Ɛsdrasi 1:3 - WE NU GALE 1995

³ E kɔ winɔ sanga nɛ gɛ vɛ̃, kɛ wa a winɔ 'da a ni, wa si dɛ Yeruzalɛmɛ, tɛ ngɔ nù Yuda, kɔ wa dɛ mbé Tɛmpɛlo 'da NWA Gale 'da obe Israɛlɛ, kɛ wa dɔnggɔ a tɛ Yeruzalɛmɛ ni. E kɔ Gale 'da wa ɔ do wa!

Ɛsdrasi 1:3 Iomraidhean Croise

1 Onwanɔ 18:39

Kɔ obe Israɛlɛ wa nɛa we zɔ ni, nɛ wa vɛ̃ wa bili zu wa gbaa nɛ ma to nù, nɛ wa ma ngɔ he mɔ na: “NWA a ngbongbo Gale! NWA a ngbongbo Gale!”

1 Onwanɔ 8:23

Nɛ a sambala na: “Aa NWA Gale 'da lɛ obe Israɛlɛ, fo gele gale tɛ li nza ngɔ i, do tɛ ngɔ nù gɛ ɔ nɛ mɔ ni bina! Mɔ tɛ èlè gba tɔkɛ mɔ gba zi do owinɔ 'da mɔ ni gɔ. Kɔ fala kɛ wa wele nɛ, wa dɛ mbulanɔ 'da mɔ vɛ̃, nɛ sila mɔ 'bana sɛ ngɔ wa fai.

1 Sakonɔ 28:20

Nɛ a tɔ̃ 'bɔ na: “Be 'daa, mɔ ɔ́ do kpã sila, nɛ gbãlã tɛ mɔ sɔ̃, nɛ mɔ tɛ dɛ̃ toe do kili gɔ. NWA Gale 'da mi lá sɛ mɔ ni iko gɔ. A sɛ fala nɛ kpo do mɔ, nɛ a gala sɛ mɔ gbaa na, dɛa to tɔa Tɛmpɛloe ma e.

Ɛsdrasi 1:4

Ma wia na, owinɔ ngɔ nùi 'da mi vɛ̃, wa gala obe Israɛlɛ kɛ wa ɔ sanga wa ni. Wa hã́ fɛ̃a mɔ bolo, do mɔ mbali, do ogele dia mɔ, do onadalamɔ hã wa. Nɛ wa gala 'bɔ wa do mɛnɔ nɛ́ kɛ zã wa kɔ̃a ni, takɔ wa 'dafa do Tɛmpɛlo 'da Gale tɛ Yeruzalɛmɛ i.”

Ɛsdrasi 4:3

Nɛ Zorobabɛlɛ, do Yesua, do ombe gele kpasa wi nu fɛlɛ kulanɔ 'da Oisraɛlɛ, wa gisa hã wa na: “Lɛ kɔ̃̀ na, nɛ gala lɛ we dɛ to Tɛmpɛlo hã Gale 'da lɛ gɔ. Lɛ zu lɛ kpo, lɛ dɛ sɛ ma, we kɛ mɛ sɛ a Tɛmpɛlo 'da NWA Gale 'da lɛ. Sirusi, gã nwa ngɔ nù Pɛrsɛ do tɛ̃ a hã 'bɔ nu a ní.”

Ɛsdrasi 5:13

Ndo do kuti sabɛlɛ dɛa to 'da gã nwa Sirusi ngɔ nù Babilonia, nɛ a ba nu a na, lo Oyudanɔ, lo ndo dɛ mbé Tɛmpɛloe 'da Gale.

Ɛsdrasi 5:3

Do 'da fala ni, nɛ Tatɛnai, gã wi fɔmɔ nùi kulu lì Efratɛ kɛ si 'biti gɛ̃a wese, fala nɛ kpo do Sɛtarɛ-Boznai, do ongba wa, wa tɛa, nɛ wa kpa Oyudanɔ, nɛ wa aka wa na: “Wi hã nu ɛ hã nɛ na, nɛ ndo a dɛlɛ Tɛmpɛloe a wio nde?

Ɛsdrasi 6:7

Nɛ lá Oyudanɔ fioo, hã wa dɛ mbé Tɛmpɛloe 'da Gale. Ma wia na, gã wi fɔmɔ le do okpasa winɔ 'da Yudanɔ, wa dɛ mbé Tɛmpɛloe de ã olo nɛ ni.

Zumanɔ 132:13

Mba gɔ, NWA, mɔ saka Sioni, nɛ mɔ kɔ̃a we ɔ di ni.

Zumanɔ 83:18

E kɔ wa tana kili 'da fala fai, nɛ wa fe do sape.

Ezai 37:16

“Aa NWA Gale ngɔ mɔ nyanga nza vɛ̃, Gale 'da lɛ obe Israɛlɛ, mɔ a mɔ dɛa li nza do nùi. Nɛ mɔ dungu ngɔ kpongbo nwa 'da mɔ, ngɔ Okerubinɛnɔ. Nɛ mɔ zu mɔ kpo a Gale, nwa ngɔ lenɔ ngɔ nù gɛ vɛ̃.

Ezai 44:28

Mi tɔ̃a hã nwa Sirusi na: ‘Mi saka mɔ na, mɔ kpe dati owinɔ hã mi. Mɔ dɛ sɛ mɛnɔ kɛ zã mi kɔ̃a ni. Mɔ ba sɛ nu mɔ na, wa dɛ le Yeruzalɛmɛ dɛ olo nɛ, nɛ wa ndo nyanga dɛ tɔa Tɛmpɛloe.’ ”

Ezai 45:5

“NWA Gale, wi a mi zu mi kpo, fo gele gale olo mi bina. Gɛnɛ kɔ mɔ ĩ̀ ti mi gɔ, nɛ nde mi hã ngawi dɛa to hã mɔ.

Yeremi 10:10

Nɛ nde ngbongbo Gale wele kpasi, wi tati a mɔ NWA. Mɔ a NWA kɛ fo ndɔti mɔ bina. Fala kɛ zã mɔ nɔ̃lɔ̃, nɛ nùi ma tana, nɛ onu kɔnggɔ winɔ wa wè tɛ yolo dati nɔ̃lɔ̃ zã 'da mɔ gɔ.

DANIƐLƐ 2:47

Nɛ a tɔ̃ hã Daniɛlɛ na: “Gale 'da mɔ ngboo a gã Gale nɛa ngɔ ogalenɔ vɛ̃. Nɛ a 'bɔ a nwa ngɔ Onwanɔ. Wi a a zu a kpo hã a be usu mɛnɔ dɛ nza. Ma kɛ a fi hã zã mɔ we tɔ̃ usu yalɛ gɛ dɛ nza ni.”

DANIƐLƐ 6:26

'Do nɛ, nɛ nwa Dariusi tumba to hã onu kɔnggɔ winɔ do nu lɛnggɛnɔ ngɔ nùi vɛ̃ na: “Mi hã balɛ hã nɛ!

MATIE 28:20

Nɛ nɛ bé hã wa na, wa dɛ mbulanɔ vɛ̃ kɛ mi bia zi hã nɛ ni. Nɛ mi, mi sɛ fala nɛ kpo do nɛ fai, gbaa we hɔ ngba soe nùi ma 'danga sɛ nɛ ni.”

Owi Nɛ Tonɔ 10:36

Gale tumba zi Dia Sako hã obe Israɛlɛ, nɛ Dia Sakoe ni, ma hã dungu fio do wala 'da Yezu Kristo, kɛ a a Nwa 'da winɔ vɛ ni.

Mbulanɔ 32:31

“Owi sɛnɛ wa, wa ĩ na ogalenɔ 'da lo wa a osulu gale iko, wa ngàndà ɔ nɛ Gale 'da obe Israɛlɛ gɔ.

Yozue 1:9

Mi ba nu mi hã mɔ na, mɔ kpã́lã́ sila mɔ, nɛ mɔ ɔ́ do ngawi. Mɔ tɛ mbɔ̀kɔ̀ gɔ, nɛ mɔ tɛ dɛ̃ kili gɔ, we kɛ mi NWA Gale 'da mɔ, mi sɛ do mɔ falanɔ vɛ̃ kɛ mɔ nɛ sɛ nɛ ni.”