Levitɛnɔ 1:5 - WE NU GALE 1995

⁵ 'Do nɛ, nɛ a 'bili sɛ gɛlɛ wili ngɔmbɛ ni dɛ di ni. Nɛ onganganɔ, kɛ wa a obe zã Aroni ni, wa kpɔ sɛ tɔkɔ nɛ, nɛ wa be ma hã NWA. 'Do nɛ, nɛ wa kpã tɔkɛ ni tɛ 'bolo zã gbagala kɛ wa dɛa ma tɛ kpongbo nu tɔa Tande we do do sa'de hã NWA ni.

Levitɛnɔ 1:5 Iomraidhean Croise

2 Sakonɔ 35:11

Nɛ owinɔ wa ma ngɔ 'bili gɛlɛ osa'denɔ, nɛ wa kpɔ tɔkɔ nɛ, nɛ wa hã ma hã onganganɔ, nɛ wa kpã ma tɛ gbagala. Nɛ to 'da olevitɛnɔ mɛ zi a ɛ̃lɛ̃ ndala sa'denɔ ni.

Kulu Tɔa 29:11

nɛ mɔ 'bili gɛlɛ a dɔ̃ɔ do nu tɔa Tande, dɛ dati mi Gale.

Kulu Tɔa 29:16

nɛ mɔ 'bili gɛlɛ a, nɛ mɔ kpɔ tɔkɔ nɛ, nɛ mɔ kpã tɛ 'bolo zã gbagala do nalɛ nɛ.

Kulu Tɔa 40:6

Mɔ e sɛ gbagala dɔ do sa'de hã mi Gale do dati tɔa Tande 'di,

Ezai 52:15

Nɛ nde ngangga ni, ogele nu kɔnggɔnɔ wa tɛ ɔngbɔ we 'da a, nɛ we 'da a ma ba we nu 'Onwanɔ vɛ̃. Mba gɔ, wa zèlè mbe kuti wenɔ kɛ wa tɔ̃ ma hã wa gɛ gɔ, nɛ wa zɔ̀ mbe kuti mɔ ɔ ni gɔ.”

EZEKIƐLƐ 36:25

Mi sulu sɛ gɛ̃lɛ̃ li lì dɛ ngɔ nɛ, nɛ ma fɔlɔ ndi kpikimanɔ do gele ndinɔ tɛ nɛ do'do.

EZEKIƐLƐ 43:18

NWA tɔ̃a hã mi na: “'Da fala kɛ wa dɛ gbagala e do'do, nɛ mɔ dɔ sɛ osa'de ngɔ nɛ we dɔnggɔ do mi, nɛ mɔ kpã sɛ tɔkɔ sa'denɔ ngɔ nɛ, takɔ mɔ e ma hã mi.

Levitɛnɔ 1:11

Nɛ a 'bili sɛ gɛlɛ a dɛ kɛ zã gbagala do si gbãlã ngɔ. Nɛ onganganɔ wa kpã sɛ tɔkɔ nɛ tɛ 'bolo zã gbagala.

Levitɛnɔ 1:15

Nɛ mbe nganga kpo, a tɛ sɛ do nɔɛ ni dɛ dati gbagala. Nɛ a sa'ba gɛlɛ a, nɛ a fo zu a, nɛ a dɛ na, tɔkɔ nɛ ma hulu dɛ ngɔ gbagala. 'Do nɛ, nɛ a dɔ sɛ zu a dɛ ngɔ gbagala ni.

Levitɛnɔ 16:15

“'Do nɛ, nɛ a 'bili gɛlɛ wili dua hã do dɔnggamɔ fo ku'da 'dã mɛ zu obe Israɛlɛ ni. Nɛ a kpɔ tɔkɔ nɛ, nɛ a le do ma dɛ 'do ku'bi i, nɛ a kpã ma tɛ mɔ nu Sanduki, nɛ a kpã 'bɔ dati Sanduki, ɔ nɛ kɛ a kpã do tɔkɔ wili ngɔmbɛ ni.

Levitɛnɔ 17:11

Mba gɔ, kpasi 'da mɛ kɛ ma do tunu li ɛ ni, ma a kɔ tɔkɔ. Ma kɛ NWA hã wala hã nɛ na, nɛ kpã tɔkɛ dɛ tɛ gbagala na, ma fo ku'da 'dã mɔ zu nɛ. Mba gɔ, tɔkɔ ma do kpasi, nɛ ma fo ku'da 'dã mɔ zu wele fua.

Levitɛnɔ 3:13

Nɛ wi ni e kɔ̃ a zu sa'de, nɛ a 'bili gɛlɛ a dɛ nu tɔa Tande ni. Nɛ onganganɔ wa kpɔ sɛ tɔkɔ nɛ, nɛ wa kpã ma te 'bolo zã gbagala.

Levitɛnɔ 3:2

Nɛ wi ni a e sɛ kɔ̃ a dɛ zu sa'de ni, nɛ a 'bili gɛlɛ a dɛ nu tɔa Tande kpa ngba wi do NWA. Nɛ onganganɔ, kɛ wa a obe zã Aroni ni, wa kpɔ sɛ tɔkɔ nɛ, nɛ wa kpã ma tɛ 'bolo zã gbagala.

Levitɛnɔ 3:8

nɛ a e kɔ̃ a zu a, nɛ a 'bili gɛlɛ a dɛ dati tɔa Tande ni. Nɛ onganganɔ wa kpɔ sɛ tɔkɔ nɛ, nɛ wa kpã tɛ 'bolo zã gbagala.

Levitɛnɔ 4:29

A tɛ do naa dua ni, nɛ a e sɛ kɔ̃ a zu a, nɛ a 'bili gɛlɛ a dɛ dati NWA, tɛ fala kɛ wa 'bili do gɛlɛ sa'denɔ we dɔ wa hã NWA ni.

Levitɛnɔ 4:33

A tɛ do naa bata ni, nɛ a e sɛ kɔ a zu a, nɛ a 'bili gɛlɛ a dɛ dati NWA, tɛ fala wa 'bili do gɛlɛ sa'denɔ we dɔ wa hã NWA ni.

Levitɛnɔ 4:7

“A ndɔ sɛ 'bɔ tɔkɛ tɛ 'bɛ̃lɛ̃ zu gbagala, kɛ wa dɔ do fũ yɔmbɛ kɔ tɔa Tande i ni. 'Do nɛ, nɛ a tɛnɛ tala tɔkɛ ni dɛ nyanga gbagala, kɛ wa dɛa ma tɛ kpongbo nu tɔa Tande we dɔ do sa'de hã NWA ni.

Mike 6:6

Fala kɛ mi nɛ we dɔnggɔ NWA Gale kɛ a gã wena ni, nɛ dia dɔnggamɛ mi wia tɛ dɔnggɔ do a ni a ge nde? Mi wia tabi tɛ dɔ obe ngɔmbɔ hã a nde?

Tɔlɔ Mɔ 18:17

Wa gɔ́nɔ́ sɛ zu kuti be wili ngɔmbɔ, be bata, tabi be dua gɔ. Wa la sɛ sa'denɔ ni hã mi fai. Mɔ gbɛ sɛ wa, nɛ mɔ kpã tɔkɔ tɛ wa ngɔ gbagala, nɛ mɔ dɔ fala kɛndɔnɔ na, zɛ̃ we nɛ unu mi, nɛ ma de tɛ mi.

OHEBRE 10:11

Tũ kpo kpo, nɛ nganga yolo tɛ dɛ to nganga 'da a. Nɛ 'da fala fai, a hã tati a dɔnggamɛnɔ kɛ a hã ma fai ni hã Gale. Nɛ dɔnggamɛnɔ ni ma wè do fo ku'da 'dã mɔ zu winɔ gɔ.

OHEBRE 12:24

Nɛ nɛ hɔa 'bɔ dati Yezu, kɛ a yula sanga tɛ ngba lɛ do Gale, nɛ a 'dafa mbé gba tɔkɔ sanga lɛ ni. Tɔkɔ tɛ Yezu ma a nù, nɛ ma wele we de nɛ ngɔ kɛ 'da Abɛlɛ.

1 PETRO 1:2

Baa lɛ Gale 'bili zɛ́ do kɔ sila ɛ belee we saka nɛ do owinɔ 'da a, nɛ a hã 'bɔ Hi Wi 'da a hã nɛ, we 'dafa sila nɛ, takɔ nɛ zele we nu Yezu Kristo, nɛ tɔkɔ tɛ Yezu fɔlɔ 'dã mɛnɔ 'da nɛ na, nɛ hɔ sa wi li Gale. E kɔ Gale be dia zã 'da a hã nɛ, nɛ a dɛ na, nɛ ɔ do gɛ̃a sila fai.

1 SAMUƐLƐ 1:25

'Do kɛ wa hã wili ngɔmbɛ do dɔnggamɛ hã Gale do'do ni, nɛ wa nɛa do be hã Heli.