Levitɛnɔ 1:10 - WE NU GALE 1995

¹⁰ “Fala kɛ wele kɔ we gbɛ bata tabi dua, takɔ wa dɔ we dɔnggɔ do NWA, nɛ ma wia na, ma ɔ do wili nɛ, kɛ fo kunda tɛ̃ a bina ni.

Levitɛnɔ 1:10 Iomraidhean Croise

Ndo Nyanga Dɛ Mɔ 4:4

Nɛ Abɛlɛ kala tɛ mɛ 'bɔ Okuti be batanɔ kɔ ba'de 'da a, nɛ a gbɛ wa, nɛ a saka dia mulu nɛ, nɛ a dɔ ma do dɔnggamɔ hã NWA. Nɛ NWA kɔ̃a gɛnɛ Abɛlɛ, nɛ dɔnggamɛ 'da a dia tɛ a wena.

Ndo Nyanga Dɛ Mɔ 8:20

'Do kɛ sa'denɔ wa hɔa nza vɛ ni, nɛ Nowe dɛa gbagala do ta we dɔ do sa'de hã NWA. A saka sanga sa'denɔ kɛ wa a sa li NWA ni tɛ ɛ do tɛ ɛ, nɛ a saka 'bɔ kɔ nɔɛnɔ, nɛ a gbɛ wa, nɛ a ngɛmɛ wa vɛ dɛ ngɔ gbagala, nɛ a dɔ wa we dɔnggɔ do NWA.

Kulu Tɔa 12:5

Be bata tabi be dua kɛ wa nɛ gbɛ sɛ a ni, mɛ sɛ a be wili nɛ, kɛ a do sabɛlɛ kpo, nɛ fo kunda tɛ̃ a bina ni.

EZEKIƐLƐ 43:22

Do tũ kɛ 'do nɛ ni, nɛ mɔ ba wili dua kɛ fo kunda tɛ̃ a bina ni, nɛ mɔ gbɛ a we hã do dɔnggamɔ we fo ku'da 'dã mɔ. Nɛ mɔ dɛ do a ɔ nɛ kɛ mɔ dɛa do wili ngɔmbɛ ni, takɔ gbagala ma hɔ santo li mi.

Levitɛnɔ 14:10

“Ma hɔ kɔ̃ tũi kɛ ngbɛ'dɛ'dɛ, nɛ wi ni a tɛ sɛ do obe wili bata bɔa, do be naa bata kpo, kɛ wa do sabɛlɛ kpo kpo, nɛ fo kunda tɛ wa bina ni. Nɛ a tɛ 'bɔ do dɔnggamɔ fũ, kɛ wa zanga ma do nɔ ni we kilo kusi, do nɔ sãtilitrɛ 'bu nɛ mɔlɔ, nɛ a hã ma vɛ̃ hã nganga.

Levitɛnɔ 16:3

“Nɛ dati kɛ na, a le tɛ Fala kɛ ma santo wena ni, ma wia na, a tɛ do wili ngɔmbɔ kpo, we hã do dɔnggamɔ fo ku'da 'dã mɔ zu a, do wili bata kpo, takɔ a dɔ a we dɔnggɔ do mi NWA.

Levitɛnɔ 16:5

Ma wia na, obe Israɛlɛ wa tɛ sɛ do owili dua bɔa hã Aroni, we hã wa do dɔnggamɔ fo ku'da 'dã mɔ zu wa. Nɛ wa tɛ 'bɔ do mbe wili bata kpo, takɔ a dɔ we dɔnggɔ do mi NWA.

Levitɛnɔ 22:19

Fala kɛ a kɔ̃ na, mi gɔmɔ zu mi we dɔnggamɛ 'da a, nɛ ma wia na, sa'de ɔ do wili ngɔmbɔ, tabi wili bata, tabi wili dua, nɛ a tɛ ɔ̃ do kunda tɛ̃ a gɔ.

Levitɛnɔ 23:12

Do kpo soe ni, nɛ nɛ tɛ sɛ do bata kɛ a dɛa sabɛlɛ kpo, nɛ fo kunda tɛ̃ a bina ni, nɛ nganga dɔ a we dɔnggɔ do mi.

Levitɛnɔ 3:1

“Fala kɛ wele kɔ̃ we gbɛ ngɔmbɔ do dɔnggamɔ kɛ ma be dɛa na, nɛ ma wia na, ma ɔ do wili ngɔmbɔ tabi naa ngɔmbɔ kɛ fo kunda tɛ̃ a bina ni.

Levitɛnɔ 4:23

'Da fala kɛ a ĩ fala 'dã mɛ a dɛa ni, nɛ ma wia na, a tɛ do wili dua kɛ fo kunda tɛ̃ a bina ni, we dɔnggɔ do NWA, takɔ ma fo ku'da 'dã mɛ zu a.

Levitɛnɔ 4:3

“Fala kɛ gã nwa nganga hã a dɛ 'dã mɔ, nɛ 'dã mɛ 'da a ma te sɛ ngo owinɔ vɛ. Nɛ a tɛ sɛ do wili ngɔmbɔ kɛ fo kunda tɛ̃ a bina ni, nɛ a doɛnggɔ do NWA, takɔ ma fo ku'da 'dã mɛ zu a.

Levitɛnɔ 5:15

“Fala kɛ wele zɔlɔ tɛ do dɔnggamɛ kɛ ma wia ni hã NWA, kɔ gɛnɛ kɔ a dɛ̃ do mbana gɔ, nɛ nde a dɛa 'dã mɔ dɛ 'da NWA. Nɛ ma wia na, a tɛ do wili bata, tabi wili dua kɛ fo kunda tɛ̃ a bina ni hã NWA. A tɛ sɛ nɛ, we si olo ku'da 'dã mɛ zu a. Wa we sɛ gole sa'de ni do 'da mɔ we do mbili kɔ tɔa Tande. Nɛ sa'de ni sɛ we hã do dɔnggamɔ si olo ku'da 'dã mɔ.

Levitɛnɔ 9:2

Nɛ a tɔ̃ hã Aroni na: “Mɔ bá he zagbãlã ngɔmbɔ, do wili bata kɛ fo kunda tɛ̃ wa bina ni, nɛ mɔ tɛ do wa dati NWA. Mɔ hã sɛ be zagbãlã ngɔmbɛ do dɔnggamɔ we fo ku'da 'dã mɔ, nɛ mɔ dɔ wili bata we dɔnggɔ do NWA.

MALAKI 1:14

'Bako do wi kɛ a ɔkɔlɔ mi na, ɛ nɛ hã dia sa'de kɔ onadalamɛnɔ 'da ɛ hã mi, nɛ nde a kpula ma do sa'de kɛ a do kunda, nɛ a dɔnggɔ do mi, nɛ a usu dia kɛ we duzu a wele nɛ ni. 'Bako do wi kɛ a fa we ɔkɔlɔ mi na mɛ ni, we kɛ mi a gã NWA ngɔ mɔ nyanga nza vɛ̃, nɛ ogele winɔ wa dɛ kili ngawi 'da mi dɛa. Mi NWA, mi tɔ̃a ni.”

Tɔlɔ Mɔ 19:2

“Nɛ tɔ̃ hã obe Israɛlɛ na, wa tɛ do fila naa ngɔmbɔ kɛ kunda tɛ̃ a bina, nɛ a dɛ to fɔ fala kpo gɔ ni hã nɛ.

Tɔlɔ Mɔ 6:14

Nɛ a tɛ sɛ do osa'de talɛ kɛ fo kunda tɛ wa bina ni hã mi NWA. Mɛ a be wili bata, kɛ a dɛa sabɛlɛ kpo ni na, wa dɔ a we dɔnggɔ do mi, nɛ be naa bata, we si olo ku'da 'dã mɔ zu a, do wili bata we dɔnggamɔ kɛ ma be dɛa na.

YOANƐ 1:29

Fala nɛa we sa 'do nɛ, nɛ Yoanɛ zɔ Yezu tɛ tɛ 'da a nga, nɛ a tɔ̃ hã owinɔ na: “Nɛ zɔ́, Be Bata 'da Gale kɛ a fo sɛ ku'da 'dã mɛnɔ zu winɔ ni, a kɛ!

1 PETRO 1:19

Nɛ nde a gɔna zu nɛ do tɔkɔ tɛ Kristo, kɛ ma dia nɛa ngɔ mɔ vɛ ni. Kristo ɔ nɛ be bata kɛ a do 'dã mɔ tabi ndi bi sĩ tɛ a bina, nɛ wa gbɛa a hã Gale ni.