Ɛsdrasi 5:1 - WE NU GALE 1995

¹ Do 'da fala ni, nɛ Owi gba olo nu Gale, Aze, do Zakaria, be 'da Ido, wa tɔ̃ hã Oyudanɔ tɛ Yeruzalɛmɛ do wanɔ tɛ Yuda na: “Gale 'da lɛ obe Israɛlɛ kɔ̃a na, lɛ ndo 'bɔ dɛa to tɔa Tɛmpɛloe.”

Ɛsdrasi 5:1 Iomraidhean Croise

Ɛsdrasi 4:24

Nɛ Oyudanɔ wa da kɔ̃ wa tɛ dɛa to tɔa Tɛmpɛloe 'da Gale tɛ Yeruzalɛmɛ. Nɛ dɛa to nɛ yula nù, gbaa we hɔ kɔ bɔa sabɛlɛ dɛa to nwa 'da Dariusi, gã nwa ngɔ nù Pɛrsɛ.

Ɛsdrasi 6:14

Nɛ okpasa winɔ 'da Yudanɔ wa ndua 'bɔ dɛ to Tɛmpɛloe do yangga, nɛ mbé mɔ kele ti wa bina. Wa kpa kpã sila ni we duzu owi gba olo nu Gale, Aze do Zakaria, be 'da Ido. Nɛ wa dɛa tɔa Tɛmpɛloe gbaa, nɛ ma ia nɛ́ tɛlɛ tɛ kɛ Gale 'da obe Israɛlɛ hã do mbula, do kɛ Sirusi, do Dariusi, do Artasɛrsɛsi, ogã nwa ngɔ nù Pɛrsɛ wa ba zi do nu wa ni.

AZE 1:1

Do zɛkɛ 'da gazɛlɛ, kɔ̃ nɛ kpo, kɔ bɔa sabɛlɛ dɛa to nwa 'da Dariusi, nɛ NWA Gale wila we hã wi gba olo nu a Aze. A ba nu a hã a na, a tɔ̃ toe gɛ hã wi fɔmɔ nù Yuda kɛ li a a Zorobabɛlɛ, be 'da Sealtiɛlɛ. Nɛ a tɔ̃ 'bɔ ma hã gã nwa nganga Yesua, be 'da Yosadakɛ.

AZE 2:18

Nɛ nde ma wia na, yolo do kɔ̃ tũi sɔɛ gɛ ni, nɛ sókó mɛ ma nɛ la nɛ ni do sɔ̃a li. Sɔɛ gɛ mɛ a zɛkɛ 'da kusi, kɔ̃ nɛ 'bu nɛ bɔa ngɔ nɛ nalɛ, nɛ mɛ a kɔ tũi wa ia zi do nyanga dɛ kuti Tɛmpɛloe ni.

ZAKARIA 8:9

“Ngangga ni, nɛ zila'bɔ kpo wenɔ kɛ owi gba olo nu mi Gale wa tɔ̃a zi hã nɛ, do 'da fala e nyanga dɛ tɔa Tɛmpɛloe 'da mi dɛ olo nɛ ni. Kɔ nɛ ngo tɛ nɛ.