YOANƐ 5:3 - WE NU GALE 1995

^3-4 Nɛ owi tandu, do owi nɛa kũ, do Owi kala nyanga wa ɔ zi dɛ di ni. [Wa 'bɔ zi na, anzɛ 'da Nwa Gale le 'dɔ lì, kɔ ma yaka, nɛ wi nɛ le 'dɔ nɛ dati ni, nɛ a kpasa. Gɛnɛ kɔ zɛlɛ ge nde, nɛ ma e iko.]

YOANƐ 5:3 Iomraidhean Croise

1 Onwanɔ 13:4

Nwa Yeroboamɛ nɛa we zele wenɔ kɛ wi gba olo nu Gale tɔ̃a ngɔ gbagala tɛ Betɛlɛ ni, nɛ a ɛfɛ kɔ̃ a dɛ ngɔ gbagala, nɛ a he mɔ na: “Nɛ bá wi ni!” Nɛ nde kɔ̃ a 'bana dɛ ngɔ ni, nɛ ma konggo, do tɛlɛ tɛ kɛ na a wè 'bɔ we gese ma dɛ olo nɛ gɔ.

GBA WENƆ 8:34

Wele kɛ a tɛ 'da mi tũ kpo kpo, we 'bɔ we zele we nu mi ni, a a wi yangga.

ALA NU 3:26

Ma dia fɛ̃ na, lɛ ɔ do du sila, nɛ lɛ 'bɔ 'da NWA na, a tɛ we kpasa lɛ.

ZAKARIA 11:17

'Bako do wi fɔmɔ bata kɛ a la nadalamɛnɔ 'da a iko ni. E kɔ bolo te, nɛ ma 'danga ngawi 'da a vɛ̃. Nɛ e kɔ gbali a kɛ si ngawili kɔ ma o!”

MATIE 15:30

Nɛ ogba gili wele wa tɛa do owi nɛa kũ, owi lɔa li, owi kala nyanga, do owi lɔnda nu, do ogele wi kunda tɛ̃ ɛ do tɛ̃ ɛ, nɛ wa a wa dɛ dati Yezu, nɛ a kpasa wa.

MATIE 4:24

Nɛ we 'da a yɛ'ba ngɔ nù Siri vɛ̃, nɛ Owele wa tɛa do owi zɛlɛ kpi do kpi hã a. Wa tɛa do winɔ kɛ wa do o'dã hi wi kɔ wa ni, do owi zɛlɛ tindili, do Owi kala nyanga, nɛ Yezu kpasa wa vɛ̃.

LUKA 7:22

Nɛ a gese hã owi tonɔ 'da Yoanɛ na: “Nɛ nɛ́, kɔ nɛ tɔ̃́ lɛnggɛ mɛnɔ kɛ nɛ zɔa ma, do kɛnɔ nɛ zila ni hã Yoanɛ na, owi lɔa linɔ wa tɛ zɔ mɔ, owi 'dã nyanganɔ wa tɛ nɛ nɔ, owi zɛlɛ ngbɛlɛnɔ wa kpasa, nɛ zala owi la zalanɔ ma fĩ, ofionɔ wa tunu, nɛ owi sãnɔ wa zila Dia Sakoe.

YOANƐ 5:2

Nɛ nde kɔ le Yeruzalɛmɛ ni, zã lì zi boe, wa ia li nɛ do Hebre na Bɛtzata. Zã lì ni zi dɛ kɛ zã nu ngbo le, kɛ li nɛ a “Nu ngbo Obatanɔ” ni. Nɛ wa dɛa oda mɔlɔ dɛ kɛ zã nu lì ni.

ROMA 8:25

Nɛ nde lɛ, lɛ gbini zã lɛ do mɔ kɛ lɛ tɛ zɔ̀ ma gɔ ni, nɛ lɛ 'bɔ 'da ma do kpã sila ngboo.

ZAKE 5:7

Aa onyae, we duzu ki ni, nɛ kúnú sila nɛ gbaa we hɔ ngba soe kɛ Nwa 'da lɛ, a hɔ sɛ nɛ ni. Nɛ lénggé do wi wa fɔ. A wa fɔɛ, nɛ a kunu sila a gbaa na, kuti kolo tɛ, nɛ a mi kpalɛnɔ 'da a. Nɛ a kunu 'bɔ sila a gbaa na, tala ngɔ go'do kole tɛ, nɛ kpalɛnɔ ko do dia nɛ.