YOANƐ 3:3 - WE NU GALE 1995

³ Nɛ Yezu gisa hã a na: “Mi tɔ̃ hã mɔ do gbãlã we na, fala kɛ wa kò wele fala bɔa gɔ, nɛ nde a zɔ́ sɛ le nwa 'da Gale gɔ.”

YOANƐ 3:3 Iomraidhean Croise

Yeremi 5:21

“Nɛ, oyɔnda winɔ kɛ nɛ ĩ̀ ti mɔ gɔɛ gɛ, nɛ zélé we gɛ: Nɛ do gbali nɛ boe, nɛ nde nɛ zɔ́ mɔ gɔ. Zala nɛ boe, nɛ nde nɛ zélé we gɔ.

EZEKIƐLƐ 36:26

Mi kpolo sɛ sila nɛ, nɛ mbé linggamɔ ma le sɛ kɔ nɛ gɔ. Mi fo sɛ sila nɛ kɛ ma nganda ɔ nɛ ta ni, nɛ mi kpolo ma do sila wi kɛ ma kɔ̃ we kɔ̃a ni.

MATIE 16:17

Nɛ Yezu tɔ̃ hã a na: “Simɔ, be 'da Yonasi, mɔ a wi yangga. We kɛ wi a wi nù hã a bè gbãlã we gɛ hã mɔ gɔ, nɛ nde wi a Baa mi, kɛ a li nza i ni, hã a bia ma hã mɔ.

MATIE 19:24

Nɛ mi tɔ̃ 'bɔ na, nɛ zɔ́ gã sa'de ɔ nɛ samo. Takɔ a le li holo tonga ma nganda wena. Nɛ nde takɔ wi kpamɔ le kɔ le nwa 'da Gale, ma nganda nɛa ngɔ ki ni.”

MATIE 21:31

Kɔ sanga wa bɔa ni, wi dɛa olo nu baa ɛ, wi a wele ki nge nde?” Nɛ wa gese na: “Wi a kuti be.” Nɛ Yezu tɔ̃ hã wa na: “Mi tɔ̃ hã nɛ do gbãlã we na, owi futa takonɔ, do owuko vĩ zunɔ wa hɔ sɛ kɔ le nwa 'da Gale dati hã nɛ.

MATIE 5:18

Mi tɔ̃ hã nɛ do gbãlã we na, gbaa na li nza do nùi 'danga ni, nɛ nde wa fó sɛ mɔ kpo tɛ mbula gɔ, nɛ gbãlã mbɛti kpo kɔ nɛ bísí sɛ gɔ, gbaa na mɛnɔ vɛ̃ dɛ tɛ̃ ɛ, sɛ nɛ de.

MARKO 10:14

Kɔ Yezu nɛa we zɔ ní, nɛ zã a nɔ̃lɔ̃, nɛ a dãlã do Owi yambala mɛnɔ na: “Nɛ tɛ gà benɔ we tɛ 'da mi nga gɔ. Nɛ lá wa kɔ wa tɛ, we duzu kɛ le nwa 'da Gale ma we winɔ kɛ sila wa ɔ nɛ sila benɔ gɛ ni.

MARKO 9:47

Kɔ fala kɛ mbee gbali mɔ fi mɔ kɔ 'dã mɔ, nɛ mɔ 'dɔ́ ma do'do! We kɛ ma dia fɛ̃ na, mɔ le kɔ le nwa 'da Gale do gbali mɔ kpo, olo li kɛ na mɔ le li gba nyɛa we do gbali mɔ bɔa nɛ ni.

YOANƐ 1:13

Nɛ nde wa hɔ̀ zi benɔ 'da Gale do tɛlɛ tɛ linggamɔ zu wele, tabi do tɛlɛ tɛ tunu tɛ wi mɔ́ wele, tabi do tɛlɛ tɛ kɛ wa ko do wele ngɔ nù gɛ ni gɔ. Gale a kua wa.

YOANƐ 1:5

Sa fala ni sa kɔ tũ fala, nɛ tũ fala wè tɛ kele li nɛ gɔ.

YOANƐ 1:51

Nɛ Yezu tɔ̃ 'bɔ na: “Mi tɔ̃ hã nɛ do gbãlã we na, nɛ zɔ sɛ li nza, nɛ nde ma hũi, kɔ oanzɛnɔ 'da Gale wa kũ, nɛ wa zĩlĩ 'da mi Be 'da Wele!”

YOANƐ 12:40

“Mi Gale, mi lɔa li wa do'do na, da dɛ kɔ gbali wa zɔ́ mɔ gɔ. Nɛ mi ɛnzɛ hã zã wa do'do na, da dɛ kɔ zu wa bá mɔ, kɔ wa kífí sila wa, hã mi kpasa wa gɔ.”

YOANƐ 3:4

Nɛ Nikodɛmɛ aka a na: “Wa nɛ dɛ fala ko 'bɔ kpasa wele fala bɔa ni nɛ nde? A wia we kpolo tɛ̃ a kɔ zã naa a, nɛ a ko 'bɔ a fala bɔa nde?”

2 KORINTƐ 4:4

Owinɔ ni wa kɔ̃̀ zu li Gale gɔ, we kɛ 'dã gale ngɔ nùi gɛ, a bi gbãlã zã wa do'do. A dɛa na, dɔ wa zɔ́ tɛlɛ tɛ kɛ Dia Sakoe yele ngɔ nùi gɛ, nɛ ma be dɔ̃lɔ̃ li 'da Kristo, kɛ a ba tɛlɛ tɛ Gale ngboo ni gɔ.

2 KORINTƐ 5:17

Fala kɛ wele hɔ wi 'da Kristo, nɛ nde a hɔa mbé wele ia. Ã mɛnɔ zi ni ma la, nɛ mbé mɛnɔ ma hɔa.

GALATI 6:15

Kɔ fala wele nɛ gaza, tabi a nɛ̀ gaza gɔ, nɛ nde ma dɛ́ mɔ gɔ. Mɛ kɛ ma dɛ mɔ, mɛ a kɛ na, Gale dɛ lɛ do mbé wi.

EFƐZƐ 2:1

Zi dati, nɛ ɔ zi nɛ winɔ kɛ wa fi fia ni, we duzu yɔa ti dɛa mɛnɔ do 'dã mɛnɔ 'da nɛ.

Mbulanɔ 29:4

NWA kã nɛ do li gba zɔ̃ 'do 'bu sabɛlɛ nalɛ, nɛ a dɛa na, tulu tɛ nɛ do mɔ nyanga nɛ, ma tɛ ɛ̃̀ gɔ.

TITO 3:5

nɛ a kpasa lɛ. A kpàsà lɛ we dia dɛa to tɛ lɛ gɔ, nɛ nde a kpasa lɛ, we kɛ a ĩ 'bako hã lɛ. A fɔla 'dã mɔ kɔ sila lɛ, nɛ a kua lɛ fala bɔa, nɛ a hã mbé kpasi hã lɛ do wala 'da Hi Wi Santo.

ZAKE 3:17

Nɛ nde hã zã kɛ ma yula 'da Gale ni, ma si tɛ ɛ do ki ni. Wi kɛ a do hã zã kɛ ma yula 'da Gale ni, a a wi kɛ sila a a sa, a a wi dɛ na, do wi gɛ̃a sila, nɛ gbãlã zã a boe. A do 'bako ongba a li a boe, nɛ a a wi dɛ de mɔ. A sáká bula li wele gɔ, nɛ a ɔ́lɔ́ wele gɔ.

1 PETRO 1:3

Lɛ dɔ́nggɔ́ Gale, Baa Nwa 'da lɛ Yezu Kristo, we kɛ a ĩ 'bako hã lɛ wena, nɛ a hã mbé kpasi hã lɛ do wala 'da Yezu Kristo, kɛ a tunu a kɔ fio ni. Ma kɛ lɛ e sila lɛ ngɔ kpasi kɛ lɛ kpa sɛ ma ni.

1 YOANƐ 2:29

Ɔ nɛ kɛ nɛ ĩ na, Yezu a bɔlɔ zu wele ni, nɛ wia 'bɔ we ĩ na, wi kɛ a dɛ bɔlɔ zu dɛa mɔ ni, a a be 'da Gale.

1 YOANƐ 3:9

Wi kɛ a a be 'da Gale ni, a dɛ́ 'bɔ 'dã mɔ gɔ. Mba gɔ, mbé kpasi kɛ Gale hã hã a ni, ma ɔ dɛ kɔ sila a, nɛ fala do kɛ na, a dɛ 'bɔ 'dã mɔ ni bina, we kɛ a hɔa be 'da Gale ia.

1 YOANƐ 5:1

Wi kɛ a kɔ̃a na, Yezu a Mɛsiya ni, a a be 'da Gale. Nɛ wi kɛ a kɔ̃ gɛnɛ Gale Baa, nɛ a kɔ̃ sɛ tɛ mɛ 'bɔ gɛnɛ obenɔ 'da Gale.

1 YOANƐ 5:18

Lɛ ĩ na, wi kɛ a a be 'da Gale ni, a dɛ́ 'dã mɔ gɔ, we kɛ Yezu Be 'da Gale tɛ zɔ mɔ tɛ a, nɛ Satana wè tɛ dɛ mɔ kpo do a gɔ.

1 YOANƐ 5:4

Wi kɛ a a be 'da Gale ni, a wia we nɛ ngɔ 'dã mɛnɔ nù gɛ. Nɛ mɛ ma hã ngawi hã lɛ na, lɛ nɛ ngɔ 'dã mɛnɔ ni, mɛ a kɔ̃a we kɛ lɛ kɔ̃a do zu li Yezu ni.

USU MƐNƆ 3:14

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Laodise ni na: “Wi kɛ a dɛa toe 'da Gale ia vɛ, kɔ a tɔ̃ gulu we 'da Gale do gbãlã we ngboo, nɛ a 'bɔ a wi kɛ Gale dɛa zɛ́ mɛnɔ vɛ̃ do wala 'da a ni tɔ̃a na: