Kulu Tɔa 8:1 - WE NU GALE 1995

¹ Nɛ NWA Gale tɔ̃ 'bɔ hã Mɔizɛ na: “Mɔ bá nu mɔ hã Aroni, nɛ a bá dɔndɔlɛ, kɔ a ɛ́fɛ́ ma si 'biti gã lìnɔ, do obe kɛnɔ, do ondɔnɔ vɛ̃, takɔ odalɛ wa yɛ'bɛ ngɔ nù Ezipeto.”

Kulu Tɔa 8:1 Iomraidhean Croise

Zumanɔ 105:30

Nɛ odalɛ wa yɛ'bɛ ngɔ nùi 'da wa, nɛ wa le gbaa kɔ tɔa ɔinɔ 'da nwa i.

Kulu Tɔa 3:12

Nɛ Gale tɔ̃ hã a na: “Mi sɛ do mɔ boe. Kpo soe mɔ fo sɛ obe Israɛlɛ ngɔ nù Ezipeto do'do ni, nɛ nɛ mba sɛ li ngba nɛ vɛ̃ dɛ ngɔ kala gɛ, nɛ nɛ gbɛ sɛ sa'de we dɔnggɔ do mi. Nɛ ki ni ma be sɛ na, mi a mi tumba mɔ.”

Kulu Tɔa 3:18

“Mɔ tɔ̃ ní, nɛ obe Israɛlɛ wa zele sɛ nu mɔ. Nɛ mɔ do okumunɔ, nɛ kúlú ngɔ, nɛ nɛ nɛ́ 'da nwa ngɔ nù Ezipeto, nɛ nɛ tɔ̃́ hã a na, NWA Gale kɛ nɛ, Ohebre nɛ dɔnggɔ a ni, a bia tɛ̃ a hã nɛ. Kɔ a mbɔkɔ nɛ na, nɛ nɛ do nyanga nɛ 'do tũ talɛ li gba zɔ̃ 'di, takɔ nɛ gbɛ sa'de we dɔnggɔ do a.

Kulu Tɔa 4:23

Hã ɛ ba nu ɛ hã mɔ na, mɔ e a ni, takɔ a nɛ we gbɛ sa'de we dɔnggɔ do ɛ, nɛ mɔ bɛ̃a. Kɔ nɛ́ kɛ mɔ bɛ̃a ni, ɛ gbɛ sɛ kuti bulu be 'da mɔ.”

Kulu Tɔa 5:1

'Do nɛ, nɛ Mɔizɛ do Aroni wa nɛa, nɛ wa kpa nwa ngɔ nù Ezipeto, nɛ wa tɔ̃ hã a na: “NWA Gale 'da obe Israɛlɛ, a ba nu a na, mɔ lá owinɔ 'dɛ ɛ, obe Israɛlɛ, kɔ wa nɛ hã wa dungu ɛngga we dɔnggɔ do ɛ tɛ li gba zɔ̃ 'di.”

Kulu Tɔa 5:3

Nɛ Mɔizɛ do Aroni wa tɔ̃ na: “NWA kɛ lɛ obe Israɛlɛ lɛ dɔnggɔ a, Gale 'da lɛ, a bia tɛ̃ a hã lɛ. Mɔ mbɔ́kɔ́ lɛ, hã lɛ nɛ do nyanga lɛ 'do tũ talɛ tɛ li gba zɔ̃ 'di, takɔ lɛ gbɛ sa'de we dɔnggɔ do a. Mɔ dɛ ni gɔ, nɛ a gbɛ sɛ lɛ li bolo, tabi a fi sɛ zɛlɛmɔ na ma gbɛ lɛ.”

Kulu Tɔa 7:16

Fala kɛ a hɔ, nɛ mɔ tɔ̃ hã a na, NWA Gale 'da obe Israɛlɛ tumba mɔ hã a na, a la owinɔ 'dɛ ɛ, obe Israɛlɛ ni, takɔ wa nɛ li gba zɔ̃ 'di, hã wa dungu ɛngga we dɔnggɔ do ɛ. Nɛ nde kɛ gbaa ni, a kɔ̃̀ we zele we kpo gɔ.

Kulu Tɔa 7:25

Ma la tũ sambo 'do kɛ NWA dɛa na, lì Nilɛ mbulu ni,

Kulu Tɔa 8:2

Mɔizɛ tɔ̃a hã Aroni, nɛ a ɛfɛ kɔ̃ a si 'biti olìnɔ ngɔ nù Ezipeto. Nɛ odalɛ wa hɔa nza 'dɔ nɛ, nɛ wa yɛ'bɛ do ngɔ nùi vɛ̃.

Kulu Tɔa 8:20

Ma ɔa tũ kpo, nɛ NWA dɛa olo nu ɛ. A fi ozĩ tolo dɛlɛ wena, nɛ wa lia kɔ tɔa 'da nwa ngɔ nù Ezipeto, do kɔ tɔanɔ 'da owi olo li a, nɛ wa kpa do ngɔ nù Ezipeto vɛ̃.

Kulu Tɔa 9:1

Nɛ NWA Gale tɔ̃ hã Mɔizɛ na: “Mɔ nɛ́ hã mɔ kpa nwa ngɔ nù Ezipeto, nɛ mɔ tɔ̃ hã a na, NWA Gale 'da obe Israɛlɛ ba nu ɛ hã a na, a e owinɔ 'dɛ ɛ ni, takɔ wa nɛ li gba zɔ̃ 'di, hã wa dungu ɛngga we dɔnggɔ do ɛ.

Yozue 8:18

Do 'da fala ni, nɛ nwa tɔ̃ hã Yozue na: “Mɔ kúsú sɛlɛ 'da mɔ ngɔ, nɛ mɔ be nu nɛ dɛ ngɔ Ai, we kɛ mi nɛ 'dɔlɔ le ni hã mɔ.” Nɛ Yozue dɛa kɛ vɛ̃ NWA tɔ̃a hã a ni.