Levitɛnɔ 1:1 - WE NU GALE 1995

¹ NWA sa mɔ hã Mɔizɛ tɛ nu tɔa Tande kpa ngba wi do a, nɛ a ba nu a hã a na,

Levitɛnɔ 1:1 Iomraidhean Croise

2 Onwanɔ 16:13

nɛ a do tɛ̃ a ngboo, a dɔ sa'de ngɔ nɛ, nɛ a mba do dɔnggamɔ fũ do dɔ̃ we dɔnggɔ do Gale. Nɛ a gbɛ 'bɔ sa'de we be dɛa na, nɛ a kpã tɔkɔ sa'de ni tɛ gbagala.

2 Sakonɔ 29:32

Nɛ kɔ mɛnɔ wa hã ma we dɔ hã NWA vɛ̃ ni, wa hã zi owili ngɔmbɔ 'bu wa sambo, nɛ obe ngɔmbɔ kama, nɛ obe bata kama bɔa.

Kulu Tɔa 19:3

Nɛ Mɔizɛ kũ kala we kpa ngba a do Gale. Tɛ zu kala i, NWA sa mɔ hã Mɔizɛ, nɛ a tɔ̃ hã a na: “Mɔ zélé wenɔ gɛ, nɛ mɔ tɔ̃ sɛ ma hã obe Israɛlɛ, obe zã Yakɔbɔ na:

Kulu Tɔa 24:12

NWA tɔ́a hã Mɔizɛ na: “Mɔ kũ dɛ kɛ zã mi ngɔ kala nga, nɛ mɔ dungu dɛ di ni. Mi kɔa we hã otanɔ, kɛ mi kɔma ombulanɔ 'da mi ngɔ nɛ ni hã mɔ, takɔ mɔ be mbulanɔ ni hã obe Israɛlɛ.”

Kulu Tɔa 25:22

Mi kpa sɛ ngba mi do mɔ dɛ sanga ohi mɛnɔ bɔa ngɔ mɔ nu sanduki ni. Nɛ mi ba sɛ 'bɔ mbulanɔ vɛ̃ ngɔ obe Israɛlɛ hã mɔ dɛ di ni.

Kulu Tɔa 29:42

Ma wia na, wa dɔ dɔnggamɛnɔ ni dɛ nu tɔa Tande we dɔnggɔ do mi fai kɔ sabɛlɛ do sabɛlɛ. Nɛ mi fa sɛ na, mi kpa ngba mi do nɛ dɛ kpo nu tɔa Tande ni, nɛ mi tɔ̃ sɛ lɛnggɛ do mɔ.

Kulu Tɔa 3:4

Kɔ NWA nɛa we zɔ a tɛ tɛ nɛ ni, nɛ a sa mɔ do li a dɛ kɔ gisa nwá ni na: “Mɔizɛ, Mɔizɛ!” Nɛ Mɔizɛ kɔ̃ na: “Oo! Mi kɛ.”

Kulu Tɔa 33:7

'Da fala fai, fala kɛ obe Israɛlɛ wa 'dafa fala ɔi 'da wa, nɛ Mɔizɛ ba tɔa tande kpo, nɛ a zĩ ma do 'do ngbo i, nɛ ma nyɛlɛ do fala ɔi be sĩ. Wa sa zi li nɛ na: “Tɔa Tande kpa ngba wi do Gale.” Owinɔ kɛ wa do we we aka do Gale ni, wa kulu ngɔ fala ɔi 'da wa nga, nɛ wa nɛ dɛ tɛ tɔa Tande nu

Kulu Tɔa 39:32

Na mɛ ni, wa dɛa to tɔa Tande kɛ ma santoe ni, nɛ ma ia. Obe Israɛlɛ wa dɛa toe ni ngboo ɔ nɛ kɛ NWA tɔ́a zi hã Mɔizɛ ni.

Kulu Tɔa 40:29

nɛ wa ba gbagala dɔ do sa'de hã Gale, nɛ wa e ma nza 'di, dɔ̃ɔ do nu tɔa Tande. Nɛ wa dɔ sa'de, do fũ ngɔ nɛ we dɔnggɔ do Gale. Wa dɛa ɔ nɛ kɛ NWA tɔ̃a zi hã Mɔizɛ ni.

Levitɛnɔ 7:38

NWA hã zi mbula ni hã Mɔizɛ tɛ ngɔ kala Sinai, tɛ li gba zɔ̃, do ngba soe kɛ a tɔ̃a zi hã obe Israɛlɛ na, wa hã dɔnggamɛnɔ hã ɛ ni.

Levitɛnɔ 9:16

A bia sa'denɔ ni do bɔa nɛ hã NWA, nɛ a dɔ wa we dɔnggɔ do a, ɔ nɛ kɛ mbula ngɔ nɛ ma tɔ̃ ni.

Tɔlɔ Mɔ 1:1

Do zɛkɛ 'da bɔa, kɔ̃ nɛ kpo, do kɔ bɔa sabɛlɛ 'do kɛ obe Israɛlɛ wa Ia ngɔ nù Ezipeto, kɔ wa hɔa tɛ li gba zɔ̃ Sinai ni, nɛ NWA Gale wila we hã Mɔizɛ tɛ kɔ tɔa Tande kpa ngba wi do a na:

Tɔlɔ Mɔ 7:89

'Da fala Mɔizɛ lia kɔ tɔa Tande we wele we do NWA ni, nɛ a zele gɛlɛ a, ma yula do si 'biti fala ohi mɛnɔ bɔa ngɔ mɔ nu Sanduku Gba Tɔkɛ wa do nɛ ni. Ohi mɛnɔ ni ma ɔ nɛ wele ni, nɛ sala 'baka ma boe. Nɛ NWA wila we do a.

YOANƐ 1:17

Gale hã zɛ́ mbula 'da a hã lɛ do wala 'da Mɔizɛ, nɛ Gale bia dia zã dɛ 'da lɛ do wala 'da Yezu Kristo, nɛ lɛ ĩ ti gbãlã we ngɔ Gale we duzu a.

Mbulanɔ 27:6

we kɛ ma wia na, tanɔ nɛ nɛ dɛ do gbagala hã NWA Gale 'da nɛ ni, ma tɛ ɔ̃ do ta kɛ wa sɛa ma sɛa gɔ. Nɛ dɔ sɛ sa'de we dɔnggɔ do nwa dɛ ngɔ gbagala ni.