FILEMƆ 1:24 - WE NU GALE 1995

²⁴ Nɛ Marko, do Aristarkɛ, Demasi, do Luka, kɛ wa a ongba mi wi dɛa toe ni, wa fana 'bɔ mɔ.

FILEMƆ 1:24 Iomraidhean Croise

Owi Nɛ Tonɔ 12:12

Nɛ Petro lingga mɔ ni gbaa, nɛ a la dɛ nu tɔa 'da Mana, naa Yoanɛ Marko. Nɛ nde ogba gili wele wa mba zi li ngba wa dɛ di ni, tɛ sambala Gale we duzu a.

Owi Nɛ Tonɔ 12:25

Kɔ Barnabasi do Saulo wa dɛa toe 'da wa Yeruzalɛmɛ ia do'do, nɛ wa kpolo tɛ wa fala nɛ kpo do Yoanɛ Marko.

Owi Nɛ Tonɔ 13:13

Polo do winɔ 'da a, wa yula tɛ Pafosi, nɛ wa le masua, nɛ wa la dɛ Pɛrzɛ, tɛ ngɔ nù Pamfili. Wa hɔa i mɔ, nɛ Yoanɛ Marko la wa dɛ di ni, nɛ a kpolo tɛ̃ a dɛ Yeruzalɛmɛ i.

Owi Nɛ Tonɔ 19:29

Nɛ wa fi balia, nɛ ma yɛ'ba kɔ le vɛ. Nɛ winɔ ni, wa kala Gayusi do Aristarkɛ, Omasedɔanɛnɔ kɛ Polo yɛnggɛ do wa ni, nɛ wa la do wa zununu dɛ li gba fanda dɛa sa i.

Owi Nɛ Tonɔ 27:2

Nɛ lɛ kũ masua kɛ ma yula Adramitɛ, nɛ ma yɛnggɛ tɛ yolo nù do nu kolonɔ ngɔ nù Azi ni. Nɛ Aristarkɛ, wi Tɛsalonikɛ, tɛ ngɔ nù Masedɔanɛ la do lɛ.

2 KORINTƐ 8:23

Nɛ kɛ 'da Tito, a a yali ngba mi, nɛ a dɛ to fala nɛ kpo do mi we gala nɛ. Nɛ ogele onya lɛ ni, wa a owinɔ kɛ oeklezianɔ wa tumba wa, nɛ toe 'da wa ma hã dɔ̃lɔ̃ li hã Kristo.

FILIPƐ 2:25

Nɛ nde mi zɔa na, ma dia fɛ̃ na, mi tombo nya mi Epafroditɛ hã nɛ. A a ngba mi wi dɛa to, nɛ lɛ bi zi bole do a kpo we be Dia Sakoe. Nɛ nɛ tumba zi a hã mi, takɔ a gala mi do mɛnɔ kɛ mi zɔla ni.

FILIPƐ 4:3

Nɛ kɛ 'da mɔ, ngbongbo ngba mi wi dɛa toe, mi aka mɔ na, mɔ gálá wa, we kɛ wa dɛa zi to do mi we yɛ'bɛ Dia Sakoe, fala nɛ kpo do Klema, do tala ongba mi wi dɛa tonɔ, kɛ li wa vɛ̃ kɔ 'Buku Kpasi ni.

KƆLƆSƐ 4:10

Aristarkɛ, ngba mi wi bɔlɔkɛ, mba do Marko, nya Barnabasi wa tumba balɛ hã nɛ. Mi tɔ̃a zi we 'da Marko hã nɛ ia. Kɔ a hɔ 'da nɛ mɔ, nɛ nɛ dɛ́ a do dia nɛ.

KƆLƆSƐ 4:14

Luka, monganga kɛ a ngɔ sila lɛ ni, do Demasi wa hã balɛ hã nɛ.

1 PETRO 5:13

Owi kɔ̃a wenɔ tɛ Babilɔnɛ, kɛ Gale saka zi wa ɔ nɛ kɛ a saka do nɛ ni, wa tumba balɛ hã nɛ. Nɛ be 'da mi Marko hã 'bɔ balɛ hã nɛ.

3 YOANƐ 1:8

Kɔ we duzu ma, ma wia na lɛ owi Kristonɔ, lɛ gala owinɔ wa ɔ ní ni, takɔ lɛ mba do wa kpo kɔ dɛa toe 'da wa we be gbãlã we 'da Gale.