Ɛsdrasi 4:3 - WE NU GALE 1995

³ Nɛ Zorobabɛlɛ, do Yesua, do ombe gele kpasa wi nu fɛlɛ kulanɔ 'da Oisraɛlɛ, wa gisa hã wa na: “Lɛ kɔ̃̀ na, nɛ gala lɛ we dɛ to Tɛmpɛlo hã Gale 'da lɛ gɔ. Lɛ zu lɛ kpo, lɛ dɛ sɛ ma, we kɛ mɛ sɛ a Tɛmpɛlo 'da NWA Gale 'da lɛ. Sirusi, gã nwa ngɔ nù Pɛrsɛ do tɛ̃ a hã 'bɔ nu a ní.”

Ɛsdrasi 4:3 Iomraidhean Croise

2 Sakonɔ 36:22

Do kuti sabɛlɛ dɛa to nwa 'da Sirusi, gã nwa ngɔ nù Pɛrsɛ, nɛ NWA Gale kɔ̃a zi we dɛ olo nu a kɛ a wila zɛ́ do wala 'da wi gba olo nu a Yeremi ni. Nɛ nwa ia linggamɔ ko sila Sirusi na, a sa mbula ngɔ nùi 'da a vɛ̃. Nɛ wa kɔma 'bɔ lɛnggɛ ni nɛ kɛ gɛ:

Ɛsdrasi 1:1

Do kuti sabɛlɛ dɛa to 'da Sirusi, gã nwa ngɔ nù Pɛrsɛ, nɛ NWA Gale kɔ̃a zi we dɛ olo nu a kɛ a wila zɛ́ do wala 'da wi gba olo nu a Yeremi ni. Nɛ a ia linggamɔ kɔ sila Sirusi na, a sa mbula ngɔ nùi 'da a vɛ̃, nɛ wa kɔmɔ 'bɔ ma do mbɛti. Lɛnggɛ ni ma kɛ:

Ɛsdrasi 1:2

“Nɛ zélé wenɔ kɛ Sirusi, gã nwa ngɔ nù Pɛrsɛ tɔ̃a na, wa sa ma do mbula ni. NWA Gale kɛ li nza i, a ia mi na, mi ɔ nwa ngɔ nùnɔ vɛ̃. A hã to hã mi na, mi dɛ mbé tɔa Tɛmpɛlo hɛ̃ ɛ tɛ Yeruzalɛmɛ, ngɔ nù Yuda.

Ɛsdrasi 1:3

E kɔ winɔ sanga nɛ gɛ vɛ̃, kɛ wa a winɔ 'da a ni, wa si dɛ Yeruzalɛmɛ, tɛ ngɔ nù Yuda, kɔ wa dɛ mbé Tɛmpɛlo 'da NWA Gale 'da obe Israɛlɛ, kɛ wa dɔnggɔ a tɛ Yeruzalɛmɛ ni. E kɔ Gale 'da wa ɔ do wa!

Ɛsdrasi 3:8

Yolo tɛ zɛkɛ 'da bɔa, kɔ bɔa sabɛlɛ 'do kɛ wa si dɛ Yeruzalɛmɛ, gã le kɛ Tɛmpɛloe 'da Gale kɔ nɛ ni, nɛ wa ndua dɛa to Tɛmpɛloe. Nɛ owinɔ wa dɛ zi toe ni, wi a Zorobabɛlɛ, be 'da Sealtiɛlɛ, do Yesua, be 'da Yosadakɛ, fala nɛ kpo do onya wa ombe onganganɔ, do olevitɛnɔ, do owanɔ vɛ̃ kɛ wa yula tɛ kɔlɔ 'duli i ni. Nɛ wa saka olevitɛnɔ, kɛ wa do 'bu sabɛlɛ bɔa, we la dɛ ngɔ ni, we zɔ mɔ tɛ dɛa to Tɛmpɛloe 'da NWA Gale.

NEHEMIE 2:20

Nɛ mi gisa hã wa na: “Wi a Gale li nza i do tɛ̃ a, hã a 'dafa sɛ na, ma dɛ gbãlã hã lɛ. Lɛ, owi tonɔ 'da a, lɛ nɛ kulu ngɔ dɛ tɛ toe gɛ, we zĩ ngbo nu le dɛ olo nɛ. Nɛ nde kɛ 'da nɛ gɛ, nɛ do mɔ kpo we kpa kɔ le Yeruzalɛmɛ bina, nɛ nɛ bá sɛ 'bɔ to nwa kpo kɔ nɛ gɔ. Nɛ fala kpo ta zu wele gbá sɛ ngɔ nɛ kɔ le Yeruzalɛmɛ gɔ!”

Ezai 44:28

Mi tɔ̃a hã nwa Sirusi na: ‘Mi saka mɔ na, mɔ kpe dati owinɔ hã mi. Mɔ dɛ sɛ mɛnɔ kɛ zã mi kɔ̃a ni. Mɔ ba sɛ nu mɔ na, wa dɛ le Yeruzalɛmɛ dɛ olo nɛ, nɛ wa ndo nyanga dɛ tɔa Tɛmpɛloe.’ ”

Ezai 45:4

nɛ mi ia mɔ na, mɔ gbáká obe Israɛlɛ, wi dɛa tonɔ 'da mi, kɛ mi saka wa ni. Gɛnɛ kɔ mɔ ĩ̀ ti mi gɔ, nɛ nde mi hã dɔ̃lɔ̃ li hã mɔ.

MATIE 10:16

“Nɛ zélé! Mi tumba nɛ, nɛ nɛ ɔ sɛ nɛ obata kɛ wa lia sanga ogɔ̃̀ ni. Kɔ li nɛ sɔ̃́ nɛ́ li gɔ̃ ni, nɛ sila nɛ gɛ̃ ɔ nɛ sila gbakulĩ ni.

YOANƐ 4:9

Nɛ wuke ni gese hã a na: “Ee! Mɔ a Yuda gɔ nde? Kɔ gulu kɛ mɔ gɔ lì kɔ̃ mi, wuko Samaria we ge nde?” (A gisa ní we kɛ Oyuda do Osamaria, wa nyɔ́ngɔ́ zi mɔ kɔ̃ ngba wa gɔ.)

Owi Nɛ Tonɔ 8:21

Mɔ wè we mba do lɛ kɔ toe gɛ gɔ, we kɛ sila mɔ a sa li Gale gɔ.