Kulu Tɔa 7:2 - WE NU GALE 1995

² Mi be sɛ mɛnɔ hã mɔ, nɛ ma tɔ̃ we nɛ hã Aroni, nɛ a gba nu nɛ hã nwa ngɔ nù Ezipeto, takɔ a e obe Israɛlɛ ni, hã wa la ngɔ nùi 'da a do'do.

Kulu Tɔa 7:2 Iomraidhean Croise

1 Onwanɔ 22:14

Nɛ Mike gese hã a na: “Do zu li NWA Gale wele kpasi, mi tɔ̃ hã mɔ na, mi gba sɛ tati a olo nu NWA Gale kɛ a tɔ̃a hã mi ni iko.”

Kulu Tɔa 4:15

Mɔ wélé we do a, nɛ mɔ tɔ̃ wenɔ kɛ mɔ kɔ̃a na a tɔ̃ ni hã a. Nɛ mi, mi sɛ do nɛ bɔa nɛ kɔ wenɔ nɛ tɔ̃ sɛ ma ni. Nɛ mi be sɛ mɛnɔ na, nɛ dɛ ma ni hã nɛ.

Kulu Tɔa 4:16

Aroni a wele sɛ we hã owinɔ olo li mɔ. Nɛ mɔ ɔ sɛ nɛ mi Gale ni, mɔ be sɛ wenɔ kɛ a wia we tɔ̃ nɛ ni hã a.

Kulu Tɔa 5:1

'Do nɛ, nɛ Mɔizɛ do Aroni wa nɛa, nɛ wa kpa nwa ngɔ nù Ezipeto, nɛ wa tɔ̃ hã a na: “NWA Gale 'da obe Israɛlɛ, a ba nu a na, mɔ lá owinɔ 'dɛ ɛ, obe Israɛlɛ, kɔ wa nɛ hã wa dungu ɛngga we dɔnggɔ do ɛ tɛ li gba zɔ̃ 'di.”

Kulu Tɔa 6:29

nɛ a tɔ̃ zi hã a na: “Mi a NWA. Mɔ nɛ́ hã mɔ tɔ̃ wenɔ vɛ̃ kɛ mi tɔ̃ hã mɔ gɛ hã nwa ngɔ nù Ezipeto.”

Kulu Tɔa 7:6

Mɔizɛ do Aroni wa nɛa, nɛ wa dɛ mɛnɔ vɛ̃ ɔ nɛ kɛ NWA ba do nu ɛ hã wa ni.

Yeremi 1:17

Yeremi, mɔ 'dáfá tɛ mɔ! Mɔ kúlú ngɔ, hã mɔ nɛ́, hã mɔ tɔ̃ wenɔ vɛ̃ kɛ mi tɔ̃a ni hã wa. Mɔ tɛ dɛ̃ kili wa gɔ, ní gɔ, nɛ mi dɛ sɛ na, kili ba mɔ dati wa.

Yeremi 1:7

Nɛ nde NWA gisa na: “Mɔ tɛ tɔ̃̀ na, ɛ a be zagbãlã iko gɔ. Mɔ nɛ sɛ 'da owinɔ vɛ̃ kɛ mi tombo sɛ mɔ hã wa ni, nɛ mɔ tɔ̃ sɛ wenɔ kɛ mi tɔ̃a ni hã wa.

EZEKIƐLƐ 3:10

Nɛ a tɔ̃ 'bɔ na: “Be 'da wele, mɔ gɛ́ zala mɔ, hã mɔ zélé wenɔ mi nɛ tɔ̃ hã mɔ ni, nɛ mɔ usu ma dɛ kɔ sila mɔ.

EZEKIƐLƐ 3:17

“Be 'da wele, mi ia mɔ do wi zɔ mɔ tɛ obe Israɛlɛ. Kɔ fala kɛ mi wele we, nɛ mɔ zele, nɛ mɔ mbese wa do zu li mi.

MATIE 28:20

Nɛ nɛ bé hã wa na, wa dɛ mbulanɔ vɛ̃ kɛ mi bia zi hã nɛ ni. Nɛ mi, mi sɛ fala nɛ kpo do nɛ fai, gbaa we hɔ ngba soe nùi ma 'danga sɛ nɛ ni.”

Owi Nɛ Tonɔ 20:27

We kɛ mi ùsù zi we do nɛ gɔ. Mi bia mɛnɔ kɛ Gale 'dafa we dɛ nɛ ni hã nɛ̃ vɛ.

Mbulanɔ 4:2

Nɛ tɛ è mbé mɔ ngɔ mbulanɔ kɛ mi bia ma hã nɛ do zu li NWA Gale 'da nɛ ni gɔ. Nɛ nɛ tɛ fò 'bɔ tɛ nɛ kpo gɔ, nɛ é ma vɛ̃ fala dɛa to.