FILEMƆ 1:7 - WE NU GALE 1995

⁷ Aa nyae, kɔ̃a zã kɛ mɔ kɔ̃a do gɛnɛ owinɔ 'da Gale, nɛ mɔ nganda do sila wa ni, ma hã yangga hã mi, nɛ ma gɛ̃ 'bɔ sila mi wena.

FILEMƆ 1:7 Iomraidhean Croise

1 KORINTƐ 16:18

Nɛ wa gɛa sila mi ɔ nɛ kɛ wa gɛa zi tɛ mɛ 'bɔ do sila nɛ ni. Kɔ ma wia na, nɛ ĩ ti dɔnggɔ Owele kɛ wa ɔ na mɛ ni.

2 KORINTƐ 7:13

Kɔ we duzu ki ni, ma kɛ mɛ nɛ dɛa ni, ma hã kpã sila hã lɛ ni. Nɛ lɛ kpà tati a kpã sila iko gɔ, nɛ nde sila lɛ dunu do yangga we zɔ na, Tito yula 'da nɛ i, nɛ a si do yangga we mɛnɔ vɛ̃ nɛ dɛa hã a, do kɛ nɛ mbɔkɔ sila a ni.

2 KORINTƐ 7:4

Mi do kafi ngɔ nɛ bina, nɛ mi dɔnggɔ tɛ mi do nɛ. Nɛ kɔ 'bakonɔ vɛ́ lɛ kpa ni, nɛ nde mi mbɔ́kɔ́ gɔ, nɛ mi do yangga wena.

1 TƐSALONIKƐ 1:3

Ta zu lɛ 'bana ngɔ dɛa toe kɛ nɛ dɛ ma olo kɔ̃a we 'da nɛ, do tɛlɛ tɛ kɛ nɛ kɔ̃a ngba nɛ do sila nɛ kpo, nɛ nɛ gbini zã nɛ do Nwa 'da lɛ Yezu Kristo do nɔa sila ngboo ni, nɛ lɛ lengge ma dati Baa lɛ Gale 'da fala fai.

1 TƐSALONIKƐ 2:13

Mbe gulu kɛ lɛ hã 'bɔ iɔ̃nae hã Gale fai ni ma kɛ: 'Da fala kɛ nɛ zila zi we 'da Gale kɛ lɛ bia hã nɛ ni, nɛ nɛ kɔ̃̀ zi gɛnɛ nɛ ɔ nɛ lɛnggɛ nu wele iko gɔ, nɛ nde nɛ kɔ̃a na, mɛ a we nu Gale ngboo, nɛ ma tɛ dɛ to kɔ sila nɛ winɔ kɛ nɛ kɔ̃a ma ni.

1 TƐSALONIKƐ 2:19

Mba gɔ, 'da fala Nwa 'da lɛ Yezu a hɔ sɛ nɛ ni, nɛ lɛ gbini sɛ zã lɛ do wio nde? Nɛ lɛ dɛ sɛ yangga we wio nde? Lɛ dɔnggɔ sɛ tɛ lɛ gbali a do wio nde? Lɛ dɔ́nggɔ́ sɛ tɛ lɛ tati a do nɛ gɔ nde?

1 TƐSALONIKƐ 3:9

Kɔ lɛ nɛ hã iɔ̃nae hã Gale we duzu nɛ tɛlɛ tɛ nɛ nɛ nde? We kɛ yangga kɛ nɛ hã ma hã lɛ dati a ni, ma nɛa ngɔ mɛnɔ vɛ̃.

2 TIMOTE 1:16

E kɔ Nwa be dia zã 'da ɛ hã nu fɛlɛ Onezifɔrɛ, we kɛ a hã zi kpã sila hã mi fala dɛlɛ wena, nɛ sape bà zi li a we bɔlɔkɛ mi lia ni gɔ.

FILEMƆ 1:20

Kɔ nyae, mi aka mɔ do zu li Nwa na, mɔ gala mi kɔ we gɛ, nɛ mɔ gɛ̃ sila mi, ɔ nɛ kɛ onya wi kɔ Kristo wa dɛ ni.

2 YOANƐ 1:4

Mi dɛa yangga wena we zele na, ombe benɔ 'da mɔ wa dɛ gbãlã we dɛa mɔ, ɔ nɛ kɛ Baa lɛ Gale ba do nu a hã lɛ ni.