Kulu Tɔa 7:3 - WE NU GALE 1995

³ Nɛ mi dɛ sɛ ta 'bɔ na, nwa ni dungu do nga zu, nɛ a lénggé sɛ do ogba gili gã ɔngbamɛnɔ, kɛ nɛ dɛ sɛ ma ngɔ nùi 'da a ni gɔ.

Kulu Tɔa 7:3 Iomraidhean Croise

NEHEMIE 9:10

Mɔ dɛa zi ogba sɔ̃ mɔ we hã ngamɔ hã nwa ngɔ nù Ezipeto, do owi olo li a, do owinɔ ngɔ nùi 'da a vɛ̃, we kɛ mɔ ĩ ti tɛlɛ tɛ kɛ Oezipeto, wa zɛlɛ zi tɛ oyaa lɛ do ngatɛ 'da wa ni. Nɛ nde gã dɔ̃lɔ̃ li 'da mɔ bia tɛ̃ ɛ, nɛ ma 'bana 'bɔ be tɛ̃ ɛ ni, tia do sɔɛ gɛ.

Zumanɔ 135:9

A dɛa oɔngbamɔ do gba sɔ̃ mɔ, kɛ gulu nɛ gã wena ni, we hã do etumbu hã nwa ngɔ nù Ezipeto do owinɔ 'da a.

Zumanɔ 78:12

Gale dɛa zi ɔngbamɔ kɔ le Soanɛ, tɛ ngɔ nù Ezipeto, nɛ oyaa lɛ wa zɔa ma.

Kulu Tɔa 11:10

Mɛ ni, nɛ nde Mɔizɛ do Aroni wa dɛa zi ogba dɔa ɔngbamɔ wena dati nwa ngɔ nù Ezipeto ia. NWA Gale dɛa zi na, a dɛ nga zu, nɛ a tɛ è obe Israɛlɛ ni, takɔ wa la ngɔ nùi 'da a gɔ.

Kulu Tɔa 11:9

'Do nɛ, nɛ NWA Gale tɔ̃ 'bɔ hã Mɔizɛ na: “Kɛ gbaa ni, nwa ngɔ nù Ezipeto bɛ̃ we zele wenɔ 'da mɔ bɛ̃a. A dɛ ni, takɔ mi dɛ oɔngbamɔ dɛlɛ wena ngɔ nùi 'da a.”

Kulu Tɔa 14:4

Nɛ mi NWA Gale, mi dɛ sɛ na, a dɛ nga zu, hã a ndaka 'do nɛ. Nɛ mi bi sɛ do a do osodanɔ 'da a, nɛ mi nɛ sɛ ngɔ wa, takɔ ma hã dɔ̃lɔ̃ li hã mi, sɛ a Oezipeto wa ĩ na, mi a NWA de.” Nɛ obe Israɛlɛ wa dɛa nɛ́ kɛ NWA tɔ̃a hã wa ni.

Kulu Tɔa 3:20

We duzu ma, mi be sɛ kɔ̃ mi li a, nɛ mi dɛ sɛ oɔngbamɔ kpi do kpi ngɔ nùi 'da a we zɛlɛ tɛ wa. 'Do nɛ, nɛ a e sɛ nɛ na nɛ la.

Kulu Tɔa 4:21

Nɛ NWA tɔ̃ 'bɔ hã a na: “Mi dɛa na, mɔ ɔ wi dɛ oɔngbamɔ. Kɔ fala kɛ mɔ hɔ ngɔ nù Ezipeto 'di, nɛ mɔ dɛ́ ma vɛ̃ dɛ dati nwa ngɔ nùi ni. Nɛ mi, mi dɛ sɛ ta 'bɔ na, nwa ni dɛ nga zu, nɛ a tɛ è obe Israɛlɛ ní hã wa la gɔ.

Kulu Tɔa 4:29

'Do nɛ, nɛ wa kulu ngɔ, nɛ wa nɛ tɛ Ezipeto i, nɛ wa mba li okumu Israɛlɛ vɛ̃.

Kulu Tɔa 4:7

Nɛ NWA tɔ̃ na: “Fí 'bɔ kɔ̃ mɔ mbé nɛ ti tulu gbãlã ngu'du mɔ.” Nɛ Mɔizɛ fi 'bɔ kɔ̃ ɛ mbé nɛ, nɛ a nɛ gbɔtɔ dɛ nza, nɛ nde kɔ̃ a dia dɛ olo nɛ.

Kulu Tɔa 7:13

Nɛ nwa ngɔ nù Ezipeto dɛa nga zu, kpasaa ɔ nɛ kɛ NWA Gale tɔ̃a zi ni, nɛ a lènggè do mɛ kɛ Mɔizɛ do Aroni wa aka kɔ̃ a ni gɔ.

Kulu Tɔa 9:16

Kɔ mi la a do tunu li a, we be ngawi 'da mi, takɔ sako dɔ̃lɔ̃ li 'da mi ma yɛ'bɛ ngɔ nù gɛ vɛ̃.

GBA WENƆ 21:1

Linggamɔ zã nwa ngɔ nù ma ɔ dɛ kɔ̃ Gale nɛ fua lì ni. Ma kɛ nwa ni a dɛ mɛnɔ vɛ̃ kɛ Gale kɔ̃a na a dɛ ni.

Ezai 51:9

Aa NWA, mɔ kúlú ngɔ dɔ̃, hã mɔ gbaka lɛ. Mɔ bé ngawi 'da mɔ, nɛ mɔ kpasa lɛ, ɔ nɛ kɛ mɔ kpasa zi 'bɔ lɛ dati ni. Mɔ zi a mɔ 'bili sanga Rahabɛ, gba sɔ̃ sa'de kɛ a ɔ 'dɔ lì ni.

Mike 7:15

Mɔ dɛ́ oɔngbamɔ hã lɛ, nɛ́ kɛ mɔ dɛa zi dati, 'da fala kɛ mɔ kala oyaa lɛ tɛ Ezipeto we si do wa ni.

YOANƐ 4:48

A tɔ̃a ni vɛ̃, nɛ Yezu tɔ̃ hã a na: “Nɛ, winɔ gɛ, nɛ kɔ̃a tɛ mɛ we zɔ gba sɔ̃ mɛnɔ do ɔngbamɛnɔ 'da mi do'do, sɛ nɛ nɛ kɔ̃ zu li mi de nde?”

Owi Nɛ Tonɔ 2:22

Nɛ Petro tɔ̃ 'bɔ na: “Nɛ, obe Israɛlɛ, nɛ zélé we kɛ mi nɛ tɔ̃ hã nɛ gɛ. Yezu wi Nazarɛtɛ ni, a zi a wi kɛ Gale dɛa ogba sɔ̃ mɔ, do ɔngbamɔ, do gba gili bia mɛnɔ hã nɛ do wala 'da a, ɔ nɛ kɛ nɛ ngboo nɛ ĩ ni. A dɛa ni we be na, wi a ɛ a ɛ tumba a.

Owi Nɛ Tonɔ 7:36

Nɛ Mɔizɛ fua obe Israɛlɛ ngɔ nù Ezipeto dɛ nza. A dɛa ogba sɔ̃ mɔ do oɔngbamɔ tɛ ngɔ nùi ni, do 'dɔ gba lì Sala Tɔ̃, do tɛ li gba zɔ̃ i gbaa 'do 'bu sabɛlɛ nalɛ.

ROMA 15:19

do gba sɔ̃ mɛnɔ, do ɔngbamɛnɔ do wala 'da mi, nɛ a hã 'bɔ ngawi 'da Hi Wi Santo hã mi. Ma kɛ mi yula zi Yeruzalɛmɛ, nɛ mi yɛnggɛ tɛ be Dia Sakoe 'da Kristo gbaa, nɛ mi hɔ ngɔ nù Iliri.

ROMA 9:18

Na mɛ ni, Gale ĩ 'bako hã wi kɛ a kɔ̃a we ĩ 'bako hã a ni, nɛ a nganda zu wi kɛ a kɔ̃a we nganda zu a ni.

Mbulanɔ 4:34

Tabi, mbé gele gale, kɛ a fua owinɔ 'da a ti mbula 'da ogele wele, nɛ a kala wa do winɔ 'da a ɔ nɛ wele kɛ 'da nɛ dɛa zi do nɛ tɛ Ezipeto i ni boe nde? A dɛa ogba sɔ mɔ do oɔngbamɔ, nɛ a bia ngawi 'da a dɛ li nɛ vɛ̃. Fo mbé gele gale ɔ nɛ a ni bina. Nɛ nde NWA Gale 'da nɛ a fua zi nɛ kɔ ngbá tɛ Ezipeto i, ɔ nɛ kɛ nɛ zɔa zi do li nɛ ni.

Mbulanɔ 7:19

Nɛ zɔa zi ongamɛnɔ kɛ a hã ma hã wa, do ogã ɔngbamɛnɔ kɛ a dɛa zi ni. A fua zi nɛ ngɔ nùi ni do ngawi 'da a, kɛ ma nɛa ngɔ mɛnɔ vɛ̃ ni. A dɛ sɛ do owinɔ vɛ̃ kɛ nɛ dɛ kili wa ni, kpasaa ɔ nɛ kɛ a dɛa zi do Oezipeto ni.