Kulu Tɔa 8:4 - WE NU GALE 1995

⁴ Nɛ nwa ngɔ nù Ezipeto zɔa ni, nɛ a sa mɔ hã Mɔizɛ do Aroni, nɛ a tɔ̃ hã wa na: “Nɛ áká NWA Gale, hã a gbɛ odalɛnɔ gɛ ngɔ nùi 'da mi do'do. Fala kɛ a gbɛ wa, nɛ mi e sɛ obe Israɛlɛ ni, takɔ wa nɛ we hã dɔnggamɔ hã a.”

Kulu Tɔa 8:4 Iomraidhean Croise

1 Onwanɔ 13:6

Nɛ nwa Yeroboamɛ ala nu a hã wi gba olo nu Gale na: “Mɔ kɔ̃́, nɛ mɔ aka NWA Gale 'da mɔ na, a fo 'dã mɛ 'da mi, hã 'baka mi de dɛ olo nɛ.” Nɛ wi gba olo nu Gale sambala NWA Gale, nɛ kɔ̃ Yeroboamɛ de dɛ olo nɛ.

Zumanɔ 107:40

Gale dɛa na, ogã wi ngɔ wa wa hɔ mɔ yala, nɛ wa yɛnggɛ mba mba do li gba zɔ̃.

Kulu Tɔa 10:17

Nɛ mbɔ́kɔ́ mi, nɛ nɛ sámbálá 'bɔ NWA Gale 'da nɛ we duzu mi, tako a fo mi kɔ ngamɔ fie gɛ do'do.”

Kulu Tɔa 8:24

Nwa ngɔ nù Ezipeto nɛa we zele ni, nɛ a na: “Ma a dia, mi e sɛ nɛ ni, takɔ nɛ nɛ tɛ li gba zɔ̃ 'di, we hã odɔnggamɛnɔ 'da nɛ hã NWA Gale 'da nɛ. Mɔ kpo a kɛ na, nɛ tɛ là nyɛlɛ wena gɔ, nɛ nɛ sámbálá a we mi.”

Kulu Tɔa 8:3

Nɛ nwa ngɔ nù Ezipeto sa mɔ hã owi dɛ sɔ̃nɔ ngɔ nùi 'da a. Wa hɔa, nɛ wa dɛ kpo tɛlɛ tɛ ɔngbamɛ ni, do ngawi ina 'da wa. Wa dɛa, nɛ odalɛ wa hɔ, nɛ wa yɛ'bɛ ngɔ nùi 'da wa vɛ̃.

Kulu Tɔa 8:5

Nɛ Mɔizɛ gese hã a na: “Aa nwa, mɔ sá kɔ̃ tũ hã mi, takɔ mi sambala Gale we duzu mɔ, do owi olo li mɔ, do owinɔ 'da mɔ. Mi aka sɛ Gale na, a gbɛ odalɛnɔ kɛ wa yɛ'bɛ do kɔ tɔanɔ 'da mɔ, do ngɔ nùi 'da mɔ vɛ̃ gɛ do'do. Nɛ wa 'bana sɛ kpo dɛ 'dɔ lì Nilɛ 'di iko.”

Kulu Tɔa 9:28

Nɛ sámbálá a we duzu mi, takɔ kolo gbãlã mũlĩ kɛ ma o dã gɛ, ma gɔnɔ. 'Do nɛ, nɛ mi e sɛ nɛ owinɔ 'da a ni, nɛ nde mi bɛ̃́ sɛ 'bɔ zu nɛ gɔ.”

Ezai 19:11

Ogã wi ngɔ le Soanɛ wa ĩ̀ ti toe 'da wa gɔ, nɛ Owi hãnɔ kɛ wa tɔ̃ mbula hã nwa ngɔ nù Ezipeto li dɛa to 'da a ni, fo gbãlã zã wa bina. Kɔ gulu kɛ wa dɔnggɔ tɛ wa na, lo a wi hã zã, lo a be zã nwanɔ zi dati ni we ge nde?

Ezai 19:22

Do 'da fala kɛ wa dɛ 'dã mɔ, kɔ NWA hã ngamɔ hã wa olo nɛ, nɛ wa kpolo sɛ tɛ wa dɛ 'da a, nɛ a zele sɛ sambala 'da wa, nɛ a kpasa sɛ wa.

Ezai 23:9

Wi 'dafa na mɛ ni, wi a NWA Gale ngɔ mɔ nyanga nza vɛ̃. A dɛa ni we hã sape hã owinɔ kɛ wa fa tati a dɔ̃lɔ̃ li ni, do we yulu nu ngatɛ 'da ogã winɔ nù.

Tɔlɔ Mɔ 21:7

Nɛ tala owinɔ wa yu dɛ 'da Mɔizɛ i, nɛ wa tɔ̃ hã a na: “Lɛ tɔ̃a 'dã we hã mɔ do NWA, lɛ dɛa 'dã mɔ. Kɔ mɔ kɔ̃, nɛ mɔ ala nu mɔ hã NWA na, a ndaka odã gɔ̃nɔ gɛ do'do.” Ma kɛ Mɔizɛ sambala NWA we owinɔ,