Levitɛnɔ 1:2 - WE NU GALE 1995

² a e mbulanɔ gɛ hã obe Israɛlɛ, nɛ wa dɛ ma 'da fala wa nɛ gbɛ sa'de we dɔnggɔ do ɛ ni. Mbulanɔ ni ma kɛ: “'Da fala kɛ mbe kpo sanga nɛ gbɛ sa'de we dɔnggɔ do NWA, nɛ ma wia na, ma ɔ do ngɔmbɔ tabi bata tabi dua.

Levitɛnɔ 1:2 Iomraidhean Croise

Ndo Nyanga Dɛ Mɔ 4:3

Mbe ngba soe kpo, nɛ Kaina kala okpalɛ li fɔɛ 'da a, nɛ a hã ma do dɔnggamɔ hã NWA.

Ndo Nyanga Dɛ Mɔ 4:5

Nɛ a bɛ̃ gɛnɛ Kaina, nɛ a da li a ngɔ dɔnggamɛ 'da a do'do. Kaina zɔa ní, nɛ dã ba a wena, nɛ sanga li a 'danga.

1 Sakonɔ 16:29

Nɛ tɛ́ hã nɛ dɔnggɔ dɔ̃lɔ̃ li 'da a. Nɛ kálá dɔnggamɛnɔ 'da nɛ, nɛ nɛ le do ma tɛ fala dɔnggɔ do a. Fala kɛ nɛ hɔ dati NWA kɛ a santo ni, nɛ nɛ bílí zu nɛ gbaa, nɛ ma to nù.

Ɛsdrasi 3:5

Nɛ 'do ki ni, nɛ wa ma ngɔ dɔ sa'de we dɔnggɔ do Gale 'do ngbɛ ɛ do 'do ngbɛ ɛ, nɛ wa dɔa 'bɔ mbe we mbé hɔa zɛkɛ, nɛ mbe we ɛngganɔ 'da NWA kɛ a ia ma ni. Nɛ wa dɔa 'bɔ mbe we winɔ, kɛ wa dɔnggɔ nwa do mɛnɔ 'da wa do dia kɔ sila iko ni.

Kulu Tɔa 20:24

Nɛ 'bo sɛ nù dɛ ngɔ, nɛ nɛ dɛ́ do gbagala hã mi. Ngɔ gbagala ni, nɛ dɔ sɛ obata, odua do ongɔmbɔ we dɔnggɔ do mi. Nɛ nɛ gbɛ sɛ ombe sa'denɔ ni dɛ ngɔ nɛ we be dɛa na. Nɛ mi wele sɛ nu mi tɛ nɛ falanɔ vɛ̃ kɛ mi e sɛ hã nɛ na, nɛ dɔnggɔ do mi ni.

Tɔlɔ Mɔ 15:3

nɛ nɛ dɔ sɛ sa'de we dɔnggɔ do mi. Nɛ dɛ sɛ na mɛ gɛ: Nɛ gbɛ sɛ sa'de hã mi we be dɛa na, tabi we kɛ nɛ kɔa we dɛ olo mbulu, tabi nɛ gbɛ do kɔ sila nɛ iko, tabi 'bɔ we dɔnggɔ mi do 'da fala ɛngganɔ. Nɛ osa'denɔ kɛ nɛ saka sɛ wa we dɔnggɔ do mi ni a: ngɔmbɔ kpo, bata kpo, naa dua kpo, tabi wili nɛ kpo. Nɛ zɛ̃ we nɛ ma unu sɛ mi, nɛ ma de tɛ mi.

Tɔlɔ Mɔ 5:15

Ma ɔ do wenɔ bɔa ni, nɛ wi wili a kã sɛ kɛnɛ a dɛ 'da nganga i, nɛ a tɛ do dɔnggamɔ kɛ ma wia ni. Mɛ a fũ ɔrzɛ kilo talɛ. A á sɛ nɔ ngɔ nɛ gɔ, nɛ a á sɛ 'bɔ fũ yɔmbɔ ngɔ nɛ gɔ, we kɛ mɛ a dɔnggamɛ 'da wi wili kɛ a dɛ bɔnɛ. A dɔnggɔ ma do Gale, takɔ gbãlã we hɔ nza.

MARKO 7:11

Kɔ nɛ, nɛ tɛ be hã winɔ na, fala kɛ wele tɔ̃ hã baa a tabi hã naa a na: ‘Mɛ sɔ mi wia we gala do nɛ ni, ma hɔa Kɔrbanɛ’, (gulu nɛ na, mi ia ma hã Gale),

ROMA 12:1

Aa onyae, ɔ nɛ kɛ Gale bia dia zã 'da a hã lɛ na mɛ ni, mi aka nɛ na, nɛ há kpasi 'da nɛ vɛ hã Gale ɔ nɛ dɔnggamɔ kɛ wa dɔ hã a ni, nɛ hã tɛ nɛ we do kɛ na, nɛ hã yangga hã a, nɛ a kɔ̃ gɛnɛ nɛ. Ki ni mɛ a ngbongbo wala kɛ nɛ wia we dɔnggɔ do Gale gɛ a ni.

ROMA 12:6

Nɛ wele do wele do ngawi dɛ tonɔ do tɛlɛ tɛ kɛ Gale hã ma hã a do dia zã 'da a ni. Nɛ ngawi ni wè kɔ̃ do kɛ 'da ngba a gɔ. Fala kɛ Gale hã ngawi gba do nu ɛ hã mbe sanga lɛ nde, nɛ ma wia na, a dɛ ma we do 'da kɔ̃a we 'da a dɛ 'da Gale.

EFƐZƐ 5:2

Nɛ kɔ̃́ gɛnɛ ngba nɛ ɔ nɛ kɛ Kristo kɔ̃a zi do gɛnɛ lɛ, nɛ a hã zi tɛ́ a vɛ we duzu lɛ ni. A hã zi kili tɛ a hã Gale ɔ nɛ dɔnggamɔ kɛ ma unu de wena, nɛ ma hã yangga hã Gale ni.