FILEMƆ 1:16 - WE NU GALE 1995

¹⁶ Kɔ ngangga ni, mɔ tɛ zɔ̀ 'bɔ a nɛ ngbá gɔ, we kɛ a nɛa ngɔ ngbá wena, a hɔa nya lɛ ngɔ sila lɛ. Mi kɔ̃ gɛnɛ a wena, nɛ mɔ kɔ̃ sɛ 'bɔ gɛnɛ a nɛ ngɔ kɛ 'da mi. Mba gɔ, a 'bɔ a ngbá 'da mɔ iko gɔ, nɛ nde a a nya mɔ ngboo kɔ Kristo.

FILEMƆ 1:16 Iomraidhean Croise

MATIE 23:8

“Nɛ nde kɛ 'da nɛ, nɛ tɛ kɔ̃̀ na, Owele wa sa li nɛ na ‘Wi be mɔ’ gɔ, we kɛ nɛ vɛ̃ a onya wi, nɛ nɛ do wi be mɔ kpo iko.

Owi Nɛ Tonɔ 9:17

Nɛ Ananiasi nɛa, nɛ a hɔ nu tɔa 'da Yudasi i, nɛ a le, nɛ a e kɔ̃ a zu Saulo, nɛ a tɔ̃ hã a na: “Nyae Saulo, Nwa Yezu kɛ a hɔa zi dati mɔ li wala i, tɛ tɛ mɔ́ mɔ ni, a tumba mi hã mɔ. A kɔ̃a na, mɔ zɔ 'bɔ mɔ, nɛ ngawi 'da Hi Wi Santo dunu kɔ mɔ.”

1 KORINTƐ 7:22

Mba gɔ, wi kɛ a zi a ngbá 'da fala Nwa Gale sa do mɔ hã a ni, a 'bànà 'bɔ ngbá gɔ, we kɛ Kristo gɔnɔ zu a, nɛ a hɔa wi 'da a. Ma 'bɔ na mɛ ni, we duzu wi kɛ Gale sa zi mɔ hã a, nɛ nde a zi a ngbá gɔ ni, a hɔa ngbá 'da Kristo.

KƆLƆSƐ 3:22

Nɛ, ongbánɔ, nɛ zélé nu owele nɛ ngɔ nù gɛ kɔ mɛnɔ vɛ̃. Nɛ tɛ zèlè nu wa do ngɔ li wa iko, we de li wa gɔ, nɛ nde nɛ zélé nu wa do dia sila vɛ̃, we kɛ nɛ dɛ kili Nwa Yezu.

1 TIMOTE 6:2

Nɛ ongbánɔ kɛ onwa ngɔ wa wa a owi kɔ̃a we ni, wa tɛ è kɔ̃a we 'da onwanɔ ni do li wa na, wa a onya lo wi kɔ̃a we, kɔ wa zɔ wa yala iko gɔ. Nɛ nde ma dia fɛ̃ na, wa dɛ tonɔ hã wa de dɛ dati, we kɛ owi kpa de mɔ olo toe ni, wi a onya wa wi kɔ̃a wenɔ, kɛ wa kɔ̃a gɛnɛ wa ni. Mɔ zɔ́ wenɔ kɛ mɔ wia tɛ be ma, nɛ mɔ dala nu mɔ tɛ nɛ ni, ma kɛ:

OHEBRE 3:1

Na mɛ ni, onyae wi kɔ̃a wenɔ, kɛ Gale sa zi 'bɔ mɔ hã nɛ ni, nɛ á linggamɛnɔ 'da nɛ dɛ ngɔ Yezu, kɛ Gale tumba a we ɔ gã nwa nganga ngɔ wenɔ lɛ kɔ̃a ma gɛ ni.

1 YOANƐ 5:1

Wi kɛ a kɔ̃a na, Yezu a Mɛsiya ni, a a be 'da Gale. Nɛ wi kɛ a kɔ̃ gɛnɛ Gale Baa, nɛ a kɔ̃ sɛ tɛ mɛ 'bɔ gɛnɛ obenɔ 'da Gale.