Ɛsdrasi 4:2 - WE NU GALE 1995

² nɛ wa tɛa, nɛ wa kpa Zorobabɛlɛ do okpasa wi nu fɛlɛ kulanɔ, nɛ wa tɔ̃ hã wa na: “Lɛ kɔ̃a we gala nɛ tɛ dɛa to tɔa Tɛmpɛloe gɛ! Tua kɛ ndo do kɛ Asaradoni, nwa ngɔ nù Asiri 'dɔlɔ lɛ dɛ dɛ ni, lɛ dɔnggɔ kpo kpo Gale 'da nɛ, nɛ lɛ hã 'bɔ sa'de we gbɛ hã a.”

Ɛsdrasi 4:2 Iomraidhean Croise

Ndo Nyanga Dɛ Mɔ 10:11

Nɛmrɔdɛ kulu tɛ le ni, nɛ a la si ngɔ nù Asiri, nɛ a dɛ ole Ninivɛ, Rɛhɔbɔtɛ-Irɛ do Kela.

2 Onwanɔ 17:24

Nwa ngɔ nù Asiri kala Owi kɔ le Babilɔnɛ do Owi kɔ le Kuta, Ava, Hamatɛ do Sɛfarvaimɛ, nɛ a a wa tɛ kɔ lenɔ ngɔ nù Samaria takɔ wa ɔ dɛ fala olo Oisraɛlɛ kɛ a tumba wa kɔlɔ 'duli ni. Nɛ ogele winɔ ni, wa kala lenɔ 'da Oisraɛlɛ ni, nɛ wa dɛ tɔanɔ 'da wa dɛ di ni.

2 Onwanɔ 17:41

Wa mba zi dɔnggɔ NWA Gale fala nɛ kpo do dɔnggɔ okpikimanɔ 'da wa. Nɛ obe zã wa wa 'bana tɛ dɛ na mɛ ni fai tia do sɔɛ gɛ.

2 Onwanɔ 19:37

Wa hɔa i mɔ, nɛ mbe tũ kpo, nɛ Sɛnakeribɛ nɛa kɔ Tɛmpɛloe 'da gale 'da a Nisrɔkɛ, we sambala a. Nɛ ombe bulu benɔ 'da a bɔa, li wa a Adramelɛkɛ do Sarɛsɛrɛ, wa nɛa, nɛ wa dumu a do du kɔya, nɛ wa gbɛa a, nɛ wa yu dɛ ngɔ nù Araratɛ. Nɛ mbe kɔ obulu benɔ 'da a kpo, li a a Asaradoni, a dungu nwa olo a.

Ɛsdrasi 1:5

Nɛ okpasa wi nu fɛlɛ kulanɔ 'da Yuda do Bɛnzamɛ, wa 'dafa tɛ wa we si dɛ Yeruzalɛmɛ, fala nɛ kpo do onganganɔ, do olevitɛnɔ. Nɛ Gale 'dafa linggamɔ zu owinɔ vɛ̃ na, wa ba tɛ wa we dɛ mbé tɔa Tɛmpɛlo tɛ Yeruzalɛmɛ i.

Ɛsdrasi 2:2

Winɔ wa kpe zi ti wa tɛ si nɛ a Zorobabɛlɛ, Yesua, Nehemi, Sɛraya, Relaya, Mɔrdokai, Bilsanɛ, Misparɛ, Bigvai, Rɛhumɛ do Baana. Nɛ zélé li nu fɛlɛ kulanɔ do ngɔ gili winɔ vɛ̃ kɛ wa si ni.

Ɛsdrasi 3:12

Nɛ do 'da fala kɛ wa tɛ a nyanga mbé tɔa Tɛmpɛloe ni, nɛ nde ogili onganganɔ, do olevitɛnɔ, do okpasa wi nu fɛlɛ kulanɔ, wa zi boe. Nɛ okpasa winɔ kɔ wanɔ wa zɔa zɛ́ ã Tɛmpɛloe zɔa ni, wa he wena. Nɛ gili ombe winɔ wa tɛ be yangga 'da wa, do kɔ̃ nu hiamɛnɔ dɛ ngɔ.

Ɛsdrasi 3:2

Nɛ Yesua, be 'da Yosadakɛ, kulu ngɔ do onya a onganganɔ, fala nɛ kpo do Zorobabɛlɛ, be 'da Sealtiɛlɛ do onya a, nɛ wa 'dafa gbagala gbɛ do sa'de hã Gale 'da obe Israɛlɛ. Wa dɛa fala ni we dɔ do sa'de we dɔnggɔ do Gale, nɛ́ kɛ mbula 'da Mɔizɛ, wi 'da Gale tɔ̃a ni.

NEHEMIE 9:32

“Mɔ, Gale 'da lɛ, mɔ gã wena, mɔ do ngawi, nɛ lɛ dɛ kili mɔ. Mɔ 'bana dɛ olo gba tɔkɛ 'da mɔ do lɛ fai. Mɔ kɔ̃̀, nɛ mɔ lénggé do ngamɛnɔ kɛ lɛ owinɔ 'da mɔ lɛ kpa gɛ, ngamɛnɔ 'da onwanɔ, do okpasa wi nu fɛlɛ kulanɔ 'da lɛ, ngamɛnɔ 'da onganganɔ 'da lɛ, do Owi gba olo nu mɔ hã lɛ, ngamɛnɔ kɛ lɛ do oyaa lɛ, lɛ zɔa ma, yolo tɛ fala lɛ zi ti nwa 'da onwa ngɔ nù Asiri, gbaa we hɔ sɔɛ gɛ ni.

Zumanɔ 73:8

Wa mɔmɔ ngba wa, nɛ wa tɔ̃ 'dã we tɛ wa, nɛ wa 'dafa na, lo zɛlɛ tɛ wa do nga.

Ezai 37:37

Nɛ nwa Sɛnakeribɛ ba nu a, nɛ wa kala mɛnɔ 'da wa, nɛ wa si nɛ dɛ Ninivɛ, gã le ngɔ nùi 'da wa Asiri.

Ezai 37:38

Wa hɔa i mɔ, nɛ mbe tũ kpo, nɛ Sɛnakeribɛ nɛa kɔ tɛmpɛloe 'da gale 'da a Nisrɔkɛ, we sambala a. Nɛ ombe bulu benɔ 'da a bɔa, li wa a Adramelɛkɛ do Sarɛsɛrɛ wa nɛa, nɛ wa dumu a do du kɔya, nɛ wa gbɛa a. 'Do nɛ, nɛ wa yu dɛ ngɔ nù Araratɛ. Nɛ mbe kɔ obulu benɔ 'da a kpo, li a a Asaradoni dungu nwa olo a.

OZE 14:3

Nɛ kpóló tɛ nɛ dɛ 'da NWA, nɛ nɛ tɔ̃ hã a na: “Mɔ a mɔ fo ku'da 'dã mɔ zu wele. Kɔ mɔ kɔ̃, nɛ mɔ zele sambala 'da lɛ.

GALATI 2:4

Ĩ na, ombe wi Kristo bɛlɛnɔ wa kɔ̃a zi na, lo gɔnɔ a. Winɔ ni wa lia sanga lɛ do usu nɛ, we zɔ tɛlɛ tɛ kɛ lɛ hɔa nza ti mbula 'da Yudanɔ, we kɛ lɛ mba kpo do Yezu Kristo ni. Wa fa zi na, lɛ le 'bɔ ti mbula mbé nɛ,

2 TIMOTE 3:8

Owinɔ ni, wa bɛ̃a gɛnɛ gbãlã we 'da Gale ɔ nɛ kɛ zɛ́ dati Yanɛsi do Yambrɛsi wa bɛa zɛ́ we nu Mɔizɛ ni. Hã zã wa dè gɔ, nɛ kɔ̃a we 'da wa ma yala iko.