Levitɛnɔ 1:4 - WE NU GALE 1995

⁴ A hɔ do wili ngɔmbɛ ni i mɔ, nɛ a e kɔ a dɛ zu a, nɛ ma ɔ sɛ nɛ dɔnggamɔ we fo ku'da 'dã mɛ zu a ni.

Levitɛnɔ 1:4 Iomraidhean Croise

Kulu Tɔa 28:38

Do 'da fala kɛ Aroni nɛ tɛ dati mi NWA, nɛ fulɛlɛ ni sɛ fai dɛ tɛ kitambala zu a ni, si do dati a. Mi zɔ ma ni, nɛ mi kɔ sɛ gɛnɛ omɛnɔ kɛ obe Israɛlɛ wa hã ma we dɔnggɔ do mi ni, hã gɛnɛ kɔ wa dɛ yɔa ti dɛa mɔ 'da fala wa tɛ do ma ni, nɛ nde mi lénggé sɛ nɛ gɔ.

Kulu Tɔa 29:10

“Mɔ tɛ sɛ do wili ngɔmbɛ dɛ dati tɔa Tande, nɛ Aroni do obulu benɔ 'da a, wa e kɔ̃ wa zu a,

Kulu Tɔa 29:15

“'Do nɛ, nɛ wa tɛ do wili bata wele kɛ dati, nɛ Aroni do obulu benɔ 'da a wa e kɔ wa zu a,

Kulu Tɔa 29:19

“'Do nɛ, nɛ wa tɛ do wili bata wele kɛ bɔa, nɛ Aroni do obulu benɔ 'da a wa e kɔ̃ wa zu a,

Kulu Tɔa 29:33

“Do 'da fala hɔ nganga 'da wa, tati a wa zu wa kpo hã wa nyɔngɔ sɛ odɔnggamɛnɔ kɛ owinɔ wa hã we fo ku'da 'dã mɛnɔ zu wa ni. Onyɔngɔmɛnɔ ni ma santo, nɛ gele wele kpo wè tɛ nyɔngɔ ma gɔ.

Ezai 56:7

“Mi kala sɛ nɛ dɛ tɛ Sioni, kɛ mɛ a kala santo 'da mi, nɛ mi hã sɛ yangga hã nɛ tɛ kɔ tɔa sambala 'da mi. Nɛ mi kɔ̃ sɛ gɛnɛ dɔnggamɛnɔ kɛ nɛ hã sɛ ma hã mi tɛ ngɔ gbagala 'da mi ni. Mba gɔ, wa sa sɛ li Tɛmpɛloe 'da mi na: ‘Tɔa dɔnggɔ do mi we onu kɔnggɔnɔ vɛ̃.’ ”

EZEKIƐLƐ 45:15

Nɛ kɔ ba'denɔ tɛ ngɔ nù Israɛlɛ, fala kɛ obata tabi dua wa hɔ kama bɔa, nɛ nɛ fo sɛ sa'de kpo kɔ nɛ hã mi NWA. Nɛ nɛ hã sɛ mɛnɔ kɛ nɛ fua ni do dɔnggamɔ fũ, tabi dɔ sa'de we dɔnggɔ do mi, tabi dɔnggamɔ kɛ ma be dɛa na, takɔ ma fo ku'da 'dã mɛnɔ 'da nɛ. Mi NWA Gale, mi tɔ̃a ni.

DANIƐLƐ 9:24

“ ‘Gale wia sabɛlɛ sambo fala 'bu nɛ sambo we owinɔ 'da mɔ, do we le santo 'da nɛ, takɔ nɛ la fala bɛ̃ nu a Gale, nɛ nɛ ɔmɔ tɛ dɛ 'dã mɔ. Nɛ Gale a fo sɛ 'dã mɛ ni zu nɛ, nɛ a dɛ sɛ na, nɛ dɛ bɔlɔ zu dɛa mɔ fai. Na mɛ ni, omɛnɔ wi gba olo nu Gale zɔa, nɛ a tɔ̃a ni, ma dɛ sɛ tɛ̃ ɛ. Nɛ wa 'dafa sɛ tɔa Tɛmpɛlo kɛ ma santo wena ni dɛ olo nɛ.

Levitɛnɔ 16:21

Nɛ a a kɔ a bɔa nɛ dɛ zu sa'de ni, nɛ a gbala 'dã mɛnɔ do dɛa mɔ nga zui 'da obe Israɛlɛ dɛ zu dua ni. Nɛ 'dã mɛnɔ ni, ma la dɛ zu sa'de ni. 'Do nɛ, nɛ a saka sɛ wele kpo, nɛ a nɛ, nɛ a la dua ni dɛ li gba zɔ́ i.

Levitɛnɔ 16:24

A hɔlɔ ma, nɛ a fɔlɔ tɛ̃ a tɛ mbe fala kɛ ma santo ni, nɛ a he'de tulunɔ 'da a, nɛ a hɔ we dɔ sa'de bɔa, we dɔnggɔ do mi NWA na, ma fo ku'da 'dã mɔ zu a, do obe Israɛlɛ.

Levitɛnɔ 22:21

Fala kɛ wele kɔ̃ we tɛ do dɔnggamɔ we be dɛa na hã mi, tabi a tɛ do dɔnggamɛ ni we dɔnggɔ do mi do kɔ sila a iko, tabi we si olo mbulu kɛ a kpua hã mi ni, nɛ ma wia na, a ba ngɔmbɔ, tabi bata, tabi dua, nɛ nde sa'de ni tɛ ɔ̃ do kunda tɛ̃ a gɔ. Ní gɔ, nɛ mi kɔ̃ sɛ gɛnɛ ma gɔ.

Levitɛnɔ 22:27

“Fala kɛ naa ngɔmbɔ, tabi naa bata, tabi naa dua ko, nɛ be sa'de ni, a 'bana sɛ do naa a 'do tũ sambo. 'Do nɛ, nɛ wa wia we ba be sa'de ni we hã a do dɔnggamɔ hã mi.

Levitɛnɔ 3:13

Nɛ wi ni e kɔ̃ a zu sa'de, nɛ a 'bili gɛlɛ a dɛ nu tɔa Tande ni. Nɛ onganganɔ wa kpɔ sɛ tɔkɔ nɛ, nɛ wa kpã ma te 'bolo zã gbagala.

Levitɛnɔ 3:2

Nɛ wi ni a e sɛ kɔ̃ a dɛ zu sa'de ni, nɛ a 'bili gɛlɛ a dɛ nu tɔa Tande kpa ngba wi do NWA. Nɛ onganganɔ, kɛ wa a obe zã Aroni ni, wa kpɔ sɛ tɔkɔ nɛ, nɛ wa kpã ma tɛ 'bolo zã gbagala.

Levitɛnɔ 3:8

nɛ a e kɔ̃ a zu a, nɛ a 'bili gɛlɛ a dɛ dati tɔa Tande ni. Nɛ onganganɔ wa kpɔ sɛ tɔkɔ nɛ, nɛ wa kpã tɛ 'bolo zã gbagala.

Levitɛnɔ 4:15

Okumunɔ 'da obe Israɛlɛ wa e sɛ kɔ̃ wa zu sa'de ni, nɛ mbe kpo kɔ wa ni, a 'bili gɛlɛ sa'de dɛ dati NWA.

Levitɛnɔ 4:20

Nganga a dɛ sɛ do wili ngɔmbɛ ni kpasaa ɔ nɛ tɛlɛ tɛ kɛ a dɛa do wili ngɔmbɛ, kɛ a hã ma do dɔnggamɛ we 'dã mɛ 'da a wele nɛ ni. Nɛ dɔnggamɛ ni, ma dɛ sɛ na, Gale fo ku'da 'dã mɛ zu obe Israɛlɛ.

Levitɛnɔ 4:24

A tɛ do wili dua ni, nɛ a e sɛ kɔ̃ a zu a, nɛ a 'bili gɛlɛ a dɛ dati NWA, tɛ fala kɛ wa 'bili do gɛlɛ sa'denɔ we dɔ wa hã NWA ni. Ki ni mɛ a dɔnggamɔ we fo ku'da 'dã mɛnɔ zu wi.

Levitɛnɔ 4:26

'Do nɛ, nɛ nganga a dɔ sɛ okɛndɔnɔ vɛ̃ tɛ sa'de ni dɛ ngɔ gbagala, ɔ nɛ kɛ wa dɛ do dɔnggamɔ kɛ ma be dɛa na ni. Nɛ dɔnggamɛ ni, ma dɛ sɛ na, Gale fo ku'da 'dã mɛ zu gã wi ni.

Levitɛnɔ 4:29

A tɛ do naa dua ni, nɛ a e sɛ kɔ̃ a zu a, nɛ a 'bili gɛlɛ a dɛ dati NWA, tɛ fala kɛ wa 'bili do gɛlɛ sa'denɔ we dɔ wa hã NWA ni.

Levitɛnɔ 4:31

'Do nɛ, nɛ a fo sɛ okɛndɔnɔ tɛ sa'de ni, ɔ nɛ kɛ wa fo do okɛndɔnɔ tɛ sa'de dɔnggamɔ kɛ ma be dɛa na ni. Nɛ nganga a dɔ sɛ ma ngɔ gbagala, takɔ zɛ̃ nɛ ma unu NWA, nɛ ma de tɛ̃ a. Dɔnggamɛ ni, ma dɛ sɛ na, Gale fo ku'da 'dã mɛ zu wi ni.

Levitɛnɔ 4:33

A tɛ do naa bata ni, nɛ a e sɛ kɔ a zu a, nɛ a 'bili gɛlɛ a dɛ dati NWA, tɛ fala wa 'bili do gɛlɛ sa'denɔ we dɔ wa hã NWA ni.

Levitɛnɔ 4:35

'Do nɛ, nɛ a fo sɛ okɛndɔnɔ te sa'de ni, ɔ nɛ kɛ wa fo do okɛndɔnɔ tɛ bata kɛ wa hã do dɔnggamɔ kɛ ma be dɛa na ni. Nɛ nganga a dɔ sɛ ma mba do gele dɔnggamɛ wa dɔ hã NWA ni. Nɛ dɔnggamɛ ni, ma dɛ sɛ na, Gale fo ku'da 'dã mɛ zu wi ni.

Levitɛnɔ 4:4

A nɛ sɛ do wili ngɔmbɛ dɛ nu tɔa Tande kpa ngba wi do NWA. Nɛ a e kɔ̃ a zu sa'de ni, nɛ a 'bili gɛlɛ a dɛ dati NWA.

Levitɛnɔ 5:6

nɛ a tɛ do be naa bata, tabi naa dua we dɔnggɔ do NWA, takɔ ma si olo ku'da 'dã mɛ zu a. Nɛ nganga a hã sɛ dɔnggamɛ ni hã NWA, nɛ ma dɛ sɛ na, NWA fo ku'da 'dã mɛ zu wi ni.

Levitɛnɔ 6:7

“Winɔ kɛ wa be sɛ dɔnggamɔ fũ hã NWA tɛ dati gbagala, wi a obenɔ 'da Aroni.

Levitɛnɔ 8:14

'Do nɛ, nɛ a tɛa do wili ngɔmbɔ we gbɛ a do dɔnggamɔ we fo ku'da 'dã mɔ. Nɛ Aroni do obenɔ 'da a, wa a kɔ̃ wa dɛ zu sa'de ni.

Levitɛnɔ 8:18

'Do nɛ, nɛ a tɛa do wili bata we dɔ a do dɔnggamɔ. Nɛ Aroni do obenɔ 'da a, wa a kɔ wa dɛ zu sa'de ni.

Levitɛnɔ 8:22

'Do nɛ, nɛ Mɔizɛ tɛa do wili bata kɛ bɔa, we hã do dɔnggamɔ kɛ ma be na, onganganɔ wa ndua to nganga 'da wa ia ni. Nɛ Aroni do obenɔ 'da a, wa a kɔ̃ wa dɛ zu sa'de ni.

Levitɛnɔ 9:7

Nɛ a tɔ̃ hã Aroni na: “Mɔ tɛ́, kɔ mɔ kɔlɔ do gbagala, kɔ mɔ hã dɔnggamɛ 'da mɔ, we fo ku'da 'dã mɛ 'da mɔ, nɛ mɔ dɔ 'bɔ mbee nɛ, we dɔnggɔ do NWA. Dɔnggamɛ ni ma dɛ sɛ na, NWA fo ku'da 'dã mɛ 'da mɔ, do kɛ 'da owinɔ. 'Do nɛ, nɛ mɔ hã dɔnggamɛ kɛ owinɔ wa tɛa nɛ ni hã NWA. Nɛ ma fo ku'da 'dã mɛnɔ zu owinɔ, ɔ nɛ kɛ NWA ba do nu a ni.”

Tɔlɔ Mɔ 15:25

Nɛ nganga a gbɛ sɛ wili dua ni, takɔ ma fɔlɔ obe Israɛlɛ vɛ̃, kɔ wa hɔ sa wi li mi. Ku'da 'dã mɛ ni ma fo sɛ tɛ̃ ɛ zu wa, we kɛ wa dɛ̀ 'dã mɔ do mbana gɔ, nɛ wa dɔa 'bɔ wili ngɔmbɔ, nɛ wa gbɛ wili dua we nɛ.

Tɔlɔ Mɔ 15:28

Nganga a gbɛ sɛ naa dua ni, takɔ ma fɔlɔ wi dɛ 'dã mɛ ni.

Tɔlɔ Mɔ 25:13

Nɛ ma sɛ we duzu a do obe zã a. Mbuli ni ma kɛ: A, do obe zã a, wa sɛ fai a onganga. Mba gɔ, a bia na, ɛ dɔnggɔ tati a mi Gale iko. Nɛ a dɛa na, mi fo ku'da 'dã mɔ zu obe Israɛlɛ.”

Tɔlɔ Mɔ 8:12

'Do nɛ, nɛ olevitɛnɔ wa a sɛ kɔ̃ wa dɛ ngɔ wili ngɔmbɛnɔ bɔa ni. Nɛ Aroni gbɛ mbe kpo hã mi, we si olo ku'da 'dã mɔ. Nɛ a dɔ sɛ mbe kpo we dɔnggɔ do mi. Nɛ mɛ a dɛa ni, ma fɔlɔ sɛ olevitɛnɔ na, wa hɔ sa wi li mi.

ROMA 12:1

Aa onyae, ɔ nɛ kɛ Gale bia dia zã 'da a hã lɛ na mɛ ni, mi aka nɛ na, nɛ há kpasi 'da nɛ vɛ hã Gale ɔ nɛ dɔnggamɔ kɛ wa dɔ hã a ni, nɛ hã tɛ nɛ we do kɛ na, nɛ hã yangga hã a, nɛ a kɔ̃ gɛnɛ nɛ. Ki ni mɛ a ngbongbo wala kɛ nɛ wia we dɔnggɔ do Gale gɛ a ni.

ROMA 3:25

Gale 'dɔlɔ zi Yezu, nɛ a fia, nɛ tɔkɔ tɛ a a nù we si olo ku'da 'dã mɛnɔ zu winɔ kɛ wa kɔ̃a zu li a ni. Gale dɛa na mɛ ni we be na, ɛ a wi bɔlɔ zu. A ila 'dã mɛnɔ owinɔ wa dɛa zi ni, nɛ a hã̀ etumbu olo nɛ hã wa gɔ.

ROMA 5:11

Nɛ tati a ki ni iko gɔ, nɛ nde lɛ dɛ 'bɔ yangga dɛ 'da Gale, do wala 'da Nwa 'da lɛ Yezu Kristo, kɛ a 'dafa sanga tɛ ngba lɛ do a ni.

FILIPƐ 4:18

Mi kpa mɛnɔ vɛ̃ kɛ nɛ tumba ma hã mi do Epafroditɛ ni, nɛ ma la li ngele do'do, kɔ mi zɔ̀lɔ̀ 'bɔ mɔ kpo gɔ. Mɛnɔ kɛ nɛ tumba hã mi ni, ma ɔ nɛ dia unu nɔ yɔmbɔ, kɛ nɛ hã ma hã Gale ni. Gale kɔ̃a gɛnɛ dɔnggamɛ 'da nɛ, nɛ ma dia tɛ̃ a.

OHEBRE 10:4

Mba gɔ, tɔkɔ tɛ wili ngɔmbɛnɔ, do tɔkɔ tɛ wili duanɔ, ma wè tɛ fo ku'da 'dã mɔ fala kpo gɔ.

1 YOANƐ 2:2

A a wi kɛ a hã zi tɛ̃ a nɛ́ dɔnggamɔ we si do ku'da 'dã mɛnɔ zu lɛ. A dɛ̀ ni tati nɛ we lɛ iko gɔ, nɛ nde a dɛa ní we owinɔ ngɔ nù gɛ vɛ́.