Kulu Tɔa 7:4 - WE NU GALE 1995

⁴ A zélé sɛ nu nɛ gɔ. Nɛ do ngawi 'da mi, mi hã sɛ nga etumbu hã Oezipeto. 'Do nɛ, nɛ mi fo sɛ owinɔ 'da mi, obe Israɛlɛ ngɔ nùi ni do dia nɛ.

Kulu Tɔa 7:4 Iomraidhean Croise

Kulu Tɔa 11:9

'Do nɛ, nɛ NWA Gale tɔ̃ 'bɔ hã Mɔizɛ na: “Kɛ gbaa ni, nwa ngɔ nù Ezipeto bɛ̃ we zele wenɔ 'da mɔ bɛ̃a. A dɛ ni, takɔ mi dɛ oɔngbamɔ dɛlɛ wena ngɔ nùi 'da a.”

Kulu Tɔa 6:6

Kɔ mɔ nɛ́, hã mɔ gba nu toe gɛ hã obe Israɛlɛ na: Mi a NWA, mi fo sɛ nɛ li onga dɛa tonɔ wa hã ma hã nɛ ni. Nɛ mi fo sɛ 'bɔ nɛ kɔ ngbá ti kɔ̃ Oezipeto. Mi be sɛ ngawi 'da mi kɛ ma nɛa ngɔ mɔ vɛ̃ ni, nɛ mi hã sɛ etumbu hã Oezipeto, nɛ mi fo sɛ nɛ ti kɔ̃ wa.

Kulu Tɔa 12:51

Ma hɔa kɔ̃ tũi kɛ NWA saka ma ni, nɛ a dɛ na, obe Israɛlɛ wa hɔ nza ngɔ nù Ezipeto do 'da ngɔ gili wa.

USU MƐNƆ 19:2

A 'bili we do bɔlɔ nɛ fai. A 'bili we dɛ zu gã wuko ndumba, kɛ a 'danga zi nùi gɛ do vĩ zu yɛli 'da a ni. A bili nu gbã tɔkɔ tɛ owi dɛa tonɔ 'da a hã wuke ni.”

USU MƐNƆ 16:7

Nɛ 'do ki ni, nɛ mi zele wala gɛlɛ wele ma yula tɛ gbagala i tɛ tɔ̃ na: “Ma a ni, Nwa Gale do nganda vɛ̃! Mɔ 'bili we 'da owinɔ do wala do nɛ, do bɔlɔ nɛ ngboo!”

USU MƐNƆ 15:4

Aa Nwa, wi kɛ a dɛ́ sɛ kili mɔ gɔ ni a wio nde? Wi kɛ a bɛ sɛ we dɔnggɔ mɔ ni a wio nde? We duzu kɛ mɔ zu mɔ kpo, mɔ a santo. Onu kpala winɔ ngɔ nù gɛ vɛ wa tɛ sɛ, nɛ wa gu nù ti mɔ we dɔnggɔ mɔ, we kɛ wa zɔa na, mɔ a wi dɛ bɔlɔ zu dɛa mɔ.”

EZEKIƐLƐ 30:19

Mi hã sɛ etumbui ni hã Oezipeto, nɛ wa ĩ sɛ na, mi a NWA.”

EZEKIƐLƐ 30:14

Mi 'danga sɛ lenɔ tɛ ngɔ nù Ezipeto si ba gɔtɔ, nɛ mi fi we tɛ le Soanɛ si gbãlã ngɔ, nɛ mi hã etumbu hã gã le No.

EZEKIƐLƐ 25:11

Mi hã sɛ etumbu hã Omoabɛ, nɛ wa ĩ sɛ na, mi a NWA.”

EZEKIƐLƐ 14:21

'Do nɛ, nɛ NWA Gale tɔ̃ 'bɔ na: “Mi tumba omɛnɔ nalɛ gɛ: bolo, gba wɔ, o'dã sa'de, do 'dã zɛlɛ we hã do etumbu hã Owi Yeruzalɛmɛ na, ma gbɛ wa mba do osa'denɔ ngɔ nùi 'da wa vɛ̃.

ALA NU 3:3

A ia li a ngɔ mi, nɛ a tɛ zɛ mi tũ kpo kpo fai.

Ezai 26:9

Do tũi, nɛ mi lengge do mɔ, nɛ mi e sila mi vɛ̃ we fa mɔ. Aa NWA, mɔ gɔnɔ ngbangga 'da owinɔ sɛ a wa yambala we dɛ mɔ do bɔlɔ nɛ de.

GBA WENƆ 19:29

Ma wia na, wa hã etumbu hã wi dɛ wali, nɛ wa gɔnɔ zufa we zɛ do yɔndɔ wi.

Owi kpe dati 2:15

'Da fala kɛ wa nɛ zi bole ni, nɛ NWA dɛ na, Owi sɛnɛ wa wa nɛ ngɔ wa, we duzu kɛ a ɛlɛ tɛ̃ a 'do wa, ɔ nɛ kɛ a kana zi do nu a tɛ wa ni. Na mɛ ni, nɛ wa kpa 'bako wena.

Kulu Tɔa 10:1

Nɛ NWA Gale tɔ̃ hã Mɔizɛ na: “Mɔ nɛ́ 'da nwa ngɔ nù Ezipeto, hã mɔ tɔ̃ lɛnggɛ do a. Wi a mi hã mi dɛa na, a, do owi olo li a, wa dɛ nga zu ɔ nɛ mɛ gɛ, takɔ mi dɛ oɔngbamɛnɔ gɛ vɛ̃, hã wa zɔ.

Kulu Tɔa 9:3

nɛ mi NWA Gale, mi fi sɛ gã zɛlɛmɔ tɛ osa'denɔ kɛ a dala wa ni. Nɛ zɛlɛmɛ ni, ma gbɛ sɛ ombalatanɔ, opundanɔ, osamonɔ, ongɔmbɛnɔ, obatanɔ, do oduanɔ 'da a.

Kulu Tɔa 6:26

NWA ba zi nu a hã Aroni do Mɔizɛ na: “Nɛ nɛ́, hã nɛ fo obe Israɛlɛ ngɔ nù Ezipeto, nɛ wa hɔ nza do 'da ngɔ gili wa.”

Kulu Tɔa 3:20

We duzu ma, mi be sɛ kɔ̃ mi li a, nɛ mi dɛ sɛ oɔngbamɔ kpi do kpi ngɔ nùi 'da a we zɛlɛ tɛ wa. 'Do nɛ, nɛ a e sɛ nɛ na nɛ la.

Kulu Tɔa 3:19

Mi ĩ na, nwa ngɔ nù Ezipeto kɔ̃́ sɛ na nɛ la gɔ. A bɛ̃ sɛ ni gbaa, wele be kɔ̃ ɛ li a do'do, sɛ nɛ a hã sɛ wala hã nɛ de.

Kulu Tɔa 6:1

Nɛ NWA Gale gese hã Mɔizɛ na: “Di ngangga ni, mɔ zɔ sɛ mɛ kɛ mi nɛ dɛ do nwa ngɔ nù Ezipeto ni. Nɛ mi ngbɔkɔ sɛ a do ngawi 'da mi, takɔ a e obe Israɛlɛ ni, hã wa la. Mi ngbɔkɔ sɛ a do ngawi 'da mi, nɛ a ndaka sɛ obe Israɛlɛ ngɔ nùi 'da a do'do.”

Kulu Tɔa 7:13

Nɛ nwa ngɔ nù Ezipeto dɛa nga zu, kpasaa ɔ nɛ kɛ NWA Gale tɔ̃a zi ni, nɛ a lènggè do mɛ kɛ Mɔizɛ do Aroni wa aka kɔ̃ a ni gɔ.

Kulu Tɔa 7:16

Fala kɛ a hɔ, nɛ mɔ tɔ̃ hã a na, NWA Gale 'da obe Israɛlɛ tumba mɔ hã a na, a la owinɔ 'dɛ ɛ, obe Israɛlɛ ni, takɔ wa nɛ li gba zɔ̃ 'di, hã wa dungu ɛngga we dɔnggɔ do ɛ. Nɛ nde kɛ gbaa ni, a kɔ̃̀ we zele we kpo gɔ.

Kulu Tɔa 8:15

Owi dɛ sɔ̃nɔ wa zɔa ni, nɛ wa tɔ̃ hã nwa ngɔ nù Ezipeto na: “Ngawi 'da Gale ma a dɛ mɛ gɛ.” Nɛ nde nwa ngɔ nù Ezipeto dɛa nga zu, kpasaa ɔ nɛ kɛ NWA Gale tɔ̃a zi ni, nɛ a lènggè do mɛ kɛ Mɔizɛ do Aroni wa aka kɔ̃ a ni gɔ.

Kulu Tɔa 8:19

Na mɛ ni, mi dɛ sɛ na, ngamɛ kɛ ma kpa owinɔ 'da a ni, ma tɛ kpà wanɔ 'da mi gɔ. Nɛ ɔngbamɛ ni, ma dɛ sɛ tɛ̃ ɛ bindɛ.”

Kulu Tɔa 9:12

Nɛ NWA Gale dɛa na, nwa ngɔ nù Ezipeto dɛ nga zu. Nɛ a dɛa nga zu, kpasaa ɔ nɛ kɛ NWA Gale tɔ̃a zi hã Mɔizɛ ni, nɛ a lènggè do mɛ kɛ Mɔizɛ do Aroni wa aka kɔ̃ a ni gɔ.

Kulu Tɔa 13:3

Nɛ Mɔizɛ tɔ̃ hã obe Israɛlɛ na: “Ta zu nɛ tɛ èlè ngɔ kɔ̃ tũi gɛ gɔ! Mɛ a kɔ̃ tũ kɛ NWA Gale, a fua nɛ kɔ ngbá tɛ ngɔ nù Ezipeto do ngawi 'da a kɛ ma nɛa ngɔ mɛnɔ vɛ̃ ni. Fala kɛ nɛ dungu ɛngga we lengge kɔ̃ tũi ni, nɛ nɛ nyɔngɔ mapa kɛ wa à ina hana mapa tɛ nɛ gɔ ni.

Kulu Tɔa 13:9

Nɛ ɛngga ni, ma ɔ sɛ nɛ mɔ kɛ wa ɛnzɛ dɛ tɛ 'baka nɛ, tabi dɛ tɛ zu nɛ na, ma gba ta zu nɛ ngɔ mbula 'da NWA, nɛ nɛ lengge ma fai, we kɛ a fua nɛ ngɔ nù Ezipeto do ngawi 'da a, kɛ ma nɛa ngɔ mɛnɔ vɛ̃ ni.

Kulu Tɔa 18:8

Nɛ Mɔizɛ tɔ̃a lɛnggɛ do Yetro, nɛ a tɔ̃a tɛlɛ tɛ mɛnɔ kɛ NWA Gale dɛa we kpasa obe Israɛlɛ, do kɛnɔ a dɛa do owi Ezipeto do nwa 'da wa ni. A tɔ̃a 'bɔ tɛlɛ tɛ kɛ NWA fua wa kɔ ngamɛnɔ wa kpa ma li wala gɛnɛ ni.