FILEMƆ 1:14 - WE NU GALE 1995

¹⁴ Nɛ nde mi kɔ we dɛ ni do kɔ sila mi iko gɔ, kɔ mi aka mɔ dati sɛ nɛ de. Mi kɔ we hɛ̃lɛ̃ mɔ we dɛ de mɔ hã mi hɛ̃lã gɔ, nɛ nde mi kɔ̃a na, mɔ dɛ ma do kɔ sila mɔ iko.

FILEMƆ 1:14 Iomraidhean Croise

1 Sakonɔ 29:17

“Aa Gale 'daa, mi ĩ na, mɔ ĩ ti linggamɔ zã Owele kɛ ma usu tɛ̃ ɛ usu ni, nɛ mɔ kɔ̃a gɛnɛ bɔlɔ zu dɛa mɔ. Kɔ mi hã okpamɛnɔ 'da mi gɛ hã mɔ do dia sila. Sɔɛ gɛ, mi zɔa owinɔ 'da mɔ, wa mba li ngba wa do yangga we hã mɔ hã mɔ.

Zumanɔ 110:3

Do ngba soe mɔ nɛ bi Owi sɛnɛ mɔ ni, nɛ onga sodanɔ wa kã sɛ mɔ do dia sila, nɛ obe zagbãlãnɔ wa mba sɛ do mɔ fala nɛ kpo tɛ ngɔ kala santo, nɛ wa kpa falanɔ vɛ̃ ɔ nɛ mbɔɛ titole ni.

1 KORINTƐ 9:17

Kɔ ɔ do kɛ mi saka zi toe gɛ do tɛ mi, nɛ ma wia sɔ na wa futa mi do nɛ. Nɛ nde mi a mi sàkà ma gɔ, mɛ a toe kɛ Nwa hã hã mi, nɛ ma gɔa na mi dɛ ma iko.

1 KORINTƐ 9:7

Nɛ zila mbe na, soda dɛa to, nɛ a futa tɛ̃ a do kpo tɛ̃ a nde? Nɛ wi wa fɔ nyɔ́ngɔ́ mɔ li fɔɛ 'da a gɔ nde? Nɛ wi dala odua nɔ́ mbe lì bele wa gɔ nde?

2 KORINTƐ 1:24

Lɛ kɔ̃̀ na, lɛ hɛ̃lɛ̃ nɛ we kɔ̃ mɛnɔ kɛ ma wia na nɛ kɔ̃ ma ni hɛ̃lã gɔ, we kɛ lɛ ĩ na, kɔ̃a we 'da nɛ nganda ia. Nɛ lɛ kɔ̃a we dɛ toe do nɛ do tɛlɛ tɛ kɛ na, ma hã yangga hã nɛ.

2 KORINTƐ 8:12

We duzu kɛ 'da fala kɛ wele hã mɔ do dia sila, nɛ Gale kɔ̃ gɛnɛ ma, nɛ a lengge tati nɛ do mɛnɔ kɛ wele do ma ni, nɛ nde a lénggé do kɛnɔ wele do ma bina ni gɔ.

2 KORINTƐ 9:5

Ma kɛ mi aka zi onya lɛ ni na, wa la 'da nɛ i dati, takɔ wa 'dafa mbili zi nɛ da ma ni. Kɔ fala kɛ mi nɛ hɔ ma, nɛ nde nɛ ngɛma li ma vɛ ia, nɛ ma be sɛ na, nɛ hã ma do dia zã ngboo, nɛ nde wele ngbɔ̀kɔ̀ nɛ we nɛ ngbɔka gɔ.

2 KORINTƐ 9:7

Kɔ ma wia na, wele do wele hã mbili ɔ nɛ kɛ a kɔ̃a do sila a dati Gale we hã ma ni. Nɛ a tɛ hã̀ ma do 'bako kɔ sila a, tabi we kɛ wa ngbɔkɔ a we nɛ ngbɔka gɔ. We duzu kɛ Gale kɔ̃a gɛnɛ wele kɛ a hã mɔ do yangga ni.