kulu Tɔa 38:3

Wa dɛa omɔ kpi do kpi do tũ mɔ bolo: omɔ so do bũ, opau, obakulu kpɔ do tɔkɔ, okanya dumu do sa'de, do omɔ u do we.

Kulu Tɔa 40:27

Nɛ wa dɔ fũ yɔmbɔ santoe dɛ ngɔ nɛ. Wa dɛa ɔ nɛ kɛ NWA tɔ̃a zi hã Mɔizɛ ni.

Kulu Tɔa 6:23

Aroni ba Eliseba, boko nya Nasoni, be 'da Aminadabɛ, nɛ wa ko do a obulu be nalɛ: Nadabɛ, Abihu, Elazarɛ do Itamarɛ.

Kulu Tɔa 8:27

NWA zila sambala 'da Mɔizɛ, nɛ a dɛ olo nu a. A gbɛa ozĩnɔ vɛ̃, nɛ mbé zĩ kpo 'bànà 'bɔ tɛ nwa ngɔ nù Ezipeto, do tɛ owi olo li a, do owinɔ ngɔ nùi 'da a gɔ.

Yeremi 19:5

Wa 'dafa fala dɛ di ni we dɔnggɔ do gale Bala. Nɛ wa dɔ 'bɔ obenɔ 'da wa do dɔnggamɔ hã a dɛ di ni. Ĩ na, mi bà zi nu mi hã wa ní fala kpo gɔ, nɛ mi lènggè zi 'bɔ mbe do mɔ ɔ ni fala kpo gɔ.

Yeremi 32:35

Wa dɛa 'bɔ ofala we dɔnggɔ do gale Bala tɛ kɔ gbangɔlɔ̃ Hinɔmɛ, takɔ wa gbɛ obenɔ 'da wa dɛ di ni, we dɔnggɔ do gale Mɔlɛkɛ. Ĩ na, mi bà zi nu mi hã wa ni fala kpo gɔ, nɛ mi lènggè zi mbe fala kpo na, wa dɛ̃ sɛ gã 'dã mɔ na mɛ gɛ, nɛ wa le kɔla ni gɔ.”

Yeremi 44:15

'Da fala mi tɔ̃a do wenɔ ni, nɛ nde ogba gili wele wa mba zi ngba wa. Wi zi a obe Yuda kɛ wa ɔ kɔ 'bili te nù Patrosi tɛ Ezipeto ni, fala nɛ kpo do owukonɔ 'da wa. Nɛ́ kɛ owi wilinɔ vɛ̃ wa ĩ na, owukonɔ 'da wa, wa dɔ fũ yɔmbɔ hã ogele galenɔ ni, nɛ wa gese hã mi na:

Yeremi 44:8

Gulu kɛ nɛ dɔnggɔ osɛa te, nɛ nɛ hã odɔnggamɔ hã ogele gale ngɔ nù Ezipeto, kɛ nɛ kulu dɛ ngɔ nɛ ni we ge nde? Nɛ ĩ̀ na, nɛ dɛ ní, nɛ ma nɔ̃lɔ̃ zã mi wena ni gɔ nde? Nɛ kɔ̃a na, li nɛ mbiti ngɔ nù gɛ, nɛ nɛ hɔ mɔ gbɔlɔ mɔmu li ogele winɔ, nɛ wa sa li nɛ kɔ fɔmba nde?

Yeremi 7:31

Wa 'dafa fala tɛ kɔ gbangɔlɔ̃ Hinɔmɛ, nɛ wa sa li nɛ na ‘Tɔfɛtɛ’. Wa 'dafa fala ni we dɔ do obulu benɔ, do oboko benɔ 'da wa do dɔnggamɔ. Ĩ na, mi bà zi mbe nu mi hã wa ni fala kpo gɔ, nɛ mi lènggè zi 'bɔ mbe do mɔ ɔ ni fala kpo gɔ.

Levitɛnɔ 16:1

'Do kɛ ozagbãlã benɔ 'da Aroni bɔa, wa dɔa zi fũ yɔmbɔ kɛ ma santo gɔ ni hã NWA, nɛ wa fia ni, nɛ NWA tɔ̃ hã Mɔizɛ na:

Levitɛnɔ 16:12

Nɛ a ba mɔ u do we, nɛ a u kalĩnɔ ngɔ gbagala dati tɔa Tande ni, nɛ ma dunu ma. Nɛ a so fũ yɔmbɔ kɔ̃ a bɔa, nɛ a la do ma vɛ̃ dɛ 'do ku'bi, tɛ Fala kɛ ma santo wena ni.

Levitɛnɔ 22:9

“Onganganɔ vɛ̃ wa dɛ sɛ mbulanɔ vɛ̃ kɛ mi hã ma gɛ. Ní gɔ, nɛ wa te sɛ do ngbangga, nɛ mi gbɛ sɛ wa, we kɛ wa faka dɔnggamɛnɔ 'da mi. Mi a NWA, nɛ mi ia wa na, wa dɛ to hã mi.

Levitɛnɔ 9:24

Nyɛa we ma hɔa, nɛ ma bɛlɛ odɔnggamɛnɔ ngɔ gbagala, do kɛndɔnɔ, do gele dɔnggamɛnɔ ngɔ nɛ ni. Nɛ obe Israɛlɛ vɛ̃ wa zɔa ma, nɛ wa zɛ kaliã, nɛ wa bili gbaa, nɛ zu wa to nù.

Tɔlɔ Mɔ 26:61

Nɛ nde Nadabɛ do Abihu, wa fia zi, we kɛ wa hã zi yɔmbɔ kɛ ma santo gɔ ni do dɔnggɔmɔ hã NWA.

Tɔlɔ Mɔ 4:18

“Nɛ zɔ́ mɔ tɛ obe zã Kehatɛ, da dɛ kɔ wa 'bé tɛ mɛnɔ kɛ ma santo ni,

Mbulanɔ 4:2

Nɛ tɛ è mbé mɔ ngɔ mbulanɔ kɛ mi bia ma hã nɛ do zu li NWA Gale 'da nɛ ni gɔ. Nɛ nɛ tɛ fò 'bɔ tɛ nɛ kpo gɔ, nɛ é ma vɛ̃ fala dɛa to.

OHEBRE 9:4

Nɛ mɛnɔ fala ni, mɛ a gbagala kɛ wa dɛa ma do mɔ mbali, nɛ wa dɔ yɔmbɔ hã Gale ngɔ nɛ ni, do sanduku gba tɔkɛ, kɛ 'do nɛ vɛ a mɔ mbali ni. Nɛ mɛ kɔ sanduki, mɛ a kpana mɔ mbali, nɛ dɛ kɔ kpana ni, mɛ a nyɔngɔmɛ kɛ li nɛ a mana ni. Nɛ mbe 'bɔ mɛ kɔ sanduki, mɛ a dɔndɔlɔ 'da Aroni, kɛ ma kunu zɛ́ mbé tɔlɔ nwá ni, do tanɔ kɛ Mɔizɛ kɔma zɛ́ mbula gba tɔkɛ ngɔ nɛ ni.