FILEMƆ 1:11 - WE NU GALE 1995

¹¹ Zi dati, a dɛ́ zi to hã mɔ ngboo gɔ, nɛ nde ngangga ni, a wia tɛ gala mɔ ɔ nɛ kɛ a gala do mi ni.

FILEMƆ 1:11 Iomraidhean Croise

MATIE 25:30

Kɔ nɛ bá yɔnda wi dɛa toe gɛ, hã nɛ da a nza kɔ gba tũ, tɛ fala kɛ a he sɛ kɔ̃a, nɛ a nyɔngɔ li gogo a ni.’ ”

LUKA 15:24

We kɛ be 'da mi gɛ, a fia zi fia, kɔ a kpasa. A yɔa zi yɔa, kɔ mi kpa a.’ Nɛ wa ma ngɔ dɛ yangga.

LUKA 15:32

Nɛ nde ma wia na, lɛ dɛ mɔ dɔ, kɔ lɛ dɛ yangga, we kɛ nya mɔ gɛ, a fia zi fia, kɔ a kpasa. A yɔa zi yɔa, kɔ mi kpa a!’ ”

LUKA 17:10

Ma tɛ mɛ 'bɔ na mɛ ni we duzu nɛ. 'Da fala kɛ nɛ dɛ mɔ kɛ wele ba nu ɛ hã nɛ na, nɛ dɛ ni, nɛ nɛ tɔ̃́ na: ‘Lɛ a owi dɛa to, kɔ lɛ dɛa gɛ a mɛnɔ kɛ wa tumba lɛ we dɛ ma ni iko.’ ”

ROMA 3:12

Winɔ vɛ wa siki 'do wa lua do Gale, nɛ wa vɛ wa yɔa wala. Wi dɛ dia mɔ bina, mbamba wele kpo iko ni bina.

2 TIMOTE 4:11

Nɛ wi 'bana do mi tati a Luka zu a kpo. Mɔ tɔ̃̀ hã Marko, nɛ nɛ tɛ́ fala nɛ kpo do a. Mba gɔ, a wia sɛ tɛ gala mi li toe 'da mi i nga.

FILEMƆ 1:10

Kɔ mi aka mɔ we Onezimɛ, kɛ a hɔa be 'da mi tɛ kɔ bɔlɔkɔ gɛ.

FILEMƆ 1:12

A ngɔ sila mi ngboo. Kɔ ngangga ni, mi gese a hã mɔ.

1 PETRO 2:10

Zi dati, nɛ zi a winɔ 'da Gale gɔ. Nɛ nde ngangga gɛ, nɛ hɔa winɔ 'da a ia. Nɛ zi kɔ winɔ kɛ Gale ĩ 'bako hã wa ni bina. Kɔ ngangga gɛ, Gale ĩ 'bako hã nɛ ia.