FILEMƆ 1:9 - WE NU GALE 1995

⁹ nɛ nde mi kɔ̃a we aka mɔ do dia sila iko, we duzu kɔ̃a ngba wi 'da lɛ do mɔ. Wi aka mɔ, i a mi Polo, kɛ mi a kpasa wi, nɛ di ngangga ni, mi a wi bɔlɔkɔ we duzu Yezu Kristo ni.

FILEMƆ 1:9 Iomraidhean Croise

Zumanɔ 71:18

Ngangga gɛ, mi dɛa kpasa wi, nɛ zu mi kutu mbu, nɛ nde Gale, mɔ tɛ bɛ gɛnɛ mi gɔ. Mɔ ɔ́ do mi fala nɛ kpo, takɔ mi tɔ̃ lɛnggɛ mɛnɔ mɔ dɛa do ngawi 'da mɔ ni hã obe zã lɛ kɛ wa sanza gɛ.

Zumanɔ 71:9

Ngangga ni, mi dɛa gbɛlɛ, nɛ ngawi 'da mi ia, nɛ nde mɔ tɛ bɛ gɛnɛ mi gɔ.

GBA WENƆ 16:31

Wi dɛ bɔlɔ zu dɛa mɔ a dungu sɛ nza, nɛ 'do a nyɛlɛ, nɛ mbu zu a sɛ a ndasa dɔ̃lɔ̃ li we a.

Ezai 46:4

Mi a Gale 'da nɛ, nɛ mi zɔ sɛ mɔ tɛ nɛ fai. Mi zɔ sɛ mɔ tɛ nɛ gbaa na, zu nɛ kutu mbu, nɛ nɛ dɛ gbɛlɛ. Mi a mi dɛa nɛ, nɛ mi a wi zɔ mɔ tɛ nɛ. Mi gbaka sɛ nɛ, nɛ mi kpasa sɛ nɛ kɔ ngamɔ.

ROMA 12:1

Aa onyae, ɔ nɛ kɛ Gale bia dia zã 'da a hã lɛ na mɛ ni, mi aka nɛ na, nɛ há kpasi 'da nɛ vɛ hã Gale ɔ nɛ dɔnggamɔ kɛ wa dɔ hã a ni, nɛ hã tɛ nɛ we do kɛ na, nɛ hã yangga hã a, nɛ a kɔ̃ gɛnɛ nɛ. Ki ni mɛ a ngbongbo wala kɛ nɛ wia we dɔnggɔ do Gale gɛ a ni.

2 KORINTƐ 5:20

Ma kɛ lɛ yɛnggɛ we be we 'da Kristo, ɔ nɛ Owi nɛ tonɔ 'da Gale ngboo ni. Mba gɔ, Gale ngboo a sa mɔ hã nɛ do wala 'da lɛ. Kɔ lɛ aka nɛ do zu li Kristo na, nɛ e Gale, hã a 'dafa sanga tɛ̃ a do nɛ.

2 KORINTƐ 6:1

Kɔ lɛ winɔ kɛ lɛ dɛ toe fala nɛ kpo do Gale ni, lɛ aka nɛ na, da dɛ kɔ dia zã kɛ Gale bia hã nɛ ni, ma ɔ́ yala iko gɔ.

GALATI 3:26

Nɛ vɛ́ kɛ nɛ kɔ̃a zu li Yezu Kristo ni, nɛ hɔa benɔ 'da Gale we duzu a.

EFƐZƐ 3:1

We duzu ma, mi Polo, mi sambala Gale we nɛ kɛ nɛ a Oyuda gɔ ni. Mi a wi bɔlɔkɔ we duzu toe kɛ Yezu Kristo tumba mi we dɛ hã nɛ ni.

EFƐZƐ 4:1

We duzu ki ni, ma hã mi, kɛ mi a wi bɔlɔkɔ we dɛa toe 'da Nwa ni, mi ala nu mi hã nɛ na, nɛ 'dáfá dungi 'da nɛ, kɔ ma we do dungi kɛ Gale sa zi mɔ hã nɛ we nɛ ni.

EFƐZƐ 6:20

Gɛnɛ kɔ mi a wi bɔlɔkɔ, nɛ nde mi a wi nɛ toe 'da Kristo we be Dia Sakoe hã owinɔ. Kɔ nɛ sámbálá Gale we mi na, a hã kpã sila hã mi we be Dia Sakoe ɔ nɛ kɛ ma wia ni.

1 TIMOTE 1:12

Mi hã iɔ̃nae hã Yezu Kristo Nwa 'da lɛ, we duzu kɛ a hã ngawi dɛ toe gɛ hã mi. Mi hã iɔ̃nae hã a, we kɛ a zɔa zi na, mi wia we dɛ toe 'da a, nɛ a saka mi we nɛ ni.

TITO 2:2

Mɔ té hã okpasa wi wilinɔ na, wa tɛ hã̀ tɛ wa we nɔ dɔ̃ gɔ, wa dĩlĩ fala tɛ wa, nɛ wa ɔ Owi kɛ gbãlã zã wa boe. Sila wa nɔ kɔ kɔ̃a we 'da wa, nɛ wa kɔ gɛnɛ ongba wa, nɛ wa ni sila wa kɔ ngamɔ.

OHEBRE 13:19

Kɔ mi dala nu mi hã nɛ na, nɛ áká Gale na, a gese mi hã nɛ dɔ̃.

1 PETRO 2:11

Aa oyali ngba mi, nɛ ĩ na, nɛ ngɔ nù gɛ a gɛnɛ iko, ngbongbo le 'da nɛ ngɔ nù gɛ bina. We duzu ma, mi ala nu mi hã nɛ na, nɛ bɛ̃́ gɛnɛ 'dã wɔ kɔ kili tɛ nɛ, kɛ ma bi do dia linggamɛnɔ kɔ sila nɛ ni do'do.

Owi kpe dati 21:22

Nɛ wa tɔ̃ 'bɔ na: “'Da fala kɛ obaa be zɔnganɔ ni, tabi onya wa, wa tɛ we ala nu wa dati lɛ nde, nɛ lɛ tɔ̃ sɛ hã wa na: ‘Nɛ kɔ̃ nde, nɛ nɛ la wa, hã wa kala wukonɔ ni, we duzu kɛ owukonɔ kɛ lɛ kala zi wa li bole tɛ Yabɛsi i ni, wa kpà zi zu wa gɔ. Kɔ ɔ nɛ kɛ nɛ a nɛ hã̀ obe zɔnga benɔ 'da nɛ hã wa do kɔ sila nɛ gɔ ni, wele kpo kɔ́'dɔ́ sɛ nɛ na, nɛ yala mbuli kɛ nɛ kpua zi ma ni gɔ.’ ”