FILEMƆ 1:6 - WE NU GALE 1995

⁶ Kɔ mi aka Gale na, kɔ̃a we 'da lɛ do mɔ ma dɛ na, lɛ ĩ ti 'du gulu de dɛa mɛnɔ vɛ̃ kɛ lɛ wia we dɛ ma we duzu Kristo ni.

FILEMƆ 1:6 Iomraidhean Croise

MATIE 25:16

Nɛ wi dɛa toe kɛ a kpa gbãlã mbili kote mɔlɔ ni la do ti, nɛ a ma ngɔ dɛ buliye do mbili ni, nɛ a kpa ngɔ nɛ gbãlã mbili koto mɔlɔ 'bɔ.

MATIE 5:16

Kɔ ma wia na, nɛ nyɛ ɔ nɛ mwinda ni dati winɔ, takɔ wa zɔ de dɛa mɛ kɛ nɛ dɛ ni, kɔ wa dɔnggɔ Baa nɛ, kɛ a li nza i ni.

1 KORINTƐ 14:25

Nɛ usu wenɔ kɔ sila a ni ma be sɛ tɛ ɛ dɛ nza. Kɔ a ĩ ti ma, nɛ a gu sɛ nù dati Gale we dɔnggɔ a, nɛ a tɔ̃ sɛ na: “Gbãlã we, Gale sanga winɔ gɛ boe!”

1 KORINTƐ 16:9

Mba gɔ, gɛnɛ kɔ owi sɛnɛ mi wa dɛlɛ Efɛzɛ gɛ wena, nɛ nde Gale hũi wala hã mi na, mi dɛ gã to hã a kɔ le gɛ.

FILIPƐ 4:8

Onyae, tala lɛnggɛ 'da mi ma kɛ: Nɛ lénggé tati a do mɛnɔ kɛ ma a dia, nɛ ma do dĩ ni, mɛnɔ kɛ wa wia tɛ kɔ̃ gɛnɛ nɛ, nɛ ma a gbãlã we, nɛ ma a bɔlɔ, nɛ ma a sa, nɛ wele dɛ yangga do ma, nɛ wa dɔnggɔ ma ni.

KƆLƆSƐ 1:9

Gulu nɛ a yolo do ngba soe kɛ lɛ zila do lɛnggɛ 'da nɛ ni, lɛ ɔ̀mɔ̀ tɛ sambala Gale we duzu nɛ gɔ. Lɛ aka a na, Hi Wi 'da a hã hã zã hã nɛ, takɔ nɛ ĩ ti mɛnɔ vɛ̃ kɛ Gale kɔ̃a na, nɛ dɛ ma ni.

KƆLƆSƐ 3:10

nɛ nɛ hɔa mbé wi ia. Gale kɛ a dɛa nɛ do mbé wi ni, a tɛ kifi dɛa mɔ tɛ nɛ fai na, nɛ hɔ a ngboo, nɛ nɛ ĩ ti a do dia nɛ.

TITO 3:14

Nɛ ma wia 'bɔ na, winɔ 'da lɛ wa yambala we dɛ dia dɛa to fai, takɔ wa gala do winɔ do ngba soe kɛ sã ba wa ni. Na mɛ ni, nɛ dungu nza 'da wa sɛ yala iko gɔ.

OHEBRE 6:10

Gale a wi bɔlɔ zu, nɛ ta zu a élé sɛ ngɔ de dɛa mɛnɔ 'da nɛ, do kɔ̃a zã nɛ kɔ̃a do a ni gɔ. We kɛ a zɔa tɛlɛ tɛ kɛ nɛ gala zi onya nɛ wi kɔ̃a wenɔ, nɛ nɛ 'bana tɛ gala wa tia do sɔɛ gɛ ni.

ZAKE 2:14

Aa onyae, fala kɛ wele tɔ̃ na, ɛ kɔ̃a zu li Gale, kɔ a dɛ́ mɛnɔ kɛ zã Gale kɔ̃a ni gɔ, nɛ gulu wenɔ kɛ a tɔ̃ ni na ge nde? Kɔ̃a we ki ni ma kpasa sɛ a nde?

ZAKE 2:17

Kɔ̃ zu li Gale ma ɔ na mɛ ni. Fala kɛ wele tɔ̃ na, ɛ kɔ̃a Gale, nɛ nde a dɛ́ mɛnɔ kɛ zã Gale kɔ̃a ni gɔ, nɛ nde kɔ̃a we 'da a fi fia.

1 PETRO 2:12

Nɛ dɛ́ bɔlɔ zu dɛa mɔ sanga owinɔ kɛ wa tɛ ĩ̀ ti Gale gɔ ni. Nɛ dɛ ní, hã gɛnɛ kɔ wa tɔ̃ na, nɛ a o'dã wi, nɛ wa zɔ sɛ de dɛa mɛnɔ kɛ nɛ dɛ ma fai ni, nɛ wa dɔnggɔ sɛ Gale do ngba soe kɛ a tɛ sɛ nɛ ni.

1 PETRO 3:1

Nɛ nɛ, owukonɔ tɛ mɛ 'bɔ, nɛ zélé nu owili nɛ. Kɔ fala kɛ ombe sanga owili nɛ, wa kɔ̃̀ we nu Gale gɔ, nɛ wa zɔ sɛ dia dɛa to tɛ nɛ kɛnɛ wa. Nɛ gɛnɛ kɔ nɛ tɔ̃̀ mbula hã wa tɔ̃a gɔ,

1 PETRO 3:16

Nɛ nde nɛ tɔ̃́ hã wa do gɛ̃a sila, nɛ nɛ dɔnggɔ wa. Nɛ dɛ́ fai a mɛ kɛ nɛ ĩ na, ma a bɔlɔ ni, takɔ winɔ kɛ wa dã zu li de dɛa mɛ kɛ nɛ dɛ ma do zu li Kristo ni, wa kpa sape we 'dã wenɔ wa tɔ̃ ni.

2 PETRO 1:8

Nɛ zɔ́, dia dɛa mɛnɔ kɛ ma wia na, nɛ dɛ gɛ a ni. Kɔ fala kɛ nɛ dɛ ni fai, nɛ tonɔ 'da nɛ ma de sɛ dɛ dati, nɛ ma ko sɛ de mɔ, nɛ ma gbaka sɛ nɛ we ĩ ti Nwa 'da lɛ Yezu Kristo do ngbongbo nɛ.