Levitɛnɔ 1:9 - WE NU GALE 1995

⁹ Nɛ wi ni a fɔlɔ sɛ kala zã sa'de ni mba do ogbɔgɔlɔ nyanga nɛ, nɛ mbe nganga kpo dɔ ma vɛ̃ dɛ ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 1:9 Iomraidhean Croise

Ndo Nyanga Dɛ Mɔ 8:21

Nɛ zɛ dɔnggamɛ ni unu NWA, nɛ ma de tɛ a wena, nɛ a tɔ̃ do kɔ sila a na: “Mi fɔmbɔ sɛ 'bɔ nùi we duzu 'dã dɛa mɛnɔ kɛ owinɔ wa dɛ ma ni gɔ. Gɛnɛ kɔ mi ĩ na, 'dã linggamɔ lia zi kɔ sila wele belee do be tɛ a, nɛ nde mi gbɛ sɛ 'bɔ Otunu li mɛnɔ ɔ nɛ kɛ mi dɛa gɛ gɔ.

1 Sakonɔ 6:34

Aroni do nu fɛlɛ kula 'da a zi a owi dɔ osa'de ngɔ gbagala, nɛ wa dɔ 'bɔ fũ yɔmbɔ ngɔ mbe gbagala we dɔnggɔ do NWA. Wa zi a wa dɛ tonɔ vɛ̃ tɛ fala kɛ ma santo wena ni. Nɛ wi 'bɔ a wa hã wa hã zi dɔnggamɛnɔ do zu li obe Israɛlɛ, takɔ NWA Gale fo ku'da 'dã mɛ zu wa. Wa dɛ zi kpasaa ɔ nɛ kɛ Mɔizɛ, wi dɛa toe 'da Gale ba zi do nu a ni.

2 Sakonɔ 4:6

Nɛ wa dula 'bɔ gã sani tũ mɔ bolo 'bu, nɛ wa kala gã sani mɔlɔ, nɛ wa a ma kɛ zã tɔa Tɛmpɛloe, si ngɔ ngawili kɔ̃, nɛ wa a tala nɛ mɔlɔ si ngɔ gale. Wa a zi lì kɔ nɛ we fɔlɔ do mɛnɔ, takɔ ma hɔ santo li Gale. Nɛ wa fɔlɔ zi mulu sa'denɔ kɛ wa nɛ dɔ we dɔnggɔ do Gale ni dɛ di ni. Nɛ onganganɔ wa fɔlɔ zi tɛ wa do lì kɔ gba sani, takɔ wa hɔ sa wi li Gale.

Zumanɔ 51:6

'Dã mɛ kɛ mi dɛa ni, mi dɛa ma dɛ tɛ mɔ zu mɔ kpo. Mba gɔ, mi dɛa mɔ kɛ ma dè li mɔ gɔ. Nɛ mɔ 'bili 'dã we hã mi, nɛ nde mɔ 'bili do bɔlɔ nɛ, nɛ fo sɛ wi kɔ'dɔ mɔ bina.

Zumanɔ 66:15

Mi saka sɛ owili bata, do ngɔmbɔ, do dua, nɛ mi hã sɛ wa do dɔnggamɔ hã mɔ. Mi dɔ sɛ wa ngɔ gbagala 'da mɔ, nɛ zɛ̃ we nɛ ma kũ sɛ gbaa 'da mɔ i.

Kulu Tɔa 12:9

Do tũi ni, wa nyɔngɔ sɛ gi sa'de tabi tɔlɔ sa'de gɔ. Wa nyɔngɔ sɛ tati a sa'de kɛ wa dɔa a nyɔɔ do kili nɛ vɛ̃ ni. Nɛ wa nyɔngɔ sɛ do zu nɛ, do nyanga nɛ, do kala zã nɛ vɛ̃.

Kulu Tɔa 29:18

Nɛ mɔ dɔ sɛ sa'de ni vɛ̃ we dɔnggɔ do mi Gale, nɛ zɛ̃ we nɛ ma unu sɛ mi, nɛ ma de tɛ mi.

Kulu Tɔa 29:25

'Do nɛ, nɛ mɔ kala odɔnggamɛnɔ ni kɔ̃ wa, nɛ mɔ dɔ ma dɛ ngɔ gbagala hã mi, nɛ zɛ̃ we nɛ ma unu sɛ mi, nɛ ma de tɛ mi.

Yeremi 4:14

Nɛ, owi kɔ le Yeruzalɛmɛ, nɛ kɔ̃ we kpasa ma, nɛ nɛ bɛ̃ gɛnɛ 'dã mɛnɔ 'da nɛ vɛ̃. Nɛ la sɛ fala lengge 'dã linggamɔ soe ki nge nde?

EZEKIƐLƐ 20:28

Mba gɔ, mi kã zi wa dɛ ngɔ nù kɛ mi kana tɛ mi we hã ma hã wa ni. Kɔ wa nɛa zi we zɔ zu kala do zu tenɔ kɛ ma 'bɔ wena ni, nɛ wa ma zi ngɔ hã dɔnggamɛnɔ 'da wa hã ogale bɛlɛnɔ dɛ di ni. Nɛ mi nɛa zi we zɔ dɔnggamɛnɔ kɛ wa dɔ, nɛ dɔ̃ɛ wa dɔnggɔ do ogale bɛlɛnɔ ni, nɛ ma hã nɔ̃lɔ̃ zã hã mi wena.

EZEKIƐLƐ 20:41

'Do kɛ mi kala sɛ nɛ sanga owinɔ ngɔ nùnɔ kɛ nɛ pɛsɛ zi dɛ se'de ni, nɛ mi ngɛmɛ li nɛ ni, nɛ mi kɔ̃ sɛ gɛnɛ dɔnggamɛnɔ 'da nɛ, nɛ fala tɛ nɛ ma unu sɛ mi de wena. Nɛ ogele winɔ wa zɔ sɛ ní, nɛ wa ĩ na, mi a NWA Gale kɛ mi santo.

EZEKIƐLƐ 40:38

Mbee gbangga nu tɔa ma hũi, nɛ ma kele nu gã 'bili kɔ tɔa kɛ si gbãlã ngɔ ni. Mɛ a fala wa fɔlɔ o'bili sa'denɔ kɛ wa gbɛ we dɔ do dɔnggamɛnɔ ni.

Levitɛnɔ 1:13

'Do nɛ, nɛ wi ni a fɔlɔ sɛ kala zã sa'de, do ogbɔgɔlɔ nyanga nɛ. Nɛ mbe nganga kpo, a be sɛ ma hã NWA, nɛ a dɔ ma vɛ̃ dɛ ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 1:17

'Do nɛ, nɛ a ɛ̃ sɛ sanga nɔɛ bɔa, nɛ a tata a, nɛ o'baka nɛ ma 'bana dɛ tɛ nɛ. Nɛ a dɔ sɛ ma vɛ̃ li we ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 2:16

Nɛ nganga, a so sɛ mbe zu fũi do nɔɛ, nɛ a mba do fũ yɔmbɛ vɛ̃, nɛ a dɔ ma hã NWA. Nɛ dɔnggamɛ ni, ma gba sɛ ta zu NWA ngɔ wi hã ma ni.

Levitɛnɔ 2:2

nɛ a tɛ do ma hã onganganɔ, kɛ wa a obe zã Aroni ni. Nɛ mbe nganga kpo, a so zu fũi kɛ wa zanga do nɔɛ ni, nɛ a so fũ yɔmbɛ vɛ̃, nɛ a dɔ ma dɛ ngɔ gbagala, nɛ ma sɛ a dɔnggamɔ kɛ ma gba ta zu NWA ngɔ wi hã ma ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 2:9

Nɛ a fo sɛ zu dɔnggamɛ ni, nɛ a dɔ ma ngɔ gbagala, nɛ ma sɛ a dɔnggamɔ kɛ ma gba ta zu NWA ngɔ wi hã ma ni. Nɛ zɛ̃ dɔnggamɛ ni, ma unu sɛ NWA, nɛ ma de tɛ̃ a.

Levitɛnɔ 3:11

Nɛ nganga a dɔ sɛ mɛnɔ ni vɛ̃ dɛ li we ngɔ gbagala ni. Mɛ sɛ a nyɔngɔmɔ kɛ wa dɔ hã NWA.

Levitɛnɔ 3:5

Nɛ onganganɔ wa dɔ sɛ mɛnɔ ni vɛ̃ dɛ ngɔ odɔnggamɛnɔ kɛ ma li we ngɔ gbagala ni. Nɛ zɛ̃ dɔnggamɛ ni ma unu sɛ NWA, nɛ ma de tɛ̃ a.

Levitɛnɔ 4:31

'Do nɛ, nɛ a fo sɛ okɛndɔnɔ tɛ sa'de ni, ɔ nɛ kɛ wa fo do okɛndɔnɔ tɛ sa'de dɔnggamɔ kɛ ma be dɛa na ni. Nɛ nganga a dɔ sɛ ma ngɔ gbagala, takɔ zɛ̃ nɛ ma unu NWA, nɛ ma de tɛ̃ a. Dɔnggamɛ ni, ma dɛ sɛ na, Gale fo ku'da 'dã mɛ zu wi ni.

Levitɛnɔ 6:14

Wa zanga sɛ fũi ni do nɔ, nɛ wa 'bo ma do mukate, nɛ wa hana ma ngɔ mbala mɔ bolo. 'Do nɛ, nɛ wa gbini sɛ sanga mukate ni dati kɛ na, wa dɔ ma hã NWA ni. Nɛ zɛ̃ nɛ ma unu sɛ NWA, nɛ ma de tɛ̃ a.

Levitɛnɔ 8:28

'Do nɛ, nɛ a kala dɔnggamɛnɔ ni kɔ̃ wa, nɛ a mba do dɔnggɔmɛ kɛ ngɔ gbagala ni, nɛ a dɔ ma vɛ̃. Tɛlɛ tɛ kɛ wa hã dɔnggamɛ we be na, onganganɔ wa ndua to nganga 'da wa ia gɛ a ni. Nɛ zi dɔnggamɛ ni, ma unu zi NWA, nɛ ma de tɛ̃ a.

Levitɛnɔ 9:14

A fɔlɔ kala zã sa'de ni, do ogbɔgɔlɔ nyanga nɛ, nɛ a mba do zu sa'de, do mulunɔ, nɛ a dɔ ma ngɔ gbagala.

ZAKARIA 13:7

NWA ngɔ mɔ nyanga nza vɛ̃ tɔ̃a na: “Aa du kɔya, mɔ sí ngɔ, nɛ mɔ gbɛ́ wi fɔmɔ batanɔ kɛ a dɛ toe do mi ni. Mɔ gbɛ́ a, nɛ obatanɔ wa pɛsɛ sɛ ndɛ̃ ndɛ̃. “Mi NWA, mi bi sɛ owinɔ 'da mi,

Tɔlɔ Mɔ 15:3

nɛ nɛ dɔ sɛ sa'de we dɔnggɔ do mi. Nɛ dɛ sɛ na mɛ gɛ: Nɛ gbɛ sɛ sa'de hã mi we be dɛa na, tabi we kɛ nɛ kɔa we dɛ olo mbulu, tabi nɛ gbɛ do kɔ sila nɛ iko, tabi 'bɔ we dɔnggɔ mi do 'da fala ɛngganɔ. Nɛ osa'denɔ kɛ nɛ saka sɛ wa we dɔnggɔ do mi ni a: ngɔmbɔ kpo, bata kpo, naa dua kpo, tabi wili nɛ kpo. Nɛ zɛ̃ we nɛ ma unu sɛ mi, nɛ ma de tɛ mi.

Tɔlɔ Mɔ 28:11

“Do kuti kɔ̃ tũ zɛkɛ kpo kpo, nɛ nɛ dɔ sɛ wili ngɔmbɔ bɔa, wili bata kpo do obe bata sambo kɛ wa do sabɛlɛ kpo, we dɔnggɔ do mi NWA. Nɛ sa'denɔ ni vɛ̃ wa tɛ ɔ̀ do kunda tɛ wa gɔ.

Tɔlɔ Mɔ 28:7

Nɛ dɛ ngɔ bata wele kɛ nɛ dɔ sɛ a do titole ni, nɛ tɛ sɛ do dɔ́ litrɛ kpo do dɔ nɛ, nɛ nɛ tɛnɛ ma dɛ ngɔ gbagala we dɔnggɔ do mi NWA.

Tɔlɔ Mɔ 28:8

Nɛ dɔ sɛ bata wele kɛ bɔa do gɛ̃a wese, nɛ nɛ mba sɛ 'bɔ do fũi do dɔ̃ɛ we dɔnggɔ do mi, ɔ nɛ kpo kɛ do titole ni. Nɛ dɔ sɛ sa'denɔ, nɛ zɛ̃ we nɛ ma unu sɛ mi, nɛ ma dɛ yangga tɛ mi.

2 KORINTƐ 2:15

Nɛ lɛ tɛ mɛ 'bɔ, lɛ ɔ nɛ dia yɔmbɔ, kɛ Kristo hã ma hã Gale ni. Nɛ fala tɛ yɔmbɛ ni unu sanga owinɔ wa ngɔ wala kpasi, do wanɔ wa ngɔ wala fio ni.

EFƐZƐ 5:2

Nɛ kɔ̃́ gɛnɛ ngba nɛ ɔ nɛ kɛ Kristo kɔ̃a zi do gɛnɛ lɛ, nɛ a hã zi tɛ́ a vɛ we duzu lɛ ni. A hã zi kili tɛ a hã Gale ɔ nɛ dɔnggamɔ kɛ ma unu de wena, nɛ ma hã yangga hã Gale ni.

Mbulanɔ 12:27

Fala kɛ nɛ tɛ do osa'de we dɔ we dɔnggɔ do NWA Gale 'da nɛ, nɛ nɛ dɔ mulu nɛ do tɔkɔ nɛ vɛ̃ dɛ ngɔ gbagala 'da a. Fala kɛ mɛ a dɔnggamɔ kɛ ma be dɛa na, nɛ nɛ a sɛ tɔkɔ nɛ dɛ ngɔ gbagala 'da NWA, nɛ nɛ wia sɛ we nyɔngɔ mulu nɛ.

FILIPƐ 4:18

Mi kpa mɛnɔ vɛ̃ kɛ nɛ tumba ma hã mi do Epafroditɛ ni, nɛ ma la li ngele do'do, kɔ mi zɔ̀lɔ̀ 'bɔ mɔ kpo gɔ. Mɛnɔ kɛ nɛ tumba hã mi ni, ma ɔ nɛ dia unu nɔ yɔmbɔ, kɛ nɛ hã ma hã Gale ni. Gale kɔ̃a gɛnɛ dɔnggamɛ 'da nɛ, nɛ ma dia tɛ̃ a.